യു.കെ.വാര്‍ത്തകള്‍

പോലീസിനും ജയില്‍ ഉദ്യോഗസ്ഥര്‍ക്കും ശമ്പള വര്‍ദ്ധന; നഴ്‌സുമാരുടെ കാര്യം വ്യക്തമല്ല

ലണ്ടന്‍ : പൊതുമേഖലാ ജീവനക്കാരെ ഏറെ ബുദ്ധിമുട്ടിച്ച വിവാദമായ 1% പേ ക്യാപ് അടുത്തവര്‍ഷം അവസാനിപ്പിക്കുമെന്ന് സര്‍ക്കാര്‍ .2020 വരെ പ്രാബല്യത്തിലുണ്ടായിരുന്ന 1% പേ ക്യാപ് കടുത്ത പ്രതിഷേധത്തെ തുടര്‍ന്നാണ് സര്‍ക്കാര്‍ ഉപേക്ഷിക്കുന്നത്. പോലീസിനും ജയില്‍ ഉദ്യോഗസ്ഥര്‍ക്കും ശമ്പള വര്‍ദ്ധന ഉറപ്പായി. ആയിരക്കണക്കിന് പോലീസ് ഉദ്യോഗസ്ഥര്‍, ജയില്‍ ഉദ്യോഗസ്ഥര്‍ എന്നിവര്‍ക്ക് ശമ്പളവര്‍ദ്ധനവ് അടിയന്തരമായി നടപ്പാക്കും എന്നും പേ ക്യാപിന് അന്ത്യം കുറിയ്ക്കുന്ന നടപടിയായി ഇതിനെ കാണാമെന്നുമാണ് തെരേസ മേയുടെ ഔദ്യോഗിക വക്താവ് പ്രതികരിച്ചത്. അവശ്യജീവനക്കാരെ കണ്ടെത്താന്‍ അടുത്ത വര്‍ഷം മുതല്‍ കൂടുതല്‍ 'ഫ്‌ളെക്‌സിബിലിറ്റി' ഉണ്ടാകുമെന്നു ട്രഷറി ചീഫ് സെക്രട്ടറി എലിസബത്ത് ട്രസ് പറഞ്ഞു. നഴ്‌സുമാരുടെ കാര്യം ഇതില്‍ വരുമോയെന്നു വ്യക്തമല്ല. എങ്കിലും പ്രതീക്ഷയിലാണ് നഴ്‌സുമാര്‍ .നഴ്‌സുമാര്‍, അധ്യാപകര്‍, പോലീസ് ഉദ്യോഗസ്ഥര്‍ എന്നിവരുടെ കാര്യങ്ങള്‍ വ്യത്യസ്തമാണെന്നാണ് ട്രഷറി സെക്രട്ടറിയുടെ നിലപാട്.



പേ ക്യാപിന്റെ പേരില്‍ മാസങ്ങളായി ട്രഷറിയും, പ്രധാനമന്ത്രിയുടെ ഓഫീസും തമ്മില്‍ ഭിന്നതയിലായിരുന്നു. ലേബര്‍ സര്‍ക്കാറിന്റെ ധനക്കമ്മി നികത്താന്‍ എന്ന പേരിലാണ് 1% പേ ക്യാപ് കൊണ്ടുവന്നത്. അടുത്ത വര്‍ഷത്തെ ബജറ്റിലാണ് പുതിയ ശമ്പളവര്‍ദ്ധനവ് പ്രഖ്യാപനങ്ങള്‍ ഉണ്ടാവുക. ജയില്‍ ഉദ്യോഗസ്ഥര്‍ക്ക് 1.7 ശതമാനം വര്‍ദ്ധനവ് മന്ത്രിമാര്‍ അംഗീകരിച്ച് കഴിഞ്ഞു. പോലീസിന് 1 ശതമാനം വര്‍ദ്ധനവും, 1 ശതമാനം ബോണസും ലഭിക്കും. എന്നാല്‍ വര്‍ദ്ധിപ്പിച്ച ശമ്പളം നല്‍കാന്‍ ട്രഷറി കൂടുതല്‍ പണം അനുവദിക്കില്ല. നിലവിലെ ബജറ്റില്‍ നിന്നാകും ഈ തുക കണ്ടെത്തുക. പോലീസിന്റെ ഫണ്ടില്‍ 1.8 ബില്ല്യണ്‍ പൗണ്ട് ഉള്ളതായി സര്‍ക്കാര്‍ വക്താക്കള്‍ പറയുന്നു.

അടുത്ത വര്‍ഷം ശമ്പളവര്‍ദ്ധനവ് പ്രഖ്യാപിക്കുമ്പോള്‍ ബജറ്റില്‍ കൂടുതല്‍ തുക വകയിരുത്തുമെന്ന് ഡൗണിംഗ് സ്ട്രീറ്റ് പറയുന്നു. എല്ലാവര്‍ക്കും ഒറ്റയടിക്ക് ശമ്പളവര്‍ദ്ധനവ് നല്‍കിയാല്‍ 5 ബില്ല്യണ്‍ പൗണ്ട് ആവശ്യമായി വരും. സര്‍ക്കാരിന്റെ പ്രഖ്യാപനത്തില്‍ തൃപ്തരല്ലാത്ത യൂണിയനുകള്‍ 5 ശതമാനം ശമ്പളവര്‍ദ്ധനവാണ് ആവശ്യപ്പെടുന്നത്. പ്രഖ്യാപിച്ചിട്ടുള്ള വര്‍ദ്ധനവ് നാമമാത്രമാണെന്ന് പ്രിസണ്‍ ഓഫീസേഴ്‌സ് അസോസിയേഷന്‍ പ്രതികരിച്ചു. സമരമല്ലാതെ ഇനി മാര്‍ഗ്ഗങ്ങളില്ലെന്ന് അവര്‍ പറയുന്നു.

  • ലുലു ഗ്രൂപ്പ് 120 മില്യണ്‍ ഡോളറിനു സ്‌കോട്ട്‌ലന്‍ഡിലെ പൈതൃക ഹോട്ടലായ 'കാലിഡോണിയന്‍ ' ഏറ്റെടുത്തു
  • നഴ്‌സുമാര്‍ക്കും പാരാമെഡിക്കലുകള്‍ക്കും കവന്‍ട്രിയില്‍ 59 മില്ല്യണ്‍ പൗണ്ടിന്റെ പരിശീലന കേന്ദ്രം തുറന്ന് വില്യമും കെയ്റ്റും
  • പനിക്കു മരുന്ന് വാങ്ങിയെത്തിയ പെരുമ്പാവൂര്‍ സ്വദേശി കെന്റിലെ വീട്ടില്‍ കുഴഞ്ഞുവീണു മരിച്ചു
  • ബള്‍ഗേറിയന്‍ മെഡിക്കല്‍ യൂണിവേഴ്‌സിറ്റി പ്രവേശന പരീക്ഷ സെപ്റ്റംബര്‍ 2 ന് ബിര്‍മിങ്ഹാമില്‍
  • എന്‍എച്ച്എസ് ജീവനക്കാര്‍ വരെ പാക്കിസ്ഥാനില്‍ നിന്നും വ്യാജഡിഗ്രികള്‍ വാങ്ങുന്നു
  • പ്ലാസ്റ്റിക് നിരോധനം നടപ്പാക്കുന്ന ലോകത്തെ ആദ്യ സൂപ്പര്‍മാര്‍ക്കറ്റ് ചെയിനായി ഐസ്‌ലാന്റ്; ഇനി എല്ലാം പേപ്പര്‍
  • ബ്രിട്ടന് പഴയ സ്നേഹമില്ലെന്ന് ട്രംപ്; സന്ദര്‍ശനം റദ്ദാക്കാന്‍ വിചിത്ര കാരണം നിരത്തി വൈറ്റ് ഹൗസ്
  • അനധികൃത കുടിയേറ്റം തടയാനും രഹസ്യ വിവരം കൈമാറാനും ഇന്ത്യ-ബ്രിട്ടന്‍ ധാരണ
  • കുഞ്ഞുങ്ങളെ പീഡിപ്പിക്കുന്നത് മൃഗപീഡനം പോലെയെന്ന് യുകെഐപി നേതാവിന്റെ കാമുകി; നേതാവിന്റെ രാജിക്കായി മുറവിളി
  • മാതാപിതാക്കളെ കൊല്ലാന്‍ ബോംബ് വാങ്ങിയ ഇന്ത്യക്കാരനായ എ ലെവല്‍ വിദ്യാര്‍ത്ഥിക്ക് ജയില്‍
  •  
        © 2012 ukmalayalamnews.com All rights reserved. Powered by Phoenix Infoway