ആന്ഡ്രൂ രാജകുമാരനെ റോയല് ലോഡ്ജില് നിന്നും ഒഴിവാക്കാന് ചാള്സ് രാജാവിന്റെ ശ്രമം ഊര്ജ്ജിതമായി. പുതിയ വസതിയായ ഫ്രോഗ്മോര് കോട്ടേജിലേക്ക് ആന്ഡ്രൂ നീങ്ങാന് വിസമ്മതിക്കുന്ന പക്ഷം എല്ലാ ബന്ധങ്ങളും ഫണ്ടിങ്ങും നിര്ത്തുമെന്നാണ് രാജാവ് ഭീഷണി മുഴക്കിയിരിക്കുന്നത്.
ജെഫ്രി എപ്സിറ്റീന് വിവാദത്തില് പെട്ട് നാണക്കേടിലായതോടെ എല്ലാ ഔദ്യോഗിക ഡ്യൂട്ടികളും വെച്ചൊഴിയേണ്ടി വന്ന ഡ്യൂക്ക് ഇപ്പോഴും 30 മുറികളുള്ള 30 മില്ല്യണ് പൗണ്ടിന്റെ ബംഗ്ലാവിലാണ് താമസം. മുന് ഭാര്യ സാറയും ഇദ്ദേഹത്തോടൊപ്പം ഇവിടെ തങ്ങുന്നു.
എന്നാല് യാതൊരു വരുമാന സ്രോതസ്സുമില്ലാത്ത സഹോദരനെ ഇവിടെ നിന്നും ഇറക്കി വിടാന് ഏറെ നാളായി രാജാവ് ശ്രമിച്ച് വരികയാണ്. ആന്ഡ്രൂവിനെ ഒഴിവാക്കി പകരം മകന് വെയില്സ് രാജകുമാരന്റെ ഔദ്യോഗിക വസതിയാക്കി ഇത് നല്കാനാണ് ചാള്സിന്റെ പദ്ധതി. രാജസിംഹാസനത്തിലേക്കുള്ള അടുത്ത വ്യക്തിയെന്ന പദവി പ്രതിഫലിപ്പിക്കാന് ഇത് ഉപയോഗിക്കാനാണ് ശ്രമം.
സഹോദരന് സുഖമായി ജീവിക്കാനുള്ള പണം തന്റെ സ്വകാര്യ ഫണ്ടായ ഡച്ചി ഓഫ് ലങ്കാസ്റ്ററില് നിന്നും നല്കാന് രാജാവ് തയ്യാറാണ്. 'കൃത്യമായ ഒരു സമയത്തിനുള്ള ആന്ഡ്രൂ ഒഴിഞ്ഞില്ലെങ്കില് ഈ പിന്തുണ പിന്വലിക്കുന്നത് സംബന്ധിച്ച് പുനരാലോചിക്കാന് രാജാവ് നിര്ബന്ധിതമാകും. ഇതോടെ സുരക്ഷ, താമസം, ജീവിതച്ചെലവുകള് എന്നിവയെല്ലാം സ്വന്തം നിലയില് കണ്ടെത്തേണ്ടി വരും. ഇത് ഏറെ നാള് പിടിച്ചുനില്ക്കാന് കഴിയുകയുമില്ല', രാജാവിന്റെ ഒരു സുഹൃത്ത് ടൈംസിനോട് പറഞ്ഞു.
ആന്ഡ്രൂ നല്ല രീതിയില് തുടരണമെന്നാണ് എല്ലാവരും ആഗ്രഹിക്കുന്നത്. എന്നാല് എല്ലാ കാര്യങ്ങള്ക്കും ഒരു പരിധിയുണ്ടെന്നും ഇദ്ദേഹം കൂട്ടിച്ചേര്ത്തു. റോയല് ലോഡ്ജ് നടത്തിക്കൊണ്ട് പോകാന് പ്രതിവര്ഷം 400,000 പൗണ്ട് വേണ്ടിവരുമെന്നാണ് കണക്ക്.
