ബ്രിട്ടീഷ് സര്ക്കാരിന്റെ കുടിയേറ്റ വിരുദ്ധ നയങ്ങള്ക്കെതിരെ ആശങ്ക രേഖപ്പെടുത്തി യുഎന്. കുടിയേറ്റ ബോട്ടുകളെ തടയാനുള്ള യുകെ ഗവണ്മെന്റ് നയങ്ങളില് ന്നത യുഎന് ഉദ്യോഗസ്ഥന് ആശങ്ക പ്രകടിപ്പിച്ചു. കുടിയേറ്റ പ്രശ്നങ്ങളില് വ്യാജ പ്രതികരണം നടത്തുകയാണ് ഗവണ്മെന്റ് ചെയ്യുന്നതെന്ന് ഉദ്യോഗസ്ഥന് ആരോപിച്ചു. കഴിഞ്ഞ വര്ഷം തന്റെ അഞ്ചിന മുന്ഗണനാ വിഷയത്തില് പ്രധാനമന്ത്രി സുനാക് ഇക്കാര്യം ഉള്പ്പെടുത്തിയിരുന്നു.
എന്നാല് കുടിയേറ്റക്കാര് അനായാസ ലക്ഷ്യങ്ങളാണെന്ന് യുഎന് ഹൈക്കമ്മീഷണര് ഫോര് റെഫ്യൂജീസ് ഫിലിപ്പിനോ ഗ്രാന്ഡി ബിബിസിയോട് പറഞ്ഞു. അനധികൃത കുടിയേറ്റം തടയാന് ശക്തവും, നൂതനവുമായ പരിഹാരങ്ങള് അനിവാര്യമാണെന്ന് ഹോം ഓഫീസ് വ്യക്തമാക്കി.
യുഎസ് പ്രസിഡന്റ് തെരഞ്ഞെടുപ്പും, യുകെ പൊതുതെരഞ്ഞെടുപ്പും അടുത്ത് വരവെ വോട്ടര്മാരില് നിന്നും ഭരണകര്ത്താക്കള് ഇമിഗ്രേഷന് വിഷയങ്ങളില് സമ്മര്ദം നേരിടുന്നുണ്ടെന്ന് ഗ്രാന്ഡി സമ്മതിക്കുന്നു. 'ഇത് രാഷ്ട്രീയക്കാര് തന്നെയാണ് വലുതാക്കുന്നത്. ഇത് ഉപയോഗിച്ച് വോട്ട് നേടുകയാണ് ലക്ഷ്യം. ഈ പ്രശ്നം പരിഹരിക്കാന് പണിയെടുക്കണമെന്ന് പറയുന്നതില് ആകര്ഷണമില്ല. മറിച്ച് ഇവരെ തള്ളി പുറത്താക്കാമെന്ന് പറയുന്നതിനാണ് മുന്ഗണന', ഗ്രാന്ഡി വ്യക്തമാക്കി.
യുകെയുടെ റുവാന്ഡ സ്കീമിനെ കുറിച്ചും ഗ്രാന്ഡി ആശങ്ക പങ്കുവച്ചു. പാര്ലമെന്റ് പരിഗണിക്കുന്ന സ്കീം വഴി യുകെയിലെത്തുന്ന അഭയാര്ത്ഥികളെ റുവാന്ഡയിലേക്ക് അയയ്ക്കുകയും, ഇവരുടെ അപേക്ഷ അവിടെ നിന്നും പരിഗണിക്കുകയും ചെയ്യുന്നതാണ് സ്കീമിന്റെ സവിശേഷത.
