ഭാര്യയെ തീ കൊളുത്തി കൊലപ്പെടുത്താന് ശ്രമിച്ച മലയാളി യുവാവ് അറസ്റ്റില്. നോര്ത്തേണ് അയര്ലന്ഡിലെ ആന്ട്രിമിലെ ഓക്ട്രീ ഡ്രൈവില് താമസിക്കുന്ന ജോസ്മോന് ശശി പുഴക്കേപ്പറമ്പിലാണ് (29) അറസ്റ്റിലായത്. ഇയാള്ക്കെതിരെ കൊലപാതക ശ്രമത്തിനും ഗാര്ഹിക പീഡനത്തിനും പൊലീസ് കേസെടുത്തു.
ഇവര് താമസിച്ചിരുന്ന വീടിന് കഴിഞ്ഞ മാസം 26ന് രാത്രി 10 മണിയോടെയാണ് ജോസ്മോന് തീയിട്ടത്. ശരീരത്തില് പൊള്ളലേറ്റ നിലയിലാണ് യുവതിയെ കണ്ടെത്തിയത്. ഭാര്യയെ കൊലപ്പെടുത്താനായി വീടിന് തീയിടുകയായിരുന്നു എന്ന് പോലീസ് പറയുന്നു. 25 ശതമാനം പൊള്ളലേറ്റ യുവതി ചികിത്സയിലാണ്.
അതേസമയം സംഭവത്തില് ഭര്ത്താവിനെതിരെ യുവതി പരാതി നല്കിയിട്ടില്ല.
ജോസ്മോന്റെ ജാമ്യാപേക്ഷ ക്രൗണ് കോടതി തള്ളി. കേസിന്റെ വിചാരണ ഒക്ടോബര് 22 ന് തുടരും.
