അസോസിയേഷന്‍

വോകിംഗ് കാരുണ്യയോടൊപ്പം യുകെയിലെ സുമനസുകള്‍ സ്വരൂപിച്ച 67731.00 രൂപ ഗായകന്‍ ഫ്രാങ്കോ സുബ്രമണ്യന് കൈമാറി

തൃശൂര്‍ : വോകിംഗ് കാരുണ്യയോടൊപ്പം യുകെയിലെ സുമനസുകള്‍ സ്വരൂപിച്ച 67731.00 രൂപ പ്രശസ്ത പിന്നണി ഗായകന്‍ ഫ്രാങ്കോ സുബ്രമണ്യന് കൈമാറി. തദവസരത്തില്‍ ചാരിറ്റി പ്രവര്‍ത്തകരായ സിബിന്‍ ലാസര്‍ , ശ്രീജോ വര്‍ഗീസ് എന്നിവരും സന്നിഹിതരായിരുന്നു.


പൂമംഗലം പഞ്ചായത്തിലെ കല്‍പറമ്പില്‍ താമസിക്കുന്ന സുബ്രന്‍ തീരാദുഃഖങ്ങളുടെ നടുവിലാണ്. രണ്ടു കുട്ടികളുടെ പിതാവായ നാല്പത്തഞ്ചുകാരനായ സുബ്രന്‍ പപ്പടം ഉണ്ടാക്കി വിറ്റാണ് കുടുംബം പോറ്റിയിരുന്നത്. കഷ്ടതകളും യാതനകളും നിറഞ്ഞ ജീവിതത്തിലേക്ക് ഒട്ടും പ്രതീക്ഷിക്കാതെയാണ് ഒരു വില്ലനെപ്പോലെ ഹൃദ്രോഗം കടന്നു വന്നത്. നിത്യചിലവുകള്‍ക്കായി പപ്പടം ഉണ്ടാക്കുന്നതിനിടയില്‍ തലകറങ്ങി വീഴുകയായിരുന്നു സുബ്രന്‍. നാട്ടുകാരും സുഹൃത്തുക്കളും ചേര്‍ന്ന് ആശുപത്രിയിലാക്കിയ സുബ്രനെ വിദഗ്ധ പരിശോധനകള്‍ക്ക് ശേഷമാണ് ഹൃദയ സംബന്ധമായ രോഗമാണ് തലകറങ്ങിവീഴാന്‍ കാരണമെന്ന് കണ്ടെത്തിയത്.

വിദഗ്ധ പരിശോധനകള്‍ക്ക് ശേഷം ഉടന്‍തന്നെ ഒരു സര്‍ജറി വേണമെന്നാണ് ഡോക്ടര്‍മാര്‍ നിര്‍ദേശിച്ചത്. സര്‍ജറി കഴിഞ്ഞപ്പോഴേക്കും സുബ്രന്‍ വലിയൊരു കടക്കെണിയിലായിരുന്നു. ആകെയുണ്ടായിരുന്ന തന്റെ രണ്ടു സെന്റ് സ്ഥലവും കൊച്ചു വീടും പണയപ്പെടുത്തിയാണ് സുബ്രന്‍ ഓപറേഷനുള്ള പണം കണ്ടെത്തിയത്. അതിപ്പോള്‍ സുബ്രനും കുടുംബത്തിനും ഉള്ള കിടപ്പാടവും നഷ്ടപ്പെടും എന്ന അവസ്ഥയില്‍ എത്തിയിരിക്കുകയാണ്. ഇപ്പോള്‍ മറ്റൊരു സര്‍ജറി കൂടി വേണ്ടിവരുമെന്നാണ് ഡോക്ടര്‍മാര്‍ പറയുന്നത്.

സ്‌കൂളില്‍ പഠിക്കുന്ന രണ്ടു മക്കള്‍ക്കുള്ള അനുദിന ചിലവുകള്‍ക്കുപോലും കഷ്ടപ്പെടുന്ന സുബ്രന്‍ ഇനിയുള്ള ചികിത്സകള്‍ക്കായി എങ്ങനെ പണം കണ്ടെത്തുമെന്നറിയാതെ വലയുകയാണ്. സുബ്രന്റെയും കുടുംബത്തിന്റെയും ഈ വിഷമാവസ്ഥ അറിഞ്ഞ വോകിംഗ് മലയാളിയായ നോര്‍ഡി ജേക്കബ് സുബ്രന്റെ ഈ അവസ്ഥ വോകിംഗ് കാരുണ്യയെ അറിയിക്കുകയായിരുന്നു. തികച്ചും അര്‍ഹതപെട്ടതെന്നു മനസിലാക്കിയ വോകിംഗ് കാരുണ്യ അന്‍പത്തെട്ടാമത് സഹായം സുബ്രന് കൊടുക്കാന്‍ തീരുമാനിക്കുകയായിരുന്നു.

പ്രിയമുള്ളവരേ സുബ്രനെയും കുടുംബത്തെയും സഹായിക്കുവാന്‍ സന്മനസ് കാണിച്ച എല്ലാ സുഹൃത്തുക്കള്‍ക്കും വോകിംഗ് കാരുണ്യ നന്ദി അറിയിച്ചു.
https://www.facebook.com/pg/ Woking-Karunya-Charitable- society-193751150726688/posts/
Charitties Bank Account Details

കൂടുതല്‍ വിവരങ്ങള്‍ക്ക്:
Jain Joseph:07809702654
Boban Sebastian:07846165720
Saju joseph 07507361048

  • യു എന്‍ എഫ് ഈസ്റ്റ് വെസ്റ്റ് മിഡ്‌ലാന്‍ഡ്‌സ് റീജിയന്‍ പഠന ക്ലാസ്സ് ശ്രദ്ധേയമായി
  • യുക്മ യൂത്ത് കരിയര്‍ ഗൈഡന്‍സ് നടത്തുന്നു
  • മുപ്പത്താറ് ലക്ഷത്തില്‍പരം രൂപ കൈമാറി വോകിംഗ് കാരുണ്യ ചാരിറ്റബിള്‍ സൊസൈറ്റി എഴാം വര്‍ഷത്തിലേക്ക്
  • 'ഓര്‍മയില്‍ ഒരു ഗാനം' ; ആറാം എപ്പിസോഡില്‍ കാര്‍ഡിഫിലെ ജെയ്‌സണ്‍ ജെയിംസ് പാടുന്നു
  • എന്‍എംസി യുടെ പുതിയ മാര്‍ഗ്ഗരേഖ അറിയാന്‍ യുക്മ നഴ്‌സസ് ഫോറത്തിന്റെ ആഭിമുഖ്യത്തില്‍ ശനിയാഴ്ച നോട്ടിംഗ്ഹാമില്‍ പഠനക്ലാസ്
  • പീറ്റര്‍ ചേരാനല്ലൂരിന്റേയും മിന്‍മിനിയുടേയും സംഗീത സന്ധ്യയ്ക്കായി ലണ്ടനിലെ ഡഗന്‍ഹാം ഒരുങ്ങി
  • എല്‍.കെ.സി.എ: മാത്യൂ വില്ലൂത്തറ പ്രസിഡന്റ്, സാജന്‍ പടിക്കമാലില്‍ സെക്രട്ടറി
  • യുകെകെസിഎ സ്വാന്‍സി യൂണിറ്റിന് പുതിയ നേതൃത്വം
  • ആദ്രകലാ കേന്ദ്രയുടെ നൃത്ത സന്ധ്യ ബ്രിസ്റ്റോളിലെ കലാസ്നേഹികള്‍ക്ക് നവ്യാനുഭവമായി; വേദിയ്ക്ക് തിളക്കമായി സ്വപ്ന നായകന്‍ ശങ്കറും
  • വോകിംഗ് കാരുണ്യയുടെ അറുപത്തിരണ്ടാമത് സഹായമായ അന്‍പതിനായിരം രൂപ തോമസിന് കൈമാറി
  •  
        © 2012 ukmalayalamnews.com All rights reserved. Powered by Phoenix Infoway