യു.കെ.വാര്‍ത്തകള്‍

രോഗികള്‍ക്ക് വേണ്ടത് വിശ്രമം; ആന്റിബയോട്ടിക്‌സ് അല്ല - പബ്ലിക്ക് ഹെല്‍ത്ത് ഇംഗ്ലണ്ട്


ലണ്ടന്‍ : യുകെയിലെ രോഗികള്‍ അനാവശ്യമായി ആന്റിബയോട്ടിക്‌സ് കഴിക്കുകയാണെന്ന് പബ്ലിക്ക് ഹെല്‍ത്ത് ഇംഗ്ലണ്ട്. നിലവില്‍ ആശുപത്രികളില്‍ കഴിയുന്ന അഞ്ചിലൊന്ന് പേര്‍ക്കും ആന്റിബയോട്ടിക്കുകള്‍ ആവശ്യമില്ലെന്നും അതിന് പകരം അവര്‍ വീട്ടില്‍ പോയി വെള്ളം കുടിച്ചു വിശ്രമിച്ചാല്‍ മതിയെന്നും പബ്ലിക്ക് ഹെല്‍ത്ത് ഇംഗ്ലണ്ട് അധികൃതര്‍ . ആന്റിബയോട്ടിക്കുകള്‍ ഓവര്‍ഡോസ് ആയി കഴിക്കുന്നത് അണുബാധയെ ചികിത്സിക്കുന്നത് വിഷമഘട്ടത്തിലാക്കും. ആന്റി ബയോട്ടിക്കുകളെ ചെറുക്കുന്നതിനുള്ള കഴിവ് ബാക്ടീരിയകളിലും വൈറസുകളിലും വര്‍ധിക്കുന്നതാണ് കാരണം.


സാധാരണ രോഗങ്ങള്‍ക്ക് ആന്റിബയോട്ടിക്കുകള്‍ കഴിക്കേണ്ട ആവശ്യമില്ലെന്നാണാണ് പിഎച്ച്ഇ മെഡിക്കല്‍ ഡയറക്ടറായ പ്രഫ.പോള്‍ കോസ്‌ഫോര്‍ഡ് ബിബിസിയോട് പറഞ്ഞത്. ഭൂരിഭാഗം പേര്‍ക്കും എന്തെങ്കിലും തരത്തിലുള്ള അണുബാധ ഉണ്ടാകുന്നുണ്ടെന്നും അവ ആന്റിബയോട്ടിക്കുകള്‍ കഴിക്കാതെ നമ്മുടേതായ പ്രതിരോധ ശേഷി കൊണ്ട് മാത്രം സുഖപ്പെടാറുണ്ടെന്നും അദ്ദേഹം പറയുന്നു. ഭൂരിഭാഗം ഇന്‍ഫെക്ഷനുകളും ആവശ്യത്തിന് വിശ്രമമെടുത്തും വേദനാസംഹാരികളായ പാരസെറ്റമോള്‍ പോലുള്ളവ കഴിച്ചും ധാരാളം വെള്ളം കുടിച്ചും ഭേദപ്പെടുത്താന്‍ സാധിക്കുമെന്നും അവയ്ക്ക് അനാവശ്യമായി ആന്റി ബയോട്ടിക്കുകകള്‍ കഴിക്കേണ്ടതില്ലെന്നും അദ്ദേഹം നിര്‍ദേശിക്കുന്നു.

സെപ്‌സിസ്, ന്യൂമോണിയ, ബാക്ടീരിയല്‍ മെനിഞ്ചൈറ്റിസ്, മറ്റ് ഗുരുതരമായ അണുബാധ തുടങ്ങിയവയ്ക്ക് ആന്റിബയോട്ടിക്കുകള്‍ അനിവാര്യമാണ്. എന്നാല്‍ എല്ലാ അസുഖങ്ങള്‍ക്കും ആന്റിബയോട്ടിക്കുകള്‍ അനിവാര്യമല്ലെന്നാണ് പിഎച്ച്ഇ വെളിപ്പെടുത്തുന്നത്. ചുമ, ബ്രോങ്കൈറ്റിക്‌സ് തുടങ്ങിയവ ആന്റിബയോട്ടിക്‌സ് കഴിക്കാതെ തന്നെ മൂന്നാഴ്ച കൊണ്ട് മാറുന്നതാണ്. എന്നാല്‍ ആന്റിബയോട്ടിക്കുകള്‍ ഇതിനായി കഴിച്ചാല്‍ ഇവ വെറും രണ്ട് ദിവസങ്ങള്‍ കൊണ്ട് മാറുമെന്നും ഹെല്‍ത്ത് ഒഫീഷ്യലുകള്‍ വെളിപ്പെടുത്തുന്നു.

അണുബാധകള്‍ മൂലം ഓരോ വര്‍ഷവും 5000ത്തോളം പേരാണ് ഇംഗ്ലണ്ടില്‍ മരിക്കുന്നത്. 2050ആകുമ്പോഴേക്കും മരുന്നുകളെ ചെറുക്കുന്ന അണുബാധകള്‍ കാരണം ആഗോളവ്യാപകമായി നിരവധി പേര്‍ മരിക്കും. നിലവില്‍ ക്യാന്‍സര്‍ ബാധിച്ച് മരിക്കുന്നവരേക്കാള്‍ കൂടുതലായിരിക്കും ഇവരുടെ എണ്ണമെന്നും ഇത് സംബന്ധിച്ച പഠനങ്ങള്‍ മുന്നറിയിപ്പേകുന്നു.

  • ലുലു ഗ്രൂപ്പ് 120 മില്യണ്‍ ഡോളറിനു സ്‌കോട്ട്‌ലന്‍ഡിലെ പൈതൃക ഹോട്ടലായ 'കാലിഡോണിയന്‍ ' ഏറ്റെടുത്തു
  • നഴ്‌സുമാര്‍ക്കും പാരാമെഡിക്കലുകള്‍ക്കും കവന്‍ട്രിയില്‍ 59 മില്ല്യണ്‍ പൗണ്ടിന്റെ പരിശീലന കേന്ദ്രം തുറന്ന് വില്യമും കെയ്റ്റും
  • പനിക്കു മരുന്ന് വാങ്ങിയെത്തിയ പെരുമ്പാവൂര്‍ സ്വദേശി കെന്റിലെ വീട്ടില്‍ കുഴഞ്ഞുവീണു മരിച്ചു
  • ബള്‍ഗേറിയന്‍ മെഡിക്കല്‍ യൂണിവേഴ്‌സിറ്റി പ്രവേശന പരീക്ഷ സെപ്റ്റംബര്‍ 2 ന് ബിര്‍മിങ്ഹാമില്‍
  • എന്‍എച്ച്എസ് ജീവനക്കാര്‍ വരെ പാക്കിസ്ഥാനില്‍ നിന്നും വ്യാജഡിഗ്രികള്‍ വാങ്ങുന്നു
  • പ്ലാസ്റ്റിക് നിരോധനം നടപ്പാക്കുന്ന ലോകത്തെ ആദ്യ സൂപ്പര്‍മാര്‍ക്കറ്റ് ചെയിനായി ഐസ്‌ലാന്റ്; ഇനി എല്ലാം പേപ്പര്‍
  • ബ്രിട്ടന് പഴയ സ്നേഹമില്ലെന്ന് ട്രംപ്; സന്ദര്‍ശനം റദ്ദാക്കാന്‍ വിചിത്ര കാരണം നിരത്തി വൈറ്റ് ഹൗസ്
  • അനധികൃത കുടിയേറ്റം തടയാനും രഹസ്യ വിവരം കൈമാറാനും ഇന്ത്യ-ബ്രിട്ടന്‍ ധാരണ
  • കുഞ്ഞുങ്ങളെ പീഡിപ്പിക്കുന്നത് മൃഗപീഡനം പോലെയെന്ന് യുകെഐപി നേതാവിന്റെ കാമുകി; നേതാവിന്റെ രാജിക്കായി മുറവിളി
  • മാതാപിതാക്കളെ കൊല്ലാന്‍ ബോംബ് വാങ്ങിയ ഇന്ത്യക്കാരനായ എ ലെവല്‍ വിദ്യാര്‍ത്ഥിക്ക് ജയില്‍
  •  
        © 2012 ukmalayalamnews.com All rights reserved. Powered by Phoenix Infoway