ലണ്ടനില് നിന്ന് വെറും 62 മൈല് അകലെ കേംബ്രിഡ്ജ് ഷെയറില് രഹസ്യമായി പ്രവര്ത്തിച്ചിരുന്ന കഞ്ചാവ് ഫാക്ടറി കണ്ടെത്തി. അവിടെനിന്നും രണ്ട് പുരുഷന്മാരെയും പോലീസ് അന്വേഷണത്തില് കണ്ടെത്തി. ഇവരെ പൂട്ടിയിട്ട നിലയിലാണ് അവിടെ നിന്നും കണ്ടെത്തിയത്. അടിമകളെ പോലെയാണ് ഇവരെ പരിഗണിച്ചിരുന്നത് എന്നാണ് പുറത്തുവരുന്ന വിവരങ്ങള്.
1.5 മില്യണിലധികം മൂല്യമുള്ള 1845 കഞ്ചാവ് ചെടികളാണ് ഉദ്യോഗസ്ഥര് കണ്ടെത്തിയത്. അവിടെ പൂട്ടിയിട്ട നിലയില് കണ്ടെത്തിയ പുരുഷന്മാര് 34 ഉം 35 വയസും ഉള്ളവരാണ് . ഇവരെ നിര്ബന്ധിച്ച് അവിടെ ജോലി ചെയ്യിക്കുകയായിരുന്നു എന്നാണ് പുറത്തുവരുന്ന വിവരങ്ങള് . തങ്ങളുടെ സമീപ പ്രദേശങ്ങളില് മയക്കുമരുന്ന് പ്രവര്ത്തനങ്ങളുമായി ബന്ധപ്പെട്ട് ഏതെങ്കിലും വിവരം ലഭിക്കുന്നവര് ക്രൈം സ്റ്റോപ്പര് സെല്ലുമായി ബന്ധപ്പെടണമെന്ന് പോലീസ് ആവശ്യപ്പെട്ടിട്ടുണ്ട്.
