എന്എച്ച്എസില് രാത്രി ഷിഫ്റ്റുകളില് നിന്ന് വെള്ളക്കാര് വലിയ തോതില് ഒഴിവാകുന്നു. കറുത്തവരും, വംശീയ ന്യൂനപക്ഷ ജോലിക്കാരും രാത്രി ഷിഫ്റ്റുകളിലേക്ക് കൂടുതലായി നിയോഗിക്കപ്പെടുകയാണ്.
കറുത്തവരും, വംശീയ ന്യൂനപക്ഷങ്ങളില് പെട്ടവരും പതിവായി നൈറ്റ് ഷിഫ്റ്റുകളില് ജോലിക്കെത്തുന്നതില് വര്ദ്ധനവ് ഉണ്ടായെന്ന് ട്രേഡ്സ് യൂണിയന് കോണ്ഗ്രസ് പ്രസിദ്ധീകരിച്ച പഠനം ചൂണ്ടിക്കാണിക്കുന്നു. അതേസമയം രാത്രിയില് ജോലി ചെയ്യുന്ന വെള്ളക്കാരുടെ എണ്ണത്തില് വലിയ ഇടിവും നേരിട്ടിരിക്കുന്നു.
2014-ലെ കണക്കുകളെ അപേക്ഷിച്ച് 360,000-ലേറെ കറുത്തവരും, വംശീയ ന്യൂനപക്ഷ വംശജരുമാണ് രാത്രിയില് അധികമായി ജോലിക്ക് എത്തുന്നതെന്നാണ് കണ്ടെത്തല്. ഇതേ കാലയളവില് രാത്രി ഷിഫ്റ്റിന് എത്തുന്ന വെള്ളക്കാരുടെ എണ്ണത്തില് 570,000-ലേറെ കുറവ് വന്നുവെന്നാണ് കണക്കുകള് വ്യക്തമാക്കുന്നത്.
ആറിലൊന്ന് കറുത്തവരും, ന്യൂനപക്ഷ വംശജരും രാത്രി ജോലിക്ക് എത്തുമ്പോള്, പതിനൊന്നില് ഒന്ന് എന്ന തോതിലാണ് വെള്ളക്കാരായ ജോലിക്കാര് രാത്രിയില് ജോലി ചെയ്യുന്നതെന്ന് ടിയുസി പറയുന്നു.
ഈ വിധം പതിവായി നൈറ്റ് ഷിഫ്റ്റ് ജോലിക്ക് കയറുന്ന റെയില്വെ ജീവനക്കാരുടെ ദീര്ഘകാല ആരോഗ്യം ബാധിക്കപ്പെടുന്നതായും, കുടുംബബന്ധങ്ങളില് കനത്ത സമ്മര്ദം സൃഷ്ടിക്കുന്നതായും റെയില്, മാരിടൈം & ട്രാന്സ്പോര്ട്ട് യൂണിയന് ചൂണ്ടിക്കാണിക്കുന്നു. നൈറ്റ് ഷിഫ്റ്റ് ജോലിക്ക് കയറുന്ന ജീവനക്കാര്ക്കു കുടുംബത്തിനൊപ്പം സമയം ചെലവിടാന് കഴിയുന്നില്ലെന്നും ചൂണ്ടിക്കാണിക്കപ്പെടുന്നു.
