പുടിന്-ട്രംപ് ഉച്ചകോടി; വെടിനിര്ത്തലില്ല, സമാധാനത്തിനു ചെറിയ പ്രതീക്ഷ
ആങ്കറേജ് (അലാസ്ക) : യുക്രൈന്- റഷ്യ യുദ്ധത്തിന്റെ പശ്ചാത്തലത്തില് യുഎസ് പ്രസിഡന്റ് ഡൊണാള്ഡ് ട്രംപും റഷ്യന് പ്രസിഡന്റ് വ്ളാദിമിര് പുടിനും തമ്മിലുള്ള നിര്ണായക ഉച്ചകോടി കഴിഞ്ഞപ്പോള് സമാധാനത്തിനു ചെറിയ പ്രതീക്ഷ. വെടിനിര്ത്തല് എന്ന ട്രംപിന്റെ പ്രഖ്യാപിത ലക്ഷ്യത്തില് എത്തിയില്ലെങ്കിലും ചര്ച്ചകള് തുടരും എന്ന ധാരണയിലെത്താനായി.
കരാറിലെത്താനായില്ലെങ്കിലും ചര്ച്ചയില് വലിയ പുരോഗതിയുണ്ടായെന്നും വൈകാതെ തന്നെ ലക്ഷ്യം കാണാനാവുമെന്നും ഇരുനേതാക്കളും സംയുക്ത വാര്ത്താ സമ്മേളനത്തില് പറഞ്ഞു. അടച്ചിട്ടമുറിയില് മൂന്ന് മണിക്കൂറോളം നീണ്ട ചര്ച്ചയ്ക്ക് ശേഷമായിരുന്നു ഇരു നേതാക്കന്മാരുടെയും വാര്ത്താ സമ്മേളനം.
ചര്ച്ചയിലുണ്ടായ ധാരണകളെ കുറിച്ച് യുക്രൈന് പ്രസിഡന്റ് വ്ലാദിമിര് സെലെന്സ്കിയുമായും നാറ്റോ നേതാക്കളുമായും സംസാരിക്കുമെന്നും ട്രംപ് വ്യക്തമാക്കി. പുടിനുമായി
More »
നിലവിലുള്ള സാഹചര്യം പ്രതികൂലം; അയര്ലന്ഡിലെ ഇന്ത്യാ ഡേ ആഘോഷങ്ങള് മാറ്റിവച്ചു
ഡബ്ലിന് : ഇന്ത്യക്കാര്ക്ക് നേരെയുള്ള വംശീയ അതിക്രമങ്ങളെ തുടര്ന്ന് അയര്ലന്ഡിലെ 'ഇന്ത്യാ ഡേ' ആഘോഷങ്ങള് മാറ്റിവച്ചു. സുരക്ഷാ ആശങ്കളെ തുടര്ന്നാണ് ആഘോഷം മാറ്റിയതെന്ന് അയര്ലന്ഡ് ഇന്ത്യ കൗണ്സില് അറിയിച്ചു. 'ഇന്ത്യ ദിനം ആഘോഷിക്കാന് നിലവിലെ സാഹചര്യം അനുകൂലമല്ലെന്ന് ഞങ്ങള് കരുതുന്നു' എന്നാണ് അയര്ലന്ഡ് ഉപപ്രധാനമന്ത്രി സൈമണ് ഹാരിസുമായി നടത്തിയ കൂടിക്കാഴ്ചയ്ക്ക് ശേഷം കൗണ്സിലിന്റെ ഉപാധ്യക്ഷന് പ്രശാന്ത് ശുക്ല മാധ്യമപ്രവര്ത്തകരോട് പറഞ്ഞത്. 2015 മുതല് ഐറിഷ് സര്ക്കാരുമായി സഹകരിച്ച് ഇന്ത്യാ ഡേ ആഘോഷങ്ങള് നടത്തുന്നുണ്ട്. വിവിധ കലാ പരിപാടികളോടെയുള്ള ഇത്തവണത്തെ ആഘോഷം ഞായറാഴ്ച നടത്താനാണ് നിശ്ചയിച്ചിരുന്നത്. പരിപാടി മാറ്റിവയ്ക്കാന് തീരുമാനിച്ചത് ഏറെ വിഷമത്തോടെയാണെന്ന് പ്രശാന്ത് ശുക്ല പറഞ്ഞു. ഇന്ത്യന് സമൂഹത്തിന്റെ സുരക്ഷ കണക്കിലെടുത്താണ് ഈ തീരുമാനമെടുത്തതെന്നും അദ്ദേഹം അറിയിച്ചു. പുതിയ തിയതി പിന്നീട്
More »
ആറുവയസുകാരി മലയാളി പെണ്കുട്ടിക്ക് നേരിട്ടത് ‘ഭീകരവും ഹൃദയഭേദകവുമായ’ ആക്രമണം; ആശങ്ക പ്രകടിപ്പിച്ച് ഐറിഷ് ഉപപ്രധാനമന്ത്രി
സമീപകാലത്തു അയര്ലന്ഡിലെ ഇന്ത്യന് വംശജര്ക്കെതിരായി നടന്ന ഗുരുതരമായ ആക്രമണങ്ങളില് കടുത്ത ആശങ്ക പ്രകടിപ്പിച്ച് ഉപപ്രധാനമന്ത്രി സൈമണ് ഹാരിസ്. ആക്രമണങ്ങള് നടത്തിയവര്ക്കെതിരെ സര്ക്കാര് ശക്തമായ നടപടികള് സ്വീകരിക്കുമെന്നും ഇന്ത്യന് സമൂഹത്തിന് ശക്തമായ പിന്തുണ നല്കുമെന്നും സൈമണ് ഹാരിസ് ഉറപ്പ് നല്കി. വാട്ടര്ഫോര്ഡില് ആറു വയസ്സുകാരിയായ മലയാളി പെണ്കുട്ടി നേരിട്ട ക്രൂരമായ ആക്രമണം പ്രത്യേകിച്ച് പരാമര്ശിച്ച സൈമണ് ഹാരിസ് അതിനെ ‘ഭീകരവും ഹൃദയഭേദകവുമായ സംഭവം’ എന്നാണ് വിശേഷിപ്പിച്ചത്.
അയര്ലന്ഡില് 80,000 ഓളം ഇന്ത്യന് വംശജര് താമസിക്കുന്നുണ്ടെന്നും രാജ്യത്തിന്റെ ആരോഗ്യമേഖലയ്ക്ക് ഇന്ത്യാക്കാരില്ലാതെ നിലനില്പില്ലെന്നും നമ്മുടെ സമ്പദ് വ്യവസ്ഥയുടെ വിവിധ മേഖലകളിലെ ഇന്ത്യന് സാന്നിധ്യം നിസ്തുലമാണെന്നും സൈമണ് ഹാരിസ് മാധ്യമങ്ങളോട് പറഞ്ഞു. അയര്ലന്ഡ് വംശീയതയെ വെറുക്കുന്ന രാജ്യമാണ്.
More »
റഷ്യയില് വന് ഭൂചലനം; റഷ്യയിലും ജപ്പാനിലും സുനാമി, അമേരിക്കയിലും മുന്നറിയിപ്പ്
മോസ്കോ : റഷ്യയുടെ കിഴക്കന് പ്രദേശമായ കാംചക്ക പ്രവിശ്യയില് വന് ഭൂചലനം. റിക്ടര് സ്കെയിലില് 8.7 തീവ്രത രേഖപ്പെടുത്തിയ ഭൂചലനമാണ് ഉണ്ടായത്. ശതമായ പ്രകമ്പനം ഉണ്ടായതിനെത്തുടര്ന്ന് റഷ്യ, ജപ്പാന്, അമേരിക്ക എന്നീ രാജ്യങ്ങളില് സുനാമി മുന്നറിയിപ്പ് നല്കി.റഷ്യയിലെ സെവെറോ-കുറില്സ്ക് മേഖലയില് സുമാനിത്തിരകള് ആഞ്ഞടിച്ചതിന്റെ ദൃശ്യങ്ങള് സാമൂഹിക മാധ്യമങ്ങളില് പ്രചരിക്കുന്നുണ്ട്. കാംചക്കയ്ക്ക് തൊട്ടുപിന്നാലെ പെട്രോപാവ്ലോവ്സ്ക് പ്രദേശത്തും പ്രകമ്പനം ഉണ്ടായതായി റിപ്പോര്ട്ടുകളുണ്ട്. 6.9 തീവ്രത രേഖപ്പെടുത്തിയ പ്രകമ്പനങ്ങളാണ് രേഖപ്പെടുത്തിയത്.
പസഫിക് സമുദ്രത്തിലെ പെട്രോപാവ്ലോവ്സ്-കംചാറ്റ്സ്കി നഗരത്തിന് തെക്കുകിഴക്കായി 126 കിലോമീറ്റര് അകലത്തിലാണ് ഭൂചലനത്തിന്റെ പ്രഭവ കേന്ദ്രമെന്ന് യുഎസ് ജിയോളജിക്കല് സര്വേ അറിയിച്ചു. ഭൂചലനത്തിന്റെ തീവ്രതയില് ജപ്പാനിലും സുനാമിത്തിരകള് ആഞ്ഞടിച്ചതായി
More »
ഇറാനും ഇസ്രയേലും സമ്പൂര്ണ്ണ വെടിനിര്ത്തലിന് അംഗീകാരം നല്കിയെന്ന് ട്രംപ്; വെടിനിര്ത്തല് എക്കാലവും നിലനില്ക്കുന്നതെന്ന്
ഇറാനും, ഇസ്രയേലും വെടിനിര്ത്തലിന് സമ്മതിച്ചതായി പ്രഖ്യാപിച്ച് യുഎസ് പ്രസിഡന്റ് ഡൊണാള്ഡ് ട്രംപ്. രണ്ടാഴ്ച കാലമായി ഇരുരാജ്യങ്ങളും തമ്മില് മിസൈലുകള് തൊടുക്കുകയും, രണ്ട് ദിവസം മുന്പ് ഡൊണാള്ഡ് ട്രംപിന്റെ ഉത്തരവില് യുഎസ് ഇറാന്റെ ആണവ ലാബുകള് ബോംബിടുകയും ചെയ്ത ശേഷമാണ് ഈ നാടകീയ പ്രഖ്യാപനം.
12 ദിവസം നീണ്ട യുദ്ധം 24 മണിക്കൂറില് അവസാനിക്കുമെന്ന് പ്രസിഡന്റ് ട്രംപ് പറഞ്ഞു. എന്നാല് ഭാവിയില് അക്രമങ്ങള് ഉണ്ടായേക്കാമെന്ന് മുന്നറിയിപ്പ് നല്കുകയും, ഇറാന് മിഡില് ഈസ്റ്റിലെ അമേരിക്കയുടെ സൈനിക ബേസ് അക്രമിക്കുകയും ചെയ്ത് മണിക്കൂറുകള്ക്കുള്ളിലാണ് പ്രഖ്യാപനം.
ആറ് മണിക്കൂറിനുള്ളില് വെടിനിര്ത്തല് നിലവില് വരുമെന്ന് തന്റെ ട്രൂത്ത് സോഷ്യല് പോസ്റ്റ് വഴി ട്രംപ് അവകാശപ്പെട്ടു. ഇസ്രയേലും, ഇറാനും തമ്മില് കരാറില് എത്തിച്ചേര്ന്നുവോയെന്ന് അദ്ദേഹം സ്ഥിരീകരിച്ചിട്ടില്ല. എന്നിരുന്നാലും
More »
ഖത്തറും ബഹ്റൈനും വ്യോമപാത തുറന്നു; ദുബായ് വിമാനത്താവളവും സാധാരണ നിലയില്, പ്രവാസികള്ക്ക് ആശ്വാസം
ഇറാഖിലെയും ഖത്തറിലെയും യുഎസ് സൈനികതാവളങ്ങള് ലക്ഷ്യമാക്കി ഇറാന് നടത്തിയ വ്യോമാക്രമണത്തെ തുടര്ന്ന് അടച്ച വ്യോമ പാത തുറന്നു ഖത്തറും ബഹ്റൈനും കുവൈറ്റും. ദുബായ് വിമാനത്താവളത്തിന്റെ പ്രവര്ത്തനങ്ങളും സാധാരണനിലയിലായി. ഇറാനും ഇസ്രയേലും വെടിനിര്ത്തലിന് ധാരണയായെന്ന ട്രംപിന്റെ പ്രസ്താവനയോടെയാണ് സംഘര്ഷ സ്ഥിതി മാറിയത്.
ഇന്ത്യന്സമയം ചൊവ്വാഴ്ച പുലര്ച്ചെ 2.45 ഓടെയാണ് ഖത്തര് വ്യോമപാത തുറന്നതായി സിഎന്എന് അടക്കമുള്ള അന്താരാഷ്ട്രമാധ്യമങ്ങള് റിപ്പോര്ട്ട് ചെയ്തത്. ഖത്തറിന് പുറമേ കുവൈത്തും ബഹ്റൈനും തങ്ങളുടെ വ്യോമപാതകള് തുറന്നതായും സിഎന്എന് റിപ്പോര്ട്ട് ചെയ്തു.
ഖത്തര് വ്യോമപാത തുറന്നതിന് പിന്നാലെ തിരുവനന്തപുരത്ത് നിന്നുള്ള ചില വിമാന സര്വീസുകള് പുനഃസ്ഥാപിച്ചു. തിരുവനന്തപുരം- ദുബായ് എമിറേറ്റ്സ് വിമാനം, തിരുവനന്തപുരം - അബുദാബി എത്തിഹാദ്, തിരുവനന്തപുരം - ഷാര്ജ എയര് അറേബ്യ
More »
ഇറാന്റെ മൂന്ന് ആണവ കേന്ദ്രങ്ങള് അക്രമിച്ച് യുഎസ്; ആശങ്ക പടരുന്നു
ഇറാന് രണ്ടാഴ്ചത്തെ അന്ത്യശാസനം നല്കിയ അമേരിക്ക അതിനു മുമ്പ് തന്നെ ആക്രമണവുമായി രംഗത്ത്. ഇറാനിലെ മൂന്ന് ആണവ നിലയങ്ങള് യുഎസ് ആക്രമിച്ചു. ഇറാന് ആണവ സമ്പുഷ്ടീകരണ കേന്ദ്രങ്ങള്ക്ക് എതിരെ നടത്തിയ അക്രമങ്ങള് വന് സൈനിക വിജയമായെന്ന് പ്രസിഡന്റ് ഡൊണാള്ഡ് ട്രംപ് വ്യക്തമാക്കി. കേന്ദ്രങ്ങള് പൂര്ണ്ണമായി തരിപ്പണമാക്കിയെന്നും അദ്ദേഹം സ്ഥിരീകരിക്കുന്നു. എന്നാല് ഇസ്രയേലുമായി സമാധാനം ഉണ്ടാക്കാന് ചര്ച്ചകള്ക്കായി മടങ്ങിയെത്തിയില്ലെങ്കില് കാര്യങ്ങള് മാറുമെന്നും മുന്നറിയിപ്പില് വ്യക്തമാക്കുന്നു.
ഫോര്ദോ, നതാന്സ്, ഇസ്ഹാന് കേന്ദ്രങ്ങളിലാണ് ആക്രമണം നടത്തിയത്. വളരെ വിജയകരമായ ആക്രമണം പൂര്ത്തിയാക്കി യുദ്ധ വിമാനങ്ങള് മടങ്ങിയെന്ന്
യുഎസ് പ്രസിഡന്റ് ഡോണള്ഡ് ട്രംപ് പറഞ്ഞു. ഉഗ്ര പ്രഹര ശേഷിയുള്ള യുഎസ് വ്യോമസേന ബി 2 ബോംബര് വിമാനങ്ങള് അമേരിക്കയിലെ സൈനിക താവളത്തില് നിന്ന് പറന്നുയര്ന്ന് പസഫിക്
More »
ഇറാനെ അക്രമിക്കാനുള്ള പദ്ധതികള്ക്ക് ട്രംപിന്റെ അംഗീകാരം; യുകെ ഇടപെടുന്നത് നിയമവിരുദ്ധമാകുമെന്ന് സ്റ്റാര്മര്ക്ക് മുന്നറിയിപ്പ്
ഇറാനില് യുഎസ് വ്യോമാക്രമണത്തിന് പച്ചക്കൊടി വീശി ഡൊണാള്ഡ് ട്രംപ്. അക്രമണത്തിന്റെ അന്തിമ ഉത്തരവ് നല്കാനുള്ള കാത്തിരിപ്പ് മാത്രമാണ് ബാക്കിയെന്നാണ് റിപ്പോര്ട്ട്. ഇറാനെതിരെ ഒരു സമ്പൂര്ണ്ണ വിജയം മാത്രമാണ് ഇനി സ്വീകരിക്കുകയെന്ന് വ്യക്തമാക്കിയ യുഎസ് പ്രസിഡന്റ് വെടിനിര്ത്തലില് താല്പര്യമില്ലെന്നും അറിയിച്ചിട്ടുണ്ട്.
ഇറാന്റെ ആണവ കേന്ദ്രങ്ങളില് ബോംബിടാനുള്ള പദ്ധതിക്കാണ് ട്രംപ് അംഗീകാരം നല്കിയിട്ടുള്ളതെന്ന് ഇതുമായി ബന്ധപ്പെട്ട ശ്രോതസ്സുകള് വെളിപ്പെടുത്തി. എന്നിരുന്നാലും ഇറാന് ഭരണകൂടം ആണവ പ്രോഗ്രാം ഉപേക്ഷിക്കാന് തയ്യാറാകുമോയെന്ന് കാത്തിരിക്കാനും ട്രംപ് തയ്യാറായിട്ടുണ്ട്. ഇതിന്റെ പേരിലാണ് ഈ താല്ക്കാലിക കാത്തിരിപ്പെന്നും വാള് സ്ട്രീറ്റ് ജേണല് റിപ്പോര്ട്ട് ചെയ്യുന്നു.
എന്നാല് ഇസ്രയേലിനൊപ്പം ചേര്ന്ന് തങ്ങളെ അക്രമിക്കുന്ന സാഹചര്യമുണ്ടായാല് യുഎസ് മിഡില് ഈസ്റ്റില്
More »
ലൈവ് വാര്ത്തയ്ക്കിടെ ഇറാന് സ്റ്റേറ്റ് ടിവി കേന്ദ്രത്തിന് നേരെ ആക്രമണം
ടെഹ്റാന് : തിങ്കളാഴ്ച വൈകുന്നേരം ടെഹ്റാനിലെ റണ്ണിന്റെ സ്റ്റേറ്റ് ബ്രോഡ്കാസ്റ്റര് ഐആര്ഐബി നിലയം ഇസ്രായേല് മിസൈല് ആക്രമണത്തില് തകര്ന്നു. ടെലിവിഷന് ലൈവ് നടക്കുന്ന സമയത്തായിരുന്നു ആക്രമണം. അവതാരക വാര്ത്ത വായിച്ചുകൊണ്ടിരിക്കുമ്പോള് പുറകില് വസ്തുക്കള് തകര്ന്നുവീഴുന്നതും പുക ഉയരുന്നതും പ്രേക്ഷകര് ലൈവില് കണ്ടു. സ്റ്റുഡിയോയ്ക്കുള്ളില് ഒരു സ്ഫോടനം കേള്ക്കുന്നതും സാധനങ്ങള് കത്തി വീഴുന്നതും അവതാരക വേഗത്തില് ഇറങ്ങിപ്പോകുന്നതിന്റെയും ദൃശ്യങ്ങളുമുണ്ട്.
വലിയ സ്ഫോടനത്തെത്തുടര്ന്ന് തത്സമയ സംപ്രേക്ഷണം വിച്ഛേദിക്കുമ്പോഴും കെട്ടിടത്തിന് തീപിടിച്ചതായി ദൃശ്യങ്ങള് കാണിച്ചു. പിന്നീട് ബ്രോഡ്കാസ്റ്റര് ഐആര്ഐബിയുടെ മുതിര്ന്ന ലേഖകന് തീയും പുകയും നിറഞ്ഞ കെട്ടിടത്തിന് പുറത്ത് റിപ്പോര്ട്ട് ചെയ്യുന്നത് കണ്ടു. 'ബോംബ് വീഴുമ്പോള് ഞാന് ഒന്നാം നിലയിലായിരുന്നു. എന്റെ എത്ര
More »
