യു.കെ.വാര്‍ത്തകള്‍

ലണ്ടനെ നടുക്കി വീണ്ടും ആക്രമണം: പള്ളിയില്‍ പ്രാര്‍ത്ഥന കഴിഞ്ഞിറങ്ങിയ മുസ്ലീങ്ങള്‍ക്ക് നേരെ വാന്‍ ഓടിച്ചു കയറ്റി, ഒരു മരണം , നിരവധിപ്പേര്‍ക്കു പരിക്ക്

ലണ്ടന്‍ : ഭീകരാക്രമണവും തീപിടുത്ത ദുരന്തവും ഏല്‍പ്പിച്ച ആഘാതത്തില്‍ നില്‍ക്കുന്ന ലണ്ടനെ നടുക്കി വീണ്ടും ആക്രമണം. പ്രാര്‍ത്ഥന കഴിഞ്ഞ് പുറത്തിറങ്ങിയ മുസ്ലീങ്ങള്‍ക്കിടയിലേിയ്ക്ക് വാഹനം ഓടിച്ചു കയറ്റി. ഒരാള്‍ മരിച്ചു. നിരവധി പേര്‍ക്ക് പരുക്ക്. വടക്കന്‍ ലണ്ടനിലെ സെവന്‍ സിസ്‌റ്റേഴ്‌സ് റോഡില്‍ ഇന്ന് പുലര്‍ച്ചെ ഫിന്‍സ്ബറി പാര്‍ക്കിലെ മുസ്ലീം പള്ളിയില്‍ നിന്ന് പ്രാര്‍ത്ഥന കഴിഞ്ഞ് ഇറങ്ങിയവര്‍ക്കു നേരെയാണ് വാഹനം പാഞ്ഞു കയറിയത്.

സമീപത്തെ ബസ് സ്റ്റോപ്പില്‍ തളര്‍ന്നുവീണ പ്രായമായ ഒരാളെ സഹായിക്കാന്‍ ഒത്തുകൂടിയവര്‍ക്ക് നേരെയാണ് വാഹനം ഇടിച്ചുകയറ്റിയതെന്നാണ് വിവരം. ഒരാള്‍ സംഭവസ്ഥലത്ത് വെച്ച് കൊല്ലപ്പെട്ടു.പത്തോളം പേര്‍ക്ക് ഗുരുതര പരുക്കേറ്റിട്ടുണ്ടെന്നാണ് സൂചനകള്‍.

സ്ഥലത്തെത്തിയ എമര്‍ജന്‍സി സര്‍വീസുകള്‍ ഇരകള്‍ക്ക് സിപിആറും മറ്റും നല്‍കി.വാനില്‍ മൂന്ന് പേര്‍ ഉണ്ടായിരുന്നെന്നും, രണ്ട് പേര്‍ ഓടിരക്ഷപ്പെട്ടതായും ദൃക്‌സാക്ഷികള്‍ പറയുന്നു. ഡ്രൈവറിന്റെ പക്കല്‍ തോക്കുണ്ടായിരുന്നുവെന്നും പറയപ്പെടുന്നു. പള്ളിക്ക് മുന്‍പിലേക്ക് എത്തുംമുന്‍പ് പേവ്‌മെന്റിലേക്ക് ഇടിച്ചുകയറിയതിനാല്‍ അപകടം കുറഞ്ഞെന്നാണ് വിവരം.

വാഹനം ഇടിച്ചുകയറ്റിയ ഡ്രൈവറെ അവിടുണ്ടായിരുന്ന ആളുകള്‍ കൈയോടെ പിടികൂടി പോലീസ് കൈമാറിയതായി ദൃക്‌സാക്ഷികള്‍ വ്യക്തമാക്കി.
മനപൂര്‍വം ജനക്കൂട്ടത്തിലേയ്ക്ക് വെളുത്ത നിറത്തിലുള്ള വാന്‍ ഓടിച്ചു കയറ്റുകയായിരുന്നുവെന്ന് ദൃക്‌സാക്ഷികള്‍ പറയുന്നു. പിന്നാലെ വാന്‍ ഉപേക്ഷിച്ച് വാനില്‍ നിന്ന് മൂന്നു പേര്‍ ഓടി പ്രാര്‍ത്ഥന കഴിഞ്ഞ സമയമായിരുന്നതിനാല്‍ റോഡില്‍ നല്ല തിരക്കായിരുന്ന സമയത്താണ് അപടകടമുണ്ടായത്.


ഭീകരാക്രമണം ആയിരുന്നുവെന്നാണ് സൂചന. സംഭവത്തില്‍ 48 കാരനായ ഒരാള്‍ അറസ്റ്റിലായതായി പോലീസ് അറിയിച്ചു. അപകടമല്ല ആളുകളെ കൊല്ലാനുള്ള ശ്രമമാണെന്ന് മുസ്ലീം കൗണ്‍സില്‍ ഓഫ് ബ്രിട്ടന്‍ അറിയിച്ചു. അടുത്തിടെ ഉണ്ടായ ഭീകരാക്രമണത്തിലും തീ പിടുത്തത്തിന്റെയും ഞെട്ടല്‍ മാറുന്നതിനു മുമ്പാണ് വീണ്ടും ആക്രമണം. ഭീകരവിരുദ്ധ സ്‌ക്വഡ് അന്വേഷണം വ്യാപിപ്പിച്ചു.

പ്രധാനമന്ത്രി തെരേസ മേയുടെ അധ്യക്ഷതയില്‍ ക്യാബിനറ്റ് ചേര്‍ന്ന് സ്ഥിതിഗതികള്‍ വിലയിരുത്തി. തീവ്രവാദിയാക്രമണമാണ് സംശയിക്കുന്നതെന്നു പ്രധാനമന്ത്രി പറഞ്ഞു. സംഭവത്തില്‍ ലേബര്‍ നേതാവ് ജെറമി കോര്‍ബിന്‍ നടുക്കം രേഖപ്പെടുത്തി. റംസാന്‍ നോമ്പ് ഈ ആഴ്ച അവസാനിക്കാനിരിക്കെ വിശ്വാസികളുടെ വലിയ തിരക്കായായിരുന്നു.

  • മോഷ്ടാക്കള്‍ വീട്ടമ്മയെ കൊലപ്പെടുത്തി, മലയാളി കുടുംബങ്ങള്‍ ജാഗ്രത പാലിക്കണം
  • ഒരു പൗണ്ട് = 91 രൂപ , പൗണ്ട് മികവ് തുടരുന്നു
  • മേല്‍വസ്ത്രമില്ലാതെ ലണ്ടന്‍ ഫാഷന്‍ വീക്ക് വേദിയില്‍ യുവതികള്‍
  • യൂണിവേഴ്‌സിറ്റി ട്യൂഷന്‍ ഫീസുകള്‍ വെട്ടിക്കുറയ്ക്കും; മലയാളികള്‍ക്ക് ആശ്വാസമാകും
  • സ്വന്തം വീട് നടക്കാത്ത സ്വപ്‌നമായി; യുകെയിലെ യുവത്വത്തിന്റെ വിധി
  • എന്‍എച്ച്എസിലും ലിംഗ വിവേചനം; വേതനം പുരുഷഡോക്ടര്‍മാര്‍ക്ക് രണ്ടരമടങ്ങ് കൂടുതല്‍
  • വീടില്ലാത്ത വ്യക്തി പാര്‍ലമെന്റ് പടിക്കല്‍ തണുത്ത് വിറച്ച് മരിച്ചു
  • വീണ്ടും ദുഃഖവാര്‍ത്ത: ലണ്ടനില്‍ തലയോലപ്പറമ്പ് സ്വദേശി മരണമടഞ്ഞു
  • ബെര്‍മിംഗ്ഹാമിനെ ആശങ്കയിലാഴ്ത്തി തിയേറ്ററില്‍ വന്‍ സ്‌ഫോടന ശബ്ദം; ആളുകളെ ഒഴിപ്പിച്ചു
  • ഈ വാരാന്ത്യം പ്രണവിന്റെ 'ആദി' ക്കൊപ്പം; യുകെയിലെ 75 തിയറ്ററുകളില്‍ റിലീസ്
  •  
        © 2012 ukmalayalamnews.com All rights reserved. Powered by Phoenix Infoway