പങ്കാളിയെ ക്രൂരമായി കൊലപ്പെടുത്തി പൂന്തോട്ടത്തില് കുഴിച്ചിട്ട പ്രൈമറി സ്കൂള് അധ്യാപികയെ പോലീസ് അറസ്റ്റ് ചെയ്തു. 50 കാരിയായ ഫിയോണ ബീല് ആണ് തന്റെ 42 കാരനായ കാമുകന് നിക്കോളാസ് ബില്ലിംഗ്ഹാമിനെ കുത്തി കൊലപ്പെടുത്തിയതിന് അറസ്റ്റിലായത് . നിക്കോളാസ് മരിച്ചു 4 മാസത്തിനു ശേഷമാണ് ഇയാളുടെ മൃതദേഹം പോലീസ് കണ്ടെത്തിയത്.
2021-ലാണ് 52 കാരിയായ ഫിയോണ 42 കാരനായ കാമുകനെ കൊലപ്പെടുത്തിയത് . ആദ്യം നിഷേധിച്ച അവള് പിന്നീട് കൊലപാതക കുറ്റം സമ്മതിച്ചതായാണ് റിപ്പോര്ട്ടുകള്. കൊലപാതകം ഇവര് ഒറ്റയ്ക്ക് നടത്തിയതായാണ് അന്വേഷണത്തില് തെളിഞ്ഞത്.
കൊലപാതകത്തിനായി വളരെ തന്ത്രപരമായ ആസൂത്രണമാണ് പ്രതി നടത്തിയത് എന്ന് പ്രോസിക്യൂഷന് കോടതിയില് വെളിപ്പെടുത്തി. കൈയുറയും കത്തിയും കൊലയ്ക്ക് ഉപയോഗിച്ച മറ്റ് സാധനങ്ങളും നേരത്തെ ഇവര് കരുതിയിരുന്നു. പെട്ടെന്നുള്ള പ്രകോപനം കൊണ്ടോ സ്വയരക്ഷക്കോ അല്ല അവള് ഈ കൃത്യം ചെയ്തതെന്നും കൃത്യമായ ഈ ആസൂത്രണമാണ് പിന്നിലെന്നും പോലീസ് എടുത്തു പറയുന്നു . കേസിന്റെ വിചാരണ കോടതിയില് പുരോഗമിക്കുകയാണ്.
