യു.കെ.വാര്‍ത്തകള്‍

ബെനഫിറ്റ് തട്ടിപ്പ്: ബാങ്ക് അക്കൗണ്ടുകള്‍ പരിശോധിക്കാന്‍ സര്‍ക്കാരിന് അനുമതി


ബെനഫിറ്റ് തട്ടിപ്പുകള്‍ നടന്നിട്ടുണ്ടോ എന്ന് പരിശോധിക്കാന്‍ സര്‍ക്കാരിന് നേരിട്ട് ബാങ്കുകളില്‍ നിന്നും വിവരങ്ങള്‍ ശേഖരിക്കാന്‍ അധികാരം നല്‍കുന്ന പുതിയ നിയമം ഡിപ്പാര്‍ട്ട്‌മെന്റ് ഓഫ് വര്‍ക്ക് ആന്‍ഡ് പെന്‍ഷന്‍സ് പ്രാബല്യത്തില്‍ കൊണ്ടുവന്നു. സര്‍ക്കാര്‍ നല്‍കുന്ന ആനുകൂല്യങ്ങള്‍, യഥാര്‍ത്ഥത്തില്‍ അര്‍ഹരായവര്‍ തന്നെയാണോ കൈപ്പറ്റുന്നത് എന്ന് അറിയുന്നതിനാണ് ഈ നീക്കം. പുതിയ എലിജിബിലിറ്റി വെരിഫിക്കേഷന്‍ മെത്തേഡ് (ഇ വി എം) അനുസരിച്ച് വര്‍ക്ക് ആന്‍ഡ് പെന്‍ഷന്‍സ് ഡിപ്പാര്‍ട്ട്‌മെന്റ് ആവശ്യപ്പെടുകയാണെങ്കില്‍, അക്കൗണ്ടുകളുടെ പൂര്‍ണ്ണ വിവരങ്ങള്‍ നല്‍കാന്‍ ബാങ്കുകളും മറ്റ് സാമ്പത്തിക സ്ഥാപനങ്ങളും ബാധ്യസ്ഥരായിരിക്കും.

യൂണിവേഴ്‌സല്‍ ക്രെഡിറ്റ്, പെന്‍ഷന്‍ ക്രെഡിറ്റ് അല്ലെങ്കില്‍ പുതിയ രീതിയിലുള്ള എംപ്ലോയ്‌മെന്റ് ആന്‍ഡ് സപ്പോര്‍ട്ട് അലവന്‍സ് എന്നിവ ലഭിക്കുന്നവരെയായിരിക്കും ഈ നിയമം ബാധിക്കുക. അക്കൗണ്ട് ഉടമയുടെ അനുമതിയില്ലാതെ തന്നെ സര്‍ക്കാര്‍ ഏജന്‍സികള്‍ക്ക് അക്കൗണ്ടിന്റെ വിശദാംശങ്ങള്‍ ശേഖരിക്കാന്‍ കഴിയും. അക്കൗണ്ട് ഉടമയുടെ പേര്, അക്കൗണ്ട് നമ്പര്‍, അക്കൗണ്ടില്‍ മിച്ചമുള്ള തുക എന്നീ വിവരങ്ങള്‍ക്കൊപ്പം, വിദേശരാജ്യങ്ങളില്‍ ഏതെങ്കിലും വിധത്തിലുള്ള ഇടപാടുകള്‍ നടന്നിട്ടുണ്ടെങ്കില്‍ അതിന്റെ തീയതി ഉള്‍പ്പടേയുള്ള വിവരങ്ങളും സര്‍ക്കാരിന് ശേഖരിക്കാന്‍ കഴിയും.

എന്നാല്‍, ഉപഭോക്താക്കളുടെ റിയല്‍-ടൈം ബാങ്കിംഗ് വിവരങ്ങളോ, പണം എങ്ങനെ ചെലവഴിക്കുന്നു എന്നതിന്റെ മുഴുവന്‍ വിവരങ്ങളോ, മതപരവും രാഷ്ട്രീയവുമായ വ്യക്തിഗത വിവരങ്ങളോ പരിശോധിക്കാന്‍ മന്ത്രാലയത്തിന് സാധിക്കില്ലെന്ന് ഡി.ഡബ്ല്യു.പി വ്യക്തമാക്കുന്നു. കൂടാതെ, ബാങ്കുകളും സര്‍ക്കാരും നിയമങ്ങള്‍ കൃത്യമായി പാലിക്കുന്നുണ്ടോ എന്ന് പരിശോധിക്കാന്‍ സ്വതന്ത്രമായ റീവ്യൂവര്‍ ബോഡിയെ ചുമതലപ്പെടുത്തുകയും റിപ്പോര്‍ട്ടുകള്‍ പാര്‍ലമെന്റില്‍ സമര്‍പ്പിക്കുകയും ചെയ്യും.

വ്യക്തിഗത സാഹചര്യങ്ങളില്‍ മാറ്റം വന്നിട്ടും അത് റിപ്പോര്‍ട്ട് ചെയ്യാതിരിക്കുകയോ, തെറ്റായ വിവരങ്ങള്‍ നല്‍കുകയോ ചെയ്തവര്‍ അടിയന്തരമായി ഡി.ഡബ്ല്യു.പിയെ വിവരം അറിയിക്കണമെന്ന് അധികൃതര്‍ മുന്നറിയിപ്പ് നല്‍കുന്നു. അല്ലാത്തപക്ഷം കൈപ്പറ്റിയ തുക തിരികെ അടക്കേണ്ടി വരികയോ, പിഴ ഈടാക്കുകയോ, നിയമനടപടികള്‍ നേരിടേണ്ടി വരികയോ ചെയ്യും.

  • തൊഴിലില്ലായ്മ നിരക്ക് 5.1 ശതമാനത്തിലേക്ക്; ഒന്നരലക്ഷം തൊഴിലുകള്‍ അപകടത്തില്‍
  • ഇംഗ്ലണ്ടിനും, വെയില്‍സിനും 16 മണിക്കൂര്‍ മഞ്ഞ ജാഗ്രത; യാത്രാദുരിതം ഉറപ്പ്
  • ബലാത്സംഗം, ലൈംഗീക അതിക്രമം; റസല്‍ ബ്രാന്‍ഡിന് പത്തരവര്‍ഷം തടവ്
  • സ്കൂള്‍ വിദ്യാര്‍ഥികളുടെ ബാഗിലും പോക്കറ്റിലും മൊബൈല്‍ ഫോണ്‍ അനുവദിക്കില്ല; കര്‍ശന വിലക്ക്
  • ഇയര്‍ 7 മുതല്‍ 9 വരെയുള്ള കുട്ടികളുടെ പഠനരീതിയില്‍ പൊളിച്ചെഴുത്ത്; ഇയര്‍ 10 എത്തുന്നതിന് മുന്‍പ് ജിസിഎസ്ഇ പഠിപ്പിക്കില്ല
  • വീട്ടുടമകള്‍ക്ക് തിരിച്ചടിയായി റെന്റേഴ്‌സ് റൈറ്റ് ആക്ട്; വാടക നിരക്ക് വര്‍ധനക്കെതിരെ വിജയകരമായി പോരാടി വാടകക്കാര്‍
  • വിന്ററില്‍ എന്‍എച്ച്എസിനെ കാത്തിരിക്കുന്നത് കടുത്ത പ്രതിസന്ധി; രോഗികള്‍ ആശുപത്രിയിലെത്തുന്നത് കുറയ്ക്കാന്‍ 40 മില്യണ്‍ പൗണ്ടിന്റെ പദ്ധതി
  • റിഫോം പാര്‍ട്ടിയെ പിന്നിലാക്കി ടോറി പാര്‍ട്ടി; കെമി ബേഡനോക്കിന് വന്‍ മുന്നേറ്റം
  • ഇംഗ്ലണ്ടില്‍ കനത്ത മൂടല്‍മഞ്ഞ്; യാത്രാതടസം, മുന്നറിയിപ്പുമായി മെറ്റ് ഓഫീസ്
  • യുകെയില്‍ വരും ദിവസങ്ങളില്‍ അതിശൈത്യത്തിന് സാധ്യതയെന്ന് മുന്നറിയിപ്പ്
  •  
        © 2022 ukmalayalamnews.com All rights reserved. Powered by PI Digi-Logical Solutions