തിരഞ്ഞെടുപ്പില് പോസ്റ്റല് ബാലറ്റുകള് ജില്ലാ കമ്മിറ്റി ഓഫീസില് കൊണ്ടുവന്നു പൊട്ടിച്ച് തിരുത്തിയിട്ടുണ്ട്, കേസെടുത്താലും പ്രശ്നമില്ല'- ജി സുധാകരന്
തിരഞ്ഞെടുപ്പില് പോസ്റ്റല് ബാലറ്റുകള് പൊട്ടിച്ച് തിരുത്തിയിട്ടുണ്ടെന്ന് മുന് മന്ത്രിയും മുതിര്ന്ന സിപിഎം നേതാവുമായ ജി സുധാകരന്റെ ഗുരുതര വെളിപ്പെടുത്തല്. ഇതിന്റെ പേരില് തിരഞ്ഞെടുപ്പ് കമ്മീഷന് കേസെടുത്താലും സുധാകരന് പറഞ്ഞു. പ്രശ്നമില്ലെന്ന് എന്ജിഒ യൂണിയന് പൂര്വകാല നേതാക്കളുടെ സംഗമം ഉദ്ഘാടനം ചെയ്യവെയാണ് സുധാകരന്റെ വെളിപ്പെടുത്തല്.
1989 ല് കെവി ദേവദാസ് ആലപ്പുഴയില് എല്ഡിഎഫ് സ്ഥാനാര്ത്ഥിയായി മത്സരിച്ചപ്പോള് പോസ്റ്റല് ബാലറ്റ് ശേഖരിച്ച് സിപിഎം ജില്ലാ കമ്മിറ്റി ഓഫീസില് കൊണ്ടുവന്നു. താന് ആയിരുന്നു അന്ന് തിരഞ്ഞെടുപ്പ് കമ്മിറ്റി സെക്രട്ടറി. സര്വീസ് സംഘടന അംഗങ്ങളുടെ പോസ്റ്റല് ബാലറ്റുകളില് 15 ശതമാനം മറിച്ചു ചെയ്തു. ഞങ്ങളുടെ പക്കല് തന്ന പോസ്റ്റല് ബാലറ്റുകള് വെരിഫൈ ചെയ്ത് തിരുത്തിയിട്ടുണ്ട് എന്നായിരുന്നു സുധാകരന് പറഞ്ഞത്.
'തപാല് വോട്ട് ചെയ്യുമ്പോള് എന്ജിഒ യൂണിയന്കാര് വേറെ ആളുകള്ക്ക് ചെയ്യരുത്. കെഎസ്ടിഎ നേതാവ് കെ വി ദേവദാസ് ആലപ്പുഴയില് നിന്ന് പാര്ലമെന്റിലേക്ക് മത്സരിച്ചപ്പോള് ജില്ലാ കമ്മിറ്റി ഓഫീസില് പോസ്റ്റല് ബാലറ്റുകള് പൊട്ടിച്ച്, പരിശോധിച്ച് തിരുത്തി. 15 % പേരും വോട്ട് ചെയ്തത് എതിര് സ്ഥാനാര്ത്ഥിക്കായിരുന്നു. എന്റെ പേരില് കേസ് എടുത്താലും കുഴപ്പമില്ല', എന്നാണ് ജി സുധാകരന് പറഞ്ഞത്.
വക്കം പുരുഷോത്തമനായിരുന്നു അന്ന് ദേവദാസിന്റെ എതിരാളി. യൂണിയനിലെ മിക്ക ആളുകള്ക്കും ദേവദാസിനെ അറിയില്ലായിരുന്നു എന്നും അതുകൊണ്ടാണ് ഇങ്ങനെ ചെയ്യേണ്ടിവന്നതെന്നും സുധാകരന് വ്യക്തമാക്കി. ഒട്ടിച്ച് തന്നാല് അറിയില്ലെന്ന് കരുതണ്ട. ഞങ്ങള് അത് പൊട്ടിക്കും. ഇലക്ഷന് പോസ്റ്റല് ബാലറ്റ് കിട്ടുമ്പോള് മറ്റാര്ക്കും ചെയ്യരുതെന്നും ജി സുധാകരന് എന്ജിഒ യൂണിയന് സമ്മേളനത്തില് പറഞ്ഞു. സര്വീസ് സംഘടനകളുടെ വോട്ട് പലപ്പോഴും പൂര്ണമായി പാര്ട്ടി സ്ഥാനാര്ഥിക്ക് ലഭിക്കാറില്ല എന്നാണ് ജി സുധാകരന് പറഞ്ഞു വന്നത്.
36 വര്ഷം മുന്പ് നടന്ന തിരഞ്ഞെടുപ്പിനെ കുറിച്ചാണ് വെളിപ്പെടുത്തല്. വോട്ടെടുപ്പില് പോസ്റ്റല് ബാലറ്റുകള് തിരുത്തിയിട്ടുണ്ടെന്ന സുധാകരന്റെ വെളിപ്പെടുതല് നിയമ പ്രശ്നങ്ങള് സൃഷ്ടിക്കുന്നതാണ്.
