യു.കെ.വാര്‍ത്തകള്‍

മദ്യപിച്ച് വണ്ടിയോടിച്ചതിന് വെയ്ന്‍ റൂണിക്ക് ഡ്രൈവിങ് വിലക്കും 120 മണിക്കൂര്‍ സേവനവും

ലണ്ടന്‍ : മദ്യപിച്ച് വാഹനമോടിച്ചതിന് മുന്‍ ഇംഗ്ലണ്ട് ഫുടബോള്‍ നായകന്‍ താരം വെയ്ന്‍ റൂണിക്ക് രണ്ട് വര്‍ഷത്തേക്ക് വാഹനമോടിക്കുന്നതിന് വിലക്ക്. 120 മണിക്കൂര്‍ ശമ്പളമില്ലാതെ തൊഴിലെടുക്കാനും കോടതി വിധിച്ചിട്ടുണ്ട്.
കോടതി നടപടിക്ക് പുറമെ സ്വന്തം ക്ലബ്ബായ എവര്‍ട്ടണ്‍ റൂണിക്ക് രണ്ടാഴ്ചയിലെ ശമ്പളം (300,000 പൗണ്ട്) പിഴ ഈടാക്കാനും തീരുമാനിച്ചിട്ടുണ്ട്. സെപ്റ്റംബര്‍ ഒന്നിനാണ് റൂണിയെ മദ്യപിച്ച് വണ്ടിയോടിച്ചതിന് പിടികൂടിയത്.
സംഭവത്തില്‍ കുടുംബത്തോടും എവര്‍ട്ടണ്‍ അധികൃതരോടും ആരാധകരോടും മാപ്പ് പറഞ്ഞിരുന്നതായി റൂണി പറഞ്ഞു. കരിയറില്‍ തന്നെ പിന്തുണച്ച എല്ലാ ആരാധകരോടും മാപ്പ് പറയുന്നുവെന്നും റൂണി പറഞ്ഞു. കോടതിവിധി അംഗീകരിക്കുന്നതായും റൂണി പറഞ്ഞു.

രാത്രി രണ്ടു മണിയോടെ റൂണി സഞ്ചരിച്ച കറുപ്പു നിറത്തിലുള്ള വിഡബ്ല്യു ബീറ്റില്‍ കാര്‍ പോലീസ് തടയുകയായിരുന്നു. വിംസ്‌ലോ, ചെസ്‌ഷെയറില്‍ വെച്ചായിരുന്നു ഇത്. തുടര്‍ന്ന് പരിശോധന നടത്തിയപ്പോഴാണ് താരം മദ്യപിച്ചതായി പോലീസ് കണ്ടെത്തിയത്. തുടര്‍ന്ന് റൂണിയുടെ അറസ്റ്റ് രേഖപ്പെടുത്തുകയായിരുന്നു.
പരിശോധനയില്‍ റൂണിയുടെ രക്തത്തില്‍ 104മില്ലിഗ്രാം ആല്‍ക്കഹോള്‍ കണ്ടെത്തിയിരുന്നു. നിയമപ്രകാരം 35മില്ലിഗ്രാം മാത്രമാണ് അനുവദിച്ചിട്ടുള്ളത്. അടുത്തിടെയാണ് റൂണി അന്താരാഷ്ട്ര ഫുടബോളിനോട് വിടചൊല്ലിയത്.

  • ലുലു ഗ്രൂപ്പ് 120 മില്യണ്‍ ഡോളറിനു സ്‌കോട്ട്‌ലന്‍ഡിലെ പൈതൃക ഹോട്ടലായ 'കാലിഡോണിയന്‍ ' ഏറ്റെടുത്തു
  • നഴ്‌സുമാര്‍ക്കും പാരാമെഡിക്കലുകള്‍ക്കും കവന്‍ട്രിയില്‍ 59 മില്ല്യണ്‍ പൗണ്ടിന്റെ പരിശീലന കേന്ദ്രം തുറന്ന് വില്യമും കെയ്റ്റും
  • പനിക്കു മരുന്ന് വാങ്ങിയെത്തിയ പെരുമ്പാവൂര്‍ സ്വദേശി കെന്റിലെ വീട്ടില്‍ കുഴഞ്ഞുവീണു മരിച്ചു
  • ബള്‍ഗേറിയന്‍ മെഡിക്കല്‍ യൂണിവേഴ്‌സിറ്റി പ്രവേശന പരീക്ഷ സെപ്റ്റംബര്‍ 2 ന് ബിര്‍മിങ്ഹാമില്‍
  • എന്‍എച്ച്എസ് ജീവനക്കാര്‍ വരെ പാക്കിസ്ഥാനില്‍ നിന്നും വ്യാജഡിഗ്രികള്‍ വാങ്ങുന്നു
  • പ്ലാസ്റ്റിക് നിരോധനം നടപ്പാക്കുന്ന ലോകത്തെ ആദ്യ സൂപ്പര്‍മാര്‍ക്കറ്റ് ചെയിനായി ഐസ്‌ലാന്റ്; ഇനി എല്ലാം പേപ്പര്‍
  • ബ്രിട്ടന് പഴയ സ്നേഹമില്ലെന്ന് ട്രംപ്; സന്ദര്‍ശനം റദ്ദാക്കാന്‍ വിചിത്ര കാരണം നിരത്തി വൈറ്റ് ഹൗസ്
  • അനധികൃത കുടിയേറ്റം തടയാനും രഹസ്യ വിവരം കൈമാറാനും ഇന്ത്യ-ബ്രിട്ടന്‍ ധാരണ
  • കുഞ്ഞുങ്ങളെ പീഡിപ്പിക്കുന്നത് മൃഗപീഡനം പോലെയെന്ന് യുകെഐപി നേതാവിന്റെ കാമുകി; നേതാവിന്റെ രാജിക്കായി മുറവിളി
  • മാതാപിതാക്കളെ കൊല്ലാന്‍ ബോംബ് വാങ്ങിയ ഇന്ത്യക്കാരനായ എ ലെവല്‍ വിദ്യാര്‍ത്ഥിക്ക് ജയില്‍
  •  
        © 2012 ukmalayalamnews.com All rights reserved. Powered by Phoenix Infoway