ലെസ്റ്ററില് വളര്ത്തുനായയുമായി നടക്കാനിറങ്ങിയ ഇന്ത്യന് വംശജനെ കല്ലെറിഞ്ഞ് കൊന്നു; അറസ്റ്റിലായത് 12, 14 വയസുകാര്!
ബ്രിട്ടനിലെ ഏഷ്യന് വംശജര്ക്ക് നേരെ നടക്കുന്ന വംശീയ ആക്രമണത്തിന്റെ ഏറ്റവും ഒടുവിലത്തെ രക്തസാക്ഷിയായി 80-കാരനായ ഇന്ത്യന് വംശജന്. വീടിന് സമീപമുള്ള പാര്ക്കില് തന്റെ നായയ്ക്കൊപ്പം നടക്കാനിറങ്ങിയ ഭീം സെന് കോഹ്ലിയെയാണ് അഞ്ച് കൗമാരക്കാര് ചേര്ന്ന് കല്ലെറിഞ്ഞ് കൊന്നു. എന്നാല് അറസ്റ്റിലായ ഒരാളൊഴികെ മറ്റുള്ളവരെ കുറ്റങ്ങള് ചുമത്താതെ വിട്ടയച്ചതായി പോലീസ് പറഞ്ഞു.
ലെസ്റ്ററിലെ ബ്രൗണ്സ്റ്റോണ് ടൗണിലെ ഫ്രാങ്ക്ളിന് പാര്ക്കില് നായയുമായി നടക്കവെയായിരുന്നു ഒരു സംഘം കൗമാരക്കാര് 80-കാരനെ ഗുരുതരമായി അക്രമിച്ചത്. ഞായറാഴ്ച വൈകുന്നേരം നടന്ന അക്രമത്തിന് ശേഷം ആശുപത്രിയിലായിരുന്ന കോഹ്ലി ഇന്നലെ രാത്രി മരണത്തിന് കീഴടങ്ങി.
അഞ്ച് കുട്ടികളാണ് സംഭവത്തില് അറസ്റ്റിലായതെന്ന് ലെസ്റ്റര്ഷയര് പോലീസ് സ്ഥിരീകരിച്ചു. 14 വയസ്സുള്ള ഒരു ആണ്കുട്ടിക്കും, പെണ്കുട്ടിക്കും പുറമെ 12 വയസ്സുള്ള രണ്ട് പെണ്കുട്ടികളും,
More »
ഇസ്രയേലിനുള്ള ആയുധ കയറ്റുമതിയില് ഭാഗിക വിലക്ക് കൊണ്ടുവന്ന് ബ്രിട്ടന്റെ പ്രകോപനം
ഹമാസിനെതിരെ ഗാസയില് ഇസ്രയേല് നടത്തുന്ന യുദ്ധം തുടരുമ്പോള് നിലപാട് മാറ്റി യുകെ. ഇസ്രയേലിനുള്ള ആയുധ വില്പ്പനയില് ഭാഗിക സസ്പെന്ഷനുകള് ഏര്പ്പെടുത്തിയാണ് ബ്രിട്ടന് വ്യക്തമായ നിലപാട് മാറ്റം പ്രകടമാക്കുന്നത്. ഉപകരണങ്ങള് അന്താരാഷ്ട്ര നിയമങ്ങളുടെ ലംഘനത്തിനായി ഉപയോഗിക്കാനുള്ള സാധ്യതയുണ്ടെന്നാണ് ഫോറിന് സെക്രട്ടറി ഡേവിഡ് ലാമി വ്യക്തമാക്കുന്നത്.
ഈ റിവ്യൂ മുന്നിര്ത്തി ഇസ്രയേലിനുള്ള 350 ആയുധ കയറ്റുമതിയില് 30 എണ്ണം സസ്പെന്ഡ് ചെയ്യുന്നതായാണ് ഫോറിന് സെക്രട്ടറി അപ്രതീക്ഷിതമായി പ്രഖ്യാപിച്ചത്. യുദ്ധവിമാനങ്ങള്, ഹെലികോപ്റ്റര്, ഡ്രോണ് എന്നിവയുടെ ഭാഗങ്ങള് കയറ്റുമതി ചെയ്യുന്നതിനെ വിലക്ക് ബാധിക്കും.
എന്നാല് ബ്രിട്ടന്റെ സന്ദേശം തെറ്റായ സന്ദേശമാണ് നല്കുന്നതെന്ന് ഇസ്രയേല് മന്ത്രി പറഞ്ഞു. ഇസ്രയേലിന്റെ സ്വയം പ്രതിരോധത്തിന് യുകെ പിന്തുണ തുടരുമെന്നും, ആയുധങ്ങള് നല്കുന്നത്
More »
യുകെയില് സ്മാര്ട്ട്ഫോണ് മോഷ്ടാക്കള് വിലസുന്നു; റോഡിലൂടെ പോകുന്നവര്ക്ക് ജാഗ്രതാ നിര്ദ്ദേശം
യുകെയില് വിലപിടിച്ച സ്മാര്ട്ട്ഫോണുകള് ലക്ഷ്യമിട്ടു മോഷ്ടാക്കള് വിലസുന്നു. സ്മാര്ട്ട്ഫോണുകള് കൈക്കലാക്കാന് ലക്ഷ്യമിട്ട് ദിവസവും തെരുവിലിറങ്ങുന്ന മോഷ്ടാക്കള് പെരുകുകയാണ് എന്നാണ് റിപ്പോര്ട്ട്. ദിവസേന ബ്രിട്ടനില് ഏകദേശം 200 സ്മാര്ട്ട്ഫോണുകള് പിടിച്ചുപറിക്കപ്പെടുന്നുവെന്നാണ് കണക്ക്. സെക്കന്ഡ് ഹാന്ഡ് ഡിവൈസുകളുടെ ഡിമാന്ഡ് വര്ദ്ധിച്ചതാണ് മോഷണം ഉയരാന് പ്രധാന കാരണം. മലയാളികള് അടക്കം ജാഗ്രത പാലിക്കേണ്ടതാണ്.
ഒരു ദശകത്തിനിടെ ഏറ്റവും ഉയര്ന്ന തോതിലാണ് ഫോണ് കവര്ച്ചയെന്ന് ഹോം ഓഫീസ് കണക്കുകള് വെളിപ്പെടുത്തുന്നു. ഒരു കുറ്റവാളി തന്നെ നടത്തുന്ന പിടിച്ചുപറികളില് കാല്ശതമാനം വര്ധനവുണ്ട്. ഈ ദുരവസ്ഥ തടയാന് കര്ശന നടപടിയുണ്ടാകുമെന്ന് ഗവണ്മെന്റ് പ്രഖ്യാപിച്ചിട്ടുണ്ട്. ടെക് കമ്പനികളുമായി ചേര്ന്ന് കുറ്റകൃത്യം തടയാനുള്ള വഴികളും ഹോം ഓഫീസ് ആലോചിക്കുന്നുണ്ട്.
More »
ബ്രിട്ടനിലെ നിരത്തുകളില് ചാക്കണ്ണുകളുമായി പുതിയ എഐ ക്യാമറകള്; ഡ്രൈവര്മാരെ കൈയോടെ പൊക്കും
ബ്രിട്ടനിലെ നിരത്തുകളില് ചാക്കണ്ണുകളുമായി പുതിയ എഐ ക്യാമറകള് എത്തി. നിയമലംഘനങ്ങള് പിടികൂടാനായി കണ്ണുതുറന്നിരിക്കുന്ന പുതിയ എഐ ക്യാമറകള് ഡ്രൈവര്മാരെ കൈയോടെ പൊക്കും. ഇന്ന് മുതലാണ് മൊബൈല് ഫോണ് ഉപയോഗിക്കുന്ന ഡ്രൈവര്മാരെ ഓട്ടോമാറ്റിക്കായി തിരിച്ചറിയുന്ന എഐ ക്യാമറകള് പ്രവര്ത്തിച്ച് തുടങ്ങുന്നത്. ഗ്രേറ്റര് മാഞ്ചസ്റ്റര് ഏരിയയില് പ്രവര്ത്തനം തുടങ്ങുന്ന എഐ ടെക്നോളജി പിന്നീട് രാജ്യം മുഴുവന് വ്യാപിപ്പിക്കും.
വാഹനത്തിന് പിന്നിലോ, ട്രെയിലറിലോ ഘടിപ്പിച്ചിട്ടുള്ള നൂതന ക്യാമറകള് മേഖലയിലെ വിവിധ ഭാഗങ്ങളിലായാണ് വിന്യസിച്ചിട്ടുള്ളത്. ഡ്രൈവ് ചെയ്യുമ്പോള് മൊബൈല് ഫോണ് ഉപയോഗിക്കുന്ന ഡ്രൈവര്മാരെ ക്യാമറയിലെ സാങ്കേതിക വിദ്യ ഓട്ടോമാറ്റിക്കായി തിരിച്ചറിയുമെന്ന് ഇത് നിര്മ്മിച്ച അക്യുസെന്സസ് ടെക് കമ്പനി പറയുന്നു.
2021-ല് നാഷണല് ഹൈവേസിലാണ് ഈ ടെക്നോളജി ആദ്യമായി ട്രയല്സ് നടത്തിയത്.
More »
ബ്രിട്ടനില് അടച്ചു പൂട്ടിയത് ആയിരക്കണക്കിന് ബാങ്കുകള്; നേട്ടം കൊയ്ത് പോസ്റ്റ് ഓഫീസ് ബ്രാഞ്ചുകള്
ബ്രിട്ടനിലെ ആയിരക്കണക്കിന് ഹൈസ്ട്രീറ്റ് ബാങ്കുകള് അടച്ചുപൂട്ടിയതോടെ പോസ്റ്റ് ഓഫീസ് ശാഖകള്ക്കു നേട്ടം. 2015 ന് ശേഷം 6,000 ഓളം ബാങ്ക് ശാഖകള് ബ്രിട്ടനില് അടച്ചു പോയപ്പോള് പല ഉപഭോക്താക്കള്ക്കുമുള്ള ഏക ആശ്രയം പോസ്റ്റ് ഓഫീസുകളായി മാറി. ഇക്കാലയളവില് പ്രതിമാസം 50 ശാഖകള് എന്ന നിരക്കിലാണ് ബാങ്ക് ശാഖകള് അടച്ചു പോയത്. കൂടുതല് ഉപഭോക്താക്കള് ഓണ്ലൈന് ബാങ്കിംഗിലേക്ക് തിരിയുന്ന സാഹചര്യത്തില് ഇനിയുള്ള കാലം ഈ അടച്ചു പൂട്ടല് കൂടാനാണ് സാധ്യത.
ഇതൊക്കെയാണെങ്കിലും പ്രായമേറിയവര്ക്ക് ഇപ്പോഴും പരമ്പരാഗത ബാങ്ക് ശാഖകളെ മാത്രമെ ആശ്രയിക്കാന് കഴിയൂ. അതുകൊണ്ടാണ് പണമിടപാടുകള്ക്കായി അവര്ക്ക് പോസ്റ്റ് ഓഫീസുകളെ ആശ്രയിക്കേണ്ടി വരുന്നത്. ഇക്കഴിഞ്ഞ ജൂലൈ മാസത്തെ കണക്കുകള് പ്രകാരം, നിക്ഷേപവും പിന്വലിക്കലും ഉള്പ്പടെ ഏതാണ്ട് 3.7 ബില്യണ് പൗണ്ടിന്റെ പണമിടപാടുകളാണ് പോസ്റ്റ് ഓഫീസുകള് വഴി നടക്കുന്നത്.
യഥാര്ത്ഥ
More »
ജിപി അപ്പോയിന്റ്മെന്റ് പ്രഹസനം: പ്രശ്നങ്ങള് പങ്കുവെയ്ക്കുന്നതിനു മുമ്പേ രോഗികളെ പുറത്താക്കുന്നു
രോഗികള് എല്ലാ പ്രശ്നങ്ങളും പറഞ്ഞ് തീരുന്നതിന് മുന്പ് തന്നെ ഇവരെ പുറത്താക്കുന്ന ജിപിമാര് രോഗികളെ
രോഗികള് തങ്ങളുടെ പ്രശ്നങ്ങളും ആശങ്കകളും പങ്കുവയ്ക്കുന്നതിനു മുമ്പേ ജിപിമാര് പുറത്താക്കുകയാണെന്നു ആക്ഷേപം. കാത്തുകാത്തിരുന്ന ലഭിക്കുന്ന ജിപി അപ്പോയിന്റ്മെന്റ് പ്രഹസനം ആയി മാറുകയാണെന്നാണ് പരാതി. അപ്പോയിന്റ്മെന്റ് വിട്ടിറങ്ങുന്ന ഇംഗ്ലണ്ടിലെ അഞ്ചില് രണ്ട് പേര്ക്കും ആരോഗ്യ പ്രശ്നങ്ങള് ചര്ച്ച ചെയ്യാന് കഴിയുന്നില്ല എന്ന് സര്വ്വെ പറയുന്നു.
ജിപി അപ്പോയിന്റ്മെന്റുകള് പൂര്ത്തിയാക്കി പുറത്തിറങ്ങുമ്പോള് തങ്ങളുടെ രോഗാവസ്ഥകളെ കുറിച്ചുള്ള ആശങ്കകള് പങ്കുവെച്ച് കൃത്യമായ മറുപടികള് ലഭിച്ചുവെന്ന സംതൃപ്തി പ്രധാനമാണ്. എന്നാല് ഇംഗ്ലണ്ടിലെ അഞ്ചില് രണ്ട് രോഗികള്ക്കും ഈ തൃപ്തി ഇല്ലാതെയാണ് ജിപി അപ്പോയിന്റ്മെന്റുകള് പൂര്ത്തിയാക്കുന്നതെന്നാണ് സര്വ്വെയില് വ്യക്തമാകുന്നത്.
More »
10 വയസുകാരിയായ മകളെ വീട്ടില് കുത്തിക്കൊന്ന് ഇന്ത്യന് വംശജ; ഒക്ടോബര് 25ന് ശിക്ഷാവിധി
വീട്ടില് വെച്ച് സ്വന്തം മകളെ കുത്തിക്കൊന്നതായി കുറ്റസമ്മതം നടത്തി ഇന്ത്യന് വംശജയായ അമ്മ. 10 വയസുള്ള മകളെ ഗുരുതരമായി കുത്തിപ്പരുക്കേല്പ്പിച്ചതായി അമ്മ സമ്മതിക്കുകയായിരുന്നു. വെസ്റ്റ് മിഡ്ലാന്ഡ്സിലെ സ്കൂളില് പഠിച്ചിരുന്ന ഷേയ് കാംഗിനെയാണ് 33-കാരി ജസ്കീറത് കൗര് കുത്തിക്കൊന്നത്.
ഉത്തരവാദിത്വമില്ലാതെ നരഹത്യ നടത്തിയ കുറ്റമാണ് കൗര് സമ്മതിച്ചത്. ഇവര്ക്കെതിരെ കൊലക്കുറ്റം ചുമത്തിയിരുന്നെങ്കിലും ഇത് തള്ളി. നരഹത്യാ കേസിലെ കുറ്റസമ്മതം ക്രൗണ് അംഗീകരിക്കുന്നതായി പ്രോസിക്യൂഷന് കൗണ്സെല് സാലി ഹോവ്സ് കെസി വോള്വര്ഹാംപ്ടണ് ക്രൗണ് കോടതിയില് വ്യക്തമാക്കുകയായിരുന്നു.
മാര്ച്ച് 4ന് ഉച്ചയോടെയാണ് വെസ്റ്റ് മിഡ്ലാന്ഡ്സ് റൗളി റെഗിസിലെ വീട്ടില് ഷേയെ മരിച്ച നിലയില് കണ്ടെത്തുന്നത്. പോസ്റ്റ്മോര്ട്ടം പരിശോധനയില് നെഞ്ചിന് കുത്തേറ്റതാണ് മരണകാരണമെന്ന് സ്ഥിരീകരിച്ചിരുന്നു. ബ്ലാക്ക്
More »
യുകെയിലേക്ക് ഈ വര്ഷം എത്തിയ അനധികൃത കുടിയേറ്റക്കാര് 21,000
ജനുവരി മുതല് ചെറുബോട്ടുകളില് കയറി ഇംഗ്ലീഷ് ചാനല് കടന്നെത്തിയ അനധികൃത കുടിയേറ്റക്കാരുടെ എണ്ണം 21,000 കടന്നതായി സ്ഥിരീകരിച്ച് ഹോം ഓഫീസ്. കഴിഞ്ഞ ദിവസം മാത്രം ഒന്പത് ബോട്ടുകളിലായി 408 പേരാണ് ബ്രിട്ടീഷ് തീരം തൊട്ടത്. ഇതോടെ ആകെ എത്തിയ കുടിയേറ്റക്കാരുടെ എണ്ണം 21,063 എത്തി.
കഴിഞ്ഞ ഏഴ് ദിവസത്തില് 1758 പേരാണ് ബ്രിട്ടനില് പ്രവേശിച്ചത്. കീര് സ്റ്റാര്മര് ഡൗണിംഗ് സ്ട്രീറ്റിലേക്ക് എത്തിയത് മുതല് 7477 പേര് ചാനല് കടന്നിട്ടുണ്ട്. ശരാശരി 131 പേരാണ് ധൈര്യപൂര്വ്വം ചാനല് ക്രോസ് ചെയ്യുന്നത്.
മുന് പ്രധാനമന്ത്രി സുനാകിന് കീഴില് 50,654 പേരാണ് ചെറുബോട്ടുകളില് എത്തിയത്. ശരാശരി 82 എന്ന നിലയിലാണിത്. ലിസ് ട്രസിന്റെ ചെറിയ കാലയളവില് 210 പേര് ചാനല് കടന്നിരുന്നു. 2018 മുതല് വാട്ഫോര്ഡ് പട്ടണത്തിന് തുല്യമായ തോതില് 135,358 പേര് ചാനല് കടന്നതായി കണക്കുകള് വ്യക്തമാക്കുന്നു.
ചെറുബോട്ടുകളിലെ ഈ വരവ് അവസാനിച്ച് കാണാനാണ് എല്ലാവരും
More »
പരിധിയില്ലാതെ നികുതി ഉയര്ത്താന് അവകാശം വേണമെന്ന് ചാന്സലറോട് കൗണ്സിലുകള്
വരുന്നബജറ്റില് പരിധിയില്ലാതെ നികുതികള് വര്ദ്ധിപ്പിക്കാനുള്ള അവകാശം അനുവദിക്കണമെന്ന് ചാന്സലര് റേച്ചല് റീവ്സിനോട് അപേക്ഷിച്ച് കൗണ്സിലുകള്. സിംഗിള് പേഴ്സണ് ഡിസ്കൗണ്ട് ഇല്ലാതാക്കാനുള്ള ഓപ്ഷനും അനുവദിച്ച് നല്കണമെന്നാണ് കൗണ്സിലുകളുടെ ആവശ്യം.
വര്ഷത്തില് അഞ്ച് ശതമാനം നികുതി വര്ദ്ധനയ്ക്കുള്ള ക്യാപ്പ് ഒഴിവാക്കാനാണ് ലോക്കല് ഗവണ്മെന്റ് അസോസിയേഷന് ചാന്സലറോട് ആവശ്യപ്പെട്ടിരിക്കുന്നത്. ഇതുമൂലം കൗണ്സില് ടാക്സ് വര്ദ്ധനയ്ക്ക് പരിധികളുണ്ട്. ഇതില് കൂടുതല് നികുതി ഉയര്ത്താന് ഹിതപരിശോധന ആവശ്യമാണ്.
എന്നാല് സംഘടനയുടെ പ്രതീക്ഷയ്ക്കൊത്ത് സഞ്ചരിക്കാന് ഗവണ്മെന്റ് തയ്യാറായേക്കില്ലെന്ന് മുതിര്ന്ന സ്രോതസ്സുകള് ടെലിഗ്രാഫിനോട് പറഞ്ഞു. 6 ബില്ല്യണ് പൗണ്ടിന്റെ ഫണ്ടിംഗ് വിടവ് നേരിടാന് കൗണ്സിലുകള്ക്ക് ഈ ശക്തമായ നടപടി അനിവാര്യമാണെന്ന് അസോസിയേഷന് വാദിക്കുന്നു.
More »
