ഇംഗ്ലണ്ടിലും വെയില്സിലേയും ബാല ലൈംഗീക പീഡനത്തിന് ഇരയായവര്ക്ക് അവരുടെ ദുരനുഭവങ്ങളുടെ ചിത്രങ്ങള് ഓണ്ലൈനില് നിന്ന് നീക്കം ചെയ്യാന് സഹായം നല്കുന്ന എക്കോ പദ്ധതി തുടങ്ങി. പൊലീസ് അന്വേഷണത്തിന് ശേഷം പല ഇരകളും മതിയായ പിന്തുണയില്ലാതെ ജീവിക്കുന്ന സാഹചര്യത്തില് പരിഹാരമായാണ് ഈ പദ്ധതി.
ചിത്രങ്ങള് കണ്ടെത്തി നീക്കുന്നതിനൊപ്പം ഇരയായവര്ക്ക് മാനസിക ആരോഗ്യം വീണ്ടെടുക്കാനുള്ള സഹായവും നഷ്ടപരിഹാരവും ലഭ്യമാക്കും.
യുകെയിലെ ബാല പീഡന ഇമേജ് ഡാറ്റാബേസിന്റെ സഹായത്തോടെ ഓണ്ലൈനില് പ്രചരിക്കുന്ന ചിത്രങ്ങള് കണ്ടെത്തി നീക്കം ചെയ്യാന് ശ്രമിക്കുമെന്ന് പദ്ധതിയുമായി ബന്ധപ്പെട്ടവര് അറിയിച്ചു. വിവിധ പൊലീസ് സേനയും ഇന്റര്നെറ്റ് വാച്ച് ഫൗണ്ടേഷനും പിന്തുണ നല്കുന്നുണ്ട്. എഐ ഉപയോഗിക്കുന്നില്ലെന്ന് അധികൃതര് വ്യക്തമാക്കി.
പീഡന ചിത്രങ്ങള് വീണ്ടും പുറത്തുവരുമോ എന്ന ആശങ്ക വര്ഷങ്ങളായി തുടരുന്നുണ്ടെന്നും പദ്ധതിയെ സ്വാഗതം ചെയ്യുന്നതായും 13ാം വയസ്സില് ഇരയായ റിയാനണ് ഫേ പറയുന്നു.ഇരകള് ആത്മവിശ്വാസത്തോടെ ജീവിക്കാന് എക്കോ പദ്ധതി സഹായിക്കും.
