യു.കെ.വാര്‍ത്തകള്‍

ഗ്രെന്‍ഫെല്‍ ടവര്‍ ദുരന്തം: ചില ജഡങ്ങള്‍ തിരിച്ചറിയാനാവില്ല, മരണസംഖ്യ ഉയരുന്നു

ലണ്ടന്‍ : ഗ്രെന്‍ഫെല്‍ ടവര്‍ ദുരന്തം നടന്നു ഒരാഴ്ച എത്തുമ്പോഴും മരണ സംഖ്യ കണക്കാക്കാനാവാതെ അധികൃതര്‍. 58 മരണമാണ് ഇതിനോടകം സ്ഥിരീകരിക്കപ്പെട്ടത്. മാധ്യമങ്ങള്‍ 70 ആയെന്നു പറയുന്നു. അനൗദ്യോഗിക റിപ്പോര്‍ട്ട് 100 കവിയുമെന്നും. കാണാത്തവരുടെ ജഡങ്ങള്‍ ലഭിക്കാത്തതും തിരിച്ചറിപ്പെടാത്തവിധം പൊള്ളലേറ്റ അവശിഷ്ടങ്ങളും പോലീസിനെ കുഴക്കുന്നുണ്ട്. ഇവയ്ക്കു ശാസ്ത്രീയ പരിശോധന വേണ്ടിവരും. മരണം കൃത്യമായി കണക്കാക്കാന്‍ ആഴ്ചകള്‍ വേണ്ടിവരുമെന്നാണ് പോലീസ് പറയുന്നത്. ചില ജഡങ്ങള്‍ ഒരിക്കലും തിരിച്ചറിയപ്പെടാത്തവിധം കത്തിച്ചാമ്പലായി എന്നും റിപ്പോര്‍ട്ടുകളുണ്ട്.



അതുകൊണ്ടുതന്നെയാണ് മരണസംഖ്യ ഉയരുമെന്ന് പോലീസ് വ്യക്തമാക്കുന്നത്. കെട്ടിടത്തിനുള്ളില്‍ തിരച്ചില്‍ നടന്നുവരുകയാണ്. കെട്ടിടത്തില്‍ താമസിച്ച എല്ലാവരും അവിടുണ്ടായിരുന്നോ എന്നും ആരൊക്കെയാണ് കാണാതായതെന്നും ഇനിയും വ്യക്തമായ തിട്ടമില്ല. 18 പേര്‍ വിവിധ ആശുപത്രികളില്‍ ചികിത്സയിലുണ്ട്. അതില്‍ 9 പേരുടെ നിലഗുരുതരമാണ്‌. കെട്ടിടത്തിൽ താമസിച്ചിരുന്നവരുടെ പരിചയക്കാരോ ബന്ധുക്കളോ തങ്ങളെ ബന്ധപ്പെടണമെന്ന് അധികൃതര്‍ പറഞ്ഞു.


തെരച്ചലില്‍ തങ്ങള്‍ നേരിടുന്ന വെല്ലുവിളി എത്രയെന്നു ബോധ്യപ്പെടുത്താന്‍ ടവറിന്റെ അകത്തെ ചിത്രങ്ങള്‍ പോലീസ് പുറത്തുവിട്ടു. ഇനിയാരും ജീവനോടെ അവശേഷിക്കുന്നില്ല എന്ന് ഉറപ്പിക്കുന്നതാണ് ചിത്രങ്ങള്‍ .


വീട് നഷ്ടപ്പെട്ടവര്‍ക്ക് 5,500 പൗണ്ട് വീതം സര്‍ക്കാര്‍ ധനസഹായം പ്രഖ്യാപിച്ചിട്ടുണ്ട്. 500 പൗണ്ട് പണമായും ബാക്കി 5000 അകൗണ്ടിലേക്കും ആണ് ഇടുന്നത്. വെള്ളിയാഴ്ചയാണ് സഹായമായി അഞ്ചു മില്യണ്‍ പൗണ്ട് അനുവദിച്ചത്.

  • രോഗികള്‍ക്ക് വേണ്ടത് വിശ്രമം; ആന്റിബയോട്ടിക്‌സ് അല്ല - പബ്ലിക്ക് ഹെല്‍ത്ത് ഇംഗ്ലണ്ട്
  • നനീട്ടണിലെ ബൗളിംഗ് ആലിയില്‍ തോക്കുമായി അക്രമി നാല് മണിക്കൂര്‍ ആളുകളെ ബന്ദിയാക്കി, പോലീസ് അക്രമിയെ പിടികൂടി
  • അമേരിക്കയില്‍ രണ്ടാഴ്ച മുമ്പ് കാണാതായ മൂന്നു വയസുകാരി ഷെറിന്റെ ജഡം വീടിന് സമീപത്തെ കലുങ്കിനടിയില്‍
  • ദിലീപിന് കമാന്‍ഡോ സംരക്ഷണം എന്തിനെന്ന് ചോദിച്ച് നടന് പോലീസ് നോട്ടീസ് നല്‍കി
  • കോഴിക്കോട് നടുറോഡില്‍ പെണ്‍കുട്ടിയെ പുരുഷന്‍ കയറിപ്പിടിക്കുന്ന ഞെട്ടിക്കുന്ന ദൃശ്യം സിസിടിവിയില്‍, വീഡിയോ പുറത്തുവന്ന് 24 മണിക്കൂറിനകം പ്രതിയെ പോലീസ് അറസ്റ്റു ചെയ്തു
  • കൊട്ടാരത്തിലെത്തും മുമ്പേ ഹാരിയുടെ കാമുകി ഡയാനയെ അനുകരിക്കുന്നു!
  • 8 മാസം ഗര്‍ഭിണിയായ ബ്രിട്ടീഷ് യുവതിക്ക് എന്‍എച്ച്എസില്‍ ചികിത്സ നിഷേധിച്ചു; ആദ്യം ഇംഗ്ലീഷുകാരിയെന്ന് തെളിയിക്കാന്‍ നിര്‍ദ്ദേശം
  • വാരാന്ത്യം ദുരിതത്തിലാക്കാന്‍ 'ബ്രിയാന്‍ '; തീരപ്രദേശങ്ങളില്‍ പ്രതിരോധവുമായി അധികൃതര്‍ , ജനജീവിതം സ്തംഭിക്കും
  • യുകെ വിറപ്പിക്കാന്‍ 'ബ്രിയാന്‍ ' എത്തുന്നു; 70 മൈല്‍ വേഗത്തില്‍ കാറ്റും കനത്ത മഴയും
  • ഒ.ഇ.ടി ഇഫക്ട്; നാട്ടിലെയും ഗള്‍ഫിലെയും മലയാളി നഴ്‌സുമാര്‍ക്ക് യുകെ ആശ്രയ കേന്ദ്രമാവും
  •  
        © 2012 ukmalayalamnews.com All rights reserved. Powered by Phoenix Infoway