നാട്ടുവാര്‍ത്തകള്‍

മരിച്ചെന്ന് ഡോക്ടര്‍മാര്‍ വിധിയെഴുതി സംസ്‌ക്കരിക്കാന്‍ കൊണ്ടുപോയ കുട്ടിക്കു അടക്കുന്നതിന് തൊട്ടു മുമ്പ് അനക്കം വെച്ചു!

ന്യൂഡല്‍ഹി: മരിച്ചെന്ന് ഡോക്ടര്‍മാര്‍ വിധിയെഴുതി സംസ്‌ക്കരിക്കാന്‍ കൊണ്ടുപോയ കുട്ടിയെ അടക്കുന്നതിന് തൊട്ടുമുമ്പ് ജീവനുണ്ടെന്ന് കണ്ടെത്തി. സഫ്ദര്‍ജംഗ് ആശുപത്രിയില്‍ ഇന്ന് ജനിച്ച കുട്ടിയുടെ കാര്യത്തിലാണ് ഗുരുതരമായ വീഴ്ചയുണ്ടായത്.
ബാദര്‍പൂര്‍ സ്വദേശിയായ അമ്മയുടെ പ്രസവം നടന്നത് ഇന്ന് രാവിലെയായിരുന്നു. എന്നാല്‍ ജനിച്ച കുട്ടി ശ്വാസോച്ഛ്വാസം ചെയ്യുന്നുണ്ടായിരുന്നില്ല. തുടര്‍ന്ന് ഡോക്ടറും നഴ്‌സിംഗ് സ്റ്റാഫുകളും കുട്ടി മരിച്ചതായി വിധിയെഴുതുകയും ശരീരം പായ്ക്ക് ചെയ്ത് വീട്ടുകാര്‍ക്ക് സംസ്‌ക്കരിക്കാന്‍ നല്‍കുകയുമായിരുന്നെന്നാണ് കുട്ടിയുടെ പിതാവ് പറയുന്നത്. പ്രസവത്തിന് ശേഷം മാതാവിന്റെ നില ഇതുവരെ മെച്ചപ്പെട്ടിട്ടില്ല എന്നതിനാല്‍ ആശുപത്രിയില്‍ തന്നെ തുടരുകയാണ്. കുട്ടിയെ ഏറ്റുവാങ്ങിയത് പിതാവും ബന്ധുക്കളുമായിരുന്നു. സംസ്‌ക്കരിക്കാനുള്ള നീക്കങ്ങളെല്ലാം നടത്തി കുഴിയുടെ അടുത്ത് എത്തിയപ്പോഴാണ് കുട്ടി ശ്വസിക്കുന്നതായും വിരലുകള്‍ അനക്കുന്നതായും പിതാവിന്റെ സഹോദരിക്ക് തോന്നിയത്.
പെട്ടെന്ന് തന്നെ ഇവര്‍ കുട്ടിയെ അപ്പോളോ ആശുപത്രിയിലെ ചൈല്‍ഡ് കെയര്‍ വിഭാഗത്തില്‍ പ്രവേശിപ്പിച്ചു. മാതാപിതാക്കള്‍ പോലീസില്‍ പരാതി നല്‍കിയിരിക്കുകയാണ്. എങ്ങിനെ ഇത്തരത്തില്‍ നിരുത്തരവാദിത്വ പരമായി പെരുമാറാന്‍ ആശുപത്രിക്ക് കഴിഞ്ഞെന്നാണ് കുട്ടിയുടെ ബന്ധുക്കള്‍ ചോദിക്കുന്നത്. സഫ്ദര്‍ജംഗ് ആശുപത്രി അന്വേഷണത്തിന് ഉത്തരവിട്ടു. കുട്ടി മരിച്ചു എന്ന ആശുപത്രിയുടെ റിപ്പോര്‍ട്ട് ശരിയായിരുന്നെന്നും എന്നാല്‍ ഇന്ന് തന്നെ പിറന്ന മറ്റൊരു കുട്ടിയായിരുന്നു അതെന്നും കുട്ടികള്‍ തമ്മില്‍ മാറിപ്പോയതാണെന്നുമാണ് പോലീസ് പറയുന്നത്.

  • നടിക്കെതിരായ അക്രമം: ദിലീപിനെയും നാദിര്‍ഷയെയും ആലുവ പോലീസ് ക്ലബില്‍ ചോദ്യം ചെയ്തു
  • ദിലീപിനെ ഭീഷണിപ്പെടുത്താന്‍ പള്‍സര്‍ സുനി വിഷ്ണുവിന് വാഗ്ദാനം ചെയ്തത് 2 ലക്ഷം
  • ശബരീനാഥനും ദിവ്യ എസ് അയ്യരും വെള്ളിയാഴ്ച വിവാഹിതരാവും; സത്കാരം രണ്ടുനാള്‍
  • നടക്കുന്നത് മനസാക്ഷിയുദ്ധം, ആരേയും ഭയക്കുന്നില്ല, ദിലീപിനെതിരെ നിയമ നടപടി പരിഗണനയില്‍ - മനസ് തുറന്ന് നടി
  • പ്രചരിക്കുന്നതെല്ലാം ഊഹാപോഹങ്ങള്‍ ;നടി ആക്രമിക്കപ്പെട്ട കേസില്‍ അന്വേഷണം ശരിയായ ദിശയില്‍ - സുരേഷ് ഗോപി
  • 'അമ്മ'യുടെ വാര്‍ഷിക പൊതുയോഗം വ്യാഴാഴ്ച; പൊട്ടിത്തെറി ഉറപ്പ്
  • വൈക്കത്ത് കൂട്ട ആത്മഹത്യയ്ക്ക് ശ്രമിച്ച കുടുംബത്തിലെ ഇളയ മകനും മരിച്ചു; മരണം നാലായി
  • സാം കൊലക്കേസിന്റെ വാദം ആരംഭിച്ചു; സോഫിയും കാമുകനും കോടതിയില്‍ ഹാജരായി
  • നടിക്ക് നുണപരിശോധന വേണമെന്ന് പറഞ്ഞ സലിംകുമാറിന് വയറുനിറയെ കൊടുത്തു ഭാഗ്യലക്ഷ്മി
  • പള്‍സര്‍ സുനിയുമായി അടുത്ത ബന്ധമെന്ന പ്രസ്താവന: ദിലീപിനെതിരെ നടി പരാതി നല്‍കും; പോലീസ് മൊഴിയെടുത്തു
  •  
        © 2012 ukmalayalamnews.com All rights reserved. Powered by Phoenix Infoway