ദിലീപ് ചിത്രം പ്രിന്സ് ആന്ഡ് ഫാമിലി അടുത്തിടെയാണ് തീയേറ്ററിലെത്തിയത്. സിനിമയുടെ പ്രമോഷനില് പങ്കെടുത്ത് ദിലീപ് പറഞ്ഞ ചില കാര്യങ്ങളാണ് സോഷ്യല് മീഡിയയില് വൈറലായിക്കൊണ്ടിരിക്കുന്നത്.
'വലിയ സന്തോഷത്തോടെയാണ് വേദിയില് നില്ക്കുന്നത്. സല്വ ശക്തനായ ദൈവത്തോടും, എന്റെ സിനിമ കണ്ട പ്രേക്ഷകരോടും നന്ദി പറയുന്നു.'- എന്ന് പറഞ്ഞാണ് ദിലീപ് സംസാരിച്ചുതുടങ്ങിയത്. 'ഈ സിനിമ റിലീസാകുന്ന നിമിഷം വരെ വലിയ പരസ്യങ്ങളൊന്നും നല്കിയിരുന്നില്ല. ഈ സിനിമയ്ക്ക് ഏറ്റവും കൂടുതല് പരസ്യം നല്കിയത് ഇവിടത്തെ മലയാളി പ്രേക്ഷകരാണ്. കാരണം മൗത്ത് പബ്ലിസിറ്റിയെന്ന് പറയുന്നത് ഏറ്റവും വലുതാണ്.'- ദിലീപ് പറഞ്ഞു.
'ഈ സിനിമയെ വലിയ വിജയത്തിലെത്തിക്കാന് വേണ്ടി നിങ്ങളെല്ലാവരും തരുന്ന സ്നേഹത്തിന് വലിയ നന്ദിയുണ്ട്. എനിക്ക് ഒരപേക്ഷയുണ്ട്. എങ്ങനെ വേണമെങ്കിലും എടുക്കാം. കുറേ വര്ഷങ്ങള്ക്ക് മുമ്പ് എന്നെ അടിച്ചിടാന് വേണ്ടി കൂടെ നിന്ന ആളുകളല്ലേ നിങ്ങളൊക്കെ. എഴുന്നേറ്റ് നില്ക്കാന് നോക്കുന്ന സമയത്ത് നിങ്ങള്ക്ക് എന്റെ കൂടെ നിന്നുകൂടെ. വളരെ സന്തോഷമുണ്ട്. എല്ലാവരുടെയും അനുഗ്രഹങ്ങളും സഹായങ്ങളും പ്രാര്ത്ഥനകളും പ്രതീക്ഷിച്ചുകൊണ്ട് നന്ദി. ഒരുപാടൊരുപാട് നന്ദി.'- ദിലീപ് പറഞ്ഞു.
നവാഗതനായ ബിന്റോ സ്റ്റീഫന് ആണ് പ്രിന്സ് ആന്റ് ഫാമിലിയുടെ സംവിധായകന്. ദിലീപിന്റെ 150-ാമത് ചിത്രമാണിത്. ധ്യാന് ശ്രീനിവാസന്, സിദ്ദിഖ്, ബിന്ദു പണിക്കര്, മഞ്ജുപിള്ള, ജോണി ആന്റണി, അശ്വിന് ജോസ്, പാര്വതി രാജന് ശങ്കരാടി എന്നിവരോടൊപ്പം നിരവധി പുതുമുഖങ്ങളും അണിനിരക്കുന്നു. രചന ഷാരിസ് മുഹമ്മദ്. മാജിക് ഫ്രെയിംസിന്റെ ബാനറിന് ലിസ്റ്റിന് സ്റ്റീഫന് ആണ് നിര്മ്മാണം.
