ഈ വര്ഷത്തെ മൂന്നാമത്തെ ശക്തമായ ഉഷ്ണതരംഗം യുകെയെ പിടിച്ചുലക്കവേ രാജ്യത്ത് ജലക്ഷാമം രൂക്ഷമാകുന്നു. ഇതിനോടകം നാല് കോടിയിലധികം ആളുകളോട് വെള്ളം മിതമായി ഉപയോഗിക്കാന് ജലവിതരണ കമ്പനികള് ആവശ്യപ്പെട്ടിട്ടുണ്ട്. അതില് ഏകദേശം 1.1 കോടി ആളുകള്ക്ക് ഹോസ്പൈപ്പ് ഉപയോഗിക്കുന്നതിന് നേരിട്ട് നിരോധനവും ഏര്പ്പെടുത്തിയിട്ടുണ്ട്.
നിലവില് അഞ്ച് ജലവിതരണ കമ്പനികളാണ് കടുത്ത നിയന്ത്രണങ്ങള് നടപ്പാക്കിയിരിക്കുന്നത്. ഇതോടെ പൂന്തോട്ടങ്ങള് നനയ്ക്കുക, പുല്ത്തകിടികളില് വെള്ളം ഒഴിക്കുക, വാഹനങ്ങള് കഴുകുക, കുട്ടികളുടെ പൂളുകള് നിറയ്ക്കുക തുടങ്ങിയ ആവശ്യങ്ങള്ക്കായി ഹോസ്പൈപ്പ് ഉപയോഗിക്കുന്നത് വിലക്കിയിരിക്കുകയാണ്.
കൂടാതെ ഏകദേശം 3.3 കോടി ഉപഭോക്താക്കളോട് വെള്ളം അത്യാവശ്യ ആവശ്യങ്ങള്ക്ക് മാത്രമായി പരിമിതപ്പെടുത്താനും മിതമായി ഉപയോഗിക്കാനും നിര്ദേശം നല്കിയിട്ടുണ്ട്. സാധാരണയായി ഇത്തരം മുന്നറിയിപ്പുകള്ക്ക് പിന്നാലെയാണ് പൂര്ണ ഹോസ്പൈപ്പ് നിരോധനം ഏര്പ്പെടുത്തുന്നത്.
ഡെര്ബിഷയറും ഹെര്ട്ട്ഫോര്ഡ്ഷയറും ഉള്പ്പെടെയുള്ള പ്രദേശങ്ങളില് താപനില 35 ഡിഗ്രി സെല്ഷ്യസിന് മുകളിലെത്തി. ബെഡ്ഫോര്ഡ്ഷയര്, ബെര്ക്ക്ഷയര്, സറി തുടങ്ങിയ പ്രദേശങ്ങളിലെ 38 ലക്ഷം ഉപഭോക്താക്കളോട് ഉടന് തന്നെ ജല ഉപഭോഗം നിയന്ത്രിക്കാന് ആവശ്യപ്പെട്ടിട്ടുണ്ട്. അടുത്ത വെള്ളിയാഴ്ച മുതല് അവിടെയും പൂര്ണ ഹോസ്പൈപ്പ് നിരോധനം നിലവില് വരും.
സതേണ് വാട്ടര് ഹാംഷയര്, ഐല് ഓഫ് വൈറ്റ് എന്നിവിടങ്ങളിലെ ഏകദേശം 10 ലക്ഷം ഉപഭോക്താക്കള്ക്കായും ഹോസ്പൈപ്പ് നിരോധനം പ്രഖ്യാപിച്ചിട്ടുണ്ട്.
