Don't Miss

കമ്പനി അവധി നിഷേധിച്ചു, നാട്ടില്‍ നിശ്ചയിച്ചുറപ്പിച്ച വിവാഹത്തിന് വരാനാകാതെ വരന്‍ ; ബന്ധുക്കള്‍ സുഷമാ സ്വരാജിന്റെ സഹായം തേടി

മാവേലിക്കര: ജോലി ചെയ്യുന്ന വിദേശ കമ്പനിയില്‍ നിന്നും അവധി ലഭിക്കാത്തതിനാല്‍ നാട്ടില്‍ നിശ്ചയിച്ചുറപ്പിച്ച വിവാഹത്തില്‍ പങ്കെടുക്കാന്‍ കഴിയാതെ പ്രതിശ്രുത വരന്‍ കുരുങ്ങി. തഴക്കര ഇറവങ്കര ഗീതാഭവനില്‍ ശ്രീജിത്ത് യശോധരനാണ് കമ്പനിയില്‍ നിന്ന് അവധി ലഭിക്കാത്തതിനാല്‍ വിവാഹത്തിന് വരാന്‍ കഴിയാതിരുന്നത്. നാട്ടില്‍ കുടുംബം വിവാഹ ഒരുക്കങ്ങളെല്ലാം നടത്തി കാത്തിരിക്കുമ്പോള്‍ വരാന്‍ കഴിയാതെ വിഷമിക്കുന്ന വരന്‍ ഒടുവില്‍ വിദേശകാര്യമന്ത്രി സുഷമാ സ്വരാജിന്റെ സഹായം തേടി.

കുവൈത്തില്‍ ഗള്‍ഫ് റെന്റ് കാര്‍പ്പോ കമ്പനിയില്‍ ജോലി ചെയ്യുന്ന ശ്രീജിത്തിന്റെ വിവാഹം ശിവഗിരി സ്വദേശിനിയുമായി തിങ്കളാഴ്ച നിശ്ചയിച്ചിരിക്കുകയാണ്. കമ്പനി അധികൃതരുമായി സംസാരിച്ച ശേഷമാണ് വിവാഹത്തീയതി നിശ്ചയിച്ചത്. എന്നാല്‍ ഇപ്പോള്‍ അവധി നല്‍കാന്‍ തയാറല്ലെന്ന നിലപാടാണ് കമ്പനി സ്വീകരിച്ചത്. ഇതേത്തുടര്‍ന്ന് ശ്രീജിത്തിന്റെ വീട്ടുകാര്‍ വിദേശകാര്യ മന്ത്രി സുഷമാസ്വരാജിന് ഇ-മെയില്‍ വഴി പരാതി നല്‍കി. ഇന്ത്യന്‍ എംബസി വിഷയത്തില്‍ ഇടപെട്ടതോടെ അവധി നല്‍കാമെന്ന് അധികൃതര്‍ സമ്മതിച്ചു.

അതേസമയം കമ്പനി വീണ്ടും നിലപാട് മാറ്റുകയായിരുന്നു. ഇതോടെ രണ്ടാമതും വിദേശകാര്യമന്ത്രിക്ക് വീട്ടുകാര്‍ പരാതി നല്‍കിയിട്ടുണ്ട്. വിവാഹത്തിന്റെ ഒരുക്കം പൂര്‍ത്തീകരിച്ച് ശ്രീജിത്തിന്റെ വരവും കാത്തിരിക്കുകയാണ് കുടുംബം. സുഷമാ സ്വരാജ് കനിഞ്ഞാലേ ശ്രീജിത്തിന്റെ വിവാഹം നടക്കൂ എന്നതാണ് സ്ഥിതി .

  • കോണ്‍വക്കേഷനില്‍ ചൂളമടിച്ചു വിദ്യാര്‍ത്ഥികളെ ഞെട്ടിച്ചു കേന്ദ്രമന്ത്രി സ്മൃതി ഇറാനി
  • ഇന്ത്യന്‍യുവാക്കളെ സോഷ്യല്‍മീഡിയ വഴി ഐഎസില്‍ റിക്രൂട്ട് ചെയ്യുന്ന ഫിലിപ്പീന്‍സുകാരി പിടിയില്‍
  • മൂന്നു വയസുകാരിയുടെ മിസിംഗ്: അമേരിക്കയില്‍ മലയാളി പിതാവിനെ കാത്തിരിക്കുന്നത് 20 വര്‍ഷം തടവ്; നിര്‍ണ്ണായക തെളിവ് കിട്ടിയതായി സൂചന
  • നടന്‍ അലന്‍സിയര്‍ക്കെതിരെ സോഷ്യല്‍മീഡിയയില്‍ സംഘപരിവാര്‍ കൊലവിളി; കൊല്ലാനും കത്തിക്കാനും ആഹ്വാനം
  • 'ദയവായി എന്റെ മക്കളെ വെറുതേവിടൂ; അപേക്ഷയുമായി സച്ചിന്‍
  • മുറിയിലെത്തിച്ച് ഐശ്വര്യ റായിയെ പീഡിപ്പിക്കാന്‍ ഹോ​ളി​വു​ഡ് നിര്‍​മാ​താ​വ് ശ്രമിച്ചു- ഞെട്ടിക്കുന്ന വെളിപ്പെടുത്തല്‍
  • ഗുജറാത്തില്‍ രാഹുല്‍ ഗാന്ധി സത്രീകളുടെ ശൗചാലയത്തില്‍ മാറിക്കയറി
  • ഗുജറാത്തില്‍ രാഹുല്‍ ഗാന്ധിയുടെ ചെണ്ടകൊട്ടും ഡാന്‍സും: വീഡിയോ വൈറല്‍
  • പാല് കുടിക്കാത്തതിന് വീടിനു പുറത്തു നിര്‍ത്തി: മൂന്ന് വയസുകാരിയെ കാണാതായി; മലയാളി അമേരിക്കയില്‍ അറസ്റ്റില്‍
  • മാഞ്ചസ്റ്റര്‍ ക്‌നാനായ തിരുനാളിന് ഭക്തിനിര്‍ഭരമായ സമാപനം
  •  
        © 2012 ukmalayalamnews.com All rights reserved. Powered by Phoenix Infoway