നാട്ടുവാര്‍ത്തകള്‍

കായംകുളം എംഎല്‍എ പ്രതിഭാ ഹരി വിവാഹമോചനം തേടി കുടുംബ കോടതിയില്‍

ആ​ല​പ്പു​ഴ: കായംകുളം എംഎല്‍എ പ്രതിഭാ ഹരി വിവാഹമോചനം തേടി ആലപ്പുഴ കുടുംബ കോടതിയില്‍ ഹര്‍ജി നല്‍കി. കെ.എസ്.ഇ.ബി ജീവനക്കാരനായ ഭര്‍ത്താവ് ഹരിയില്‍ നിന്ന് വിവാഹമോചനം തേടിയാണ് എം.എല്‍.എ കുടുംബകോടതിയെ സമീപിച്ചിരിക്കുന്നത്. ഹര്‍ജിയില്‍ വെള്ളിയാഴ്ച കൗണ്‍സിലിംഗ് നടത്തിയെങ്കിലും പരാജയപ്പെട്ടു.


പ​ത്തു​വ​ര്‍​ഷ​മാ​യി ഭര്‍ത്താ​വു​മാ​യി അ​ക​ന്നു ക​ഴി​യു​ക​യാ​ണെ​ന്നും കുട്ടിയെ ഭര്‍​ത്താ​വ് അ​ന്വേ​ഷി​ക്കു​ന്നി​ല്ലെ​ന്നും മ​ദ്യ​പാ​നി​യു​മാ​ണെ​ന്നാ​ണ് പ്ര​തി​ഭ നല്‍​കി​യ ഹര്‍​ജി​യി​ല്‍ പ​റ​യു​ന്ന​ത് എന്ന് മാധ്യമങ്ങള്‍ റിപ്പോര്‍ട്ട് ചെയ്തു. ഈ സാഹചര്യത്തില്‍ മകനെ വിട്ടുനല്‍കി കൊണ്ട് വിവാഹമോചനം അനുവദിക്കണമെന്നുമാണ് എംഎല്‍എ കോടതിയില്‍ ആവശ്യപ്പെട്ടിരിക്കുന്നത്.


തു​ട​ര്‍​ന്നു ഒ​രു​മി​ച്ചു പോ​കാ​മെ​ന്ന നിര്‍​ദേ​ശ​മാ​ണ് ഹ​രി മു​ന്നോ​ട്ടു​വെ​ച്ച​ത്. എ​ന്നാ​ല്‍ എം​എ​ല്‍​എ അ​തി​നു ത​യാ​റാ​യി​ല്ല. അടുത്ത മാസം വീണ്ടും കൗണ്‍സിലിംഗ് നടത്തും.


എസ്എഫ്ഐയിലൂടെ രാഷ്ട്രീയപ്രവേശം നടത്തിയ പ്രതിഭാ ഹരി ഡിവൈഎഫ്ഐയിലും, സിപിഎമ്മിലും സജീവ സാന്നിദ്ധ്യമാണ്. അഭിഭാഷകയുമായ പ്രതിഭ തകഴി പഞ്ചായത്ത് പ്രസിഡന്റ്, ആലപ്പുഴ ജില്ലാ പഞ്ചായത്ത് പ്രസിഡന്റ് എന്നീ പദവികളും വഹിച്ചിട്ടുണ്ട്. ജില്ലാ പഞ്ചായത്ത് പ്രസിഡന്റായിരിക്കെ നടത്തിയ മികച്ച പ്രവര്‍ത്തനങ്ങളാണ് പ്രതിഭാ ഹരിയെ കൂടുതല്‍ ശ്രദ്ധേയയാക്കിയത്.


സിപിഎമ്മിന്റെ വനിതാ എംഎല്‍എമാരില്‍ ഏറെ ശ്രദ്ധേയയായ പ്രതിഭാ ഹരി സോഷ്യല്‍ മീഡിയയിലും സജീവസാന്നിദ്ധ്യമാണ്. എന്നാല്‍ വിവാഹമോചന ഹര്‍ജി ഫയല്‍ ചെയ്തതിന് പിന്നാലെ ഫേസ്ബുക്ക് പേജിലെ പേരിലും ഇവര്‍ മാറ്റംവരുത്തിയിട്ടുണ്ട്. ഇപ്പോള്‍ അഡ്വക്കേറ്റ് യു പ്രതിഭ എംഎല്‍എ എന്നുമാത്രമാണ് ഫേസ്ബുക്ക് പേജിലെ പേര്.


കായംകുളത്ത് യൂത്ത് കോണ്‍ഗ്രസ് നേതാവ് എം ലിജുവിനെതിരെയായിരുന്നു പ്രതിഭാ ഹരി മത്സരത്തിനിറങ്ങിയത്. എം ലിജുവിനോടും, കായംകുളം മേഖലയില്‍ സ്വാധീനമുള്ള ബിഡിജെഎസ് സ്ഥാനാര്‍ത്ഥി ഷാജി എം പണിക്കരോടും കടുത്ത മത്സരം കാഴ്ചവെച്ചായിരുന്നു പ്രതിഭാ ഹരി ജയിച്ചുകയറിയത്. 11857 വോട്ടിന്റെ ഭൂരിപക്ഷത്തിനായിരുന്നു പ്രതിഭയുടെ വിജയം.

  • ജിത്തുവിന്റെ സംസ്കാരം മുഖത്തല സെന്റ് ജൂഡ് ഓര്‍ത്തഡോക്സ് പള്ളി സെമിത്തേരിയില്‍
  • ജിത്തുവിന്റെ കൊല; അമ്മയ്ക്ക് മാനസിക രോഗമെന്ന വാദം തളളി നാട്ടുകാര്‍
  • ജിത്തുവിന്റെ മൃതദേഹം കത്തിച്ചശേഷം അടര്‍ത്തി മാറ്റിയെന്ന് പോസ്റ്റ്‌മോര്‍ട്ടം റിപ്പോര്‍ട്ട്
  • കണ്ണൂര്‍ സ്വദേശിയായ ഐഎസ് തീവ്രവാദി സിറിയയില്‍ കൊല്ലപ്പെട്ടു
  • ഭൂമി വിവാദം: തെറ്റു തിരുത്താല്‍ അഭിനന്ദനാര്‍ഹമെന്ന് സഭാ മുഖപത്രം
  • കേരളത്തെ നടുക്കി കൊല്ലത്ത് 14 കാരനെ അരും കൊലചെയ്തു; മകനെ വെട്ടിനുറുക്കി കത്തിച്ചത് താനെന്ന് മാതാവ്
  • മാണി മുന്നണി മാറുമ്പോള്‍ ബാര്‍ കോഴക്കേസ് വിജിലന്‍സ് അവസാനിപ്പിക്കുന്നു; റിപ്പോര്‍ട്ട് ഹൈക്കോടതിയില്‍ സമര്‍പ്പിച്ചു
  • ആലപ്പുഴയില്‍ സൂര്യനെല്ലി മോഡല്‍ പെണ്‍വാണിഭം; അറസ്റ്റിലായവരുടെ എണ്ണം അഞ്ചായി; പിന്നില്‍ ഉന്നത പോലീസ് ഉദ്യോഗസ്ഥരും
  • ദൃശ്യങ്ങള്‍ ദിലീപിന് കൊടുത്താല്‍ ഇരയുടെ സ്വകാര്യതയെ ബാധിക്കും- പോലീസ്
  • മദ്യലഹരിയില്‍ മുഖത്ത് മൂത്രമൊഴിച്ച അച്ഛനെ മകന്‍ കുത്തിക്കൊന്നു
  •  
        © 2012 ukmalayalamnews.com All rights reserved. Powered by Phoenix Infoway