റിഷി സുനാകിന്റെ പിന്ഗാമിയായി കണ്സര്വേറ്റിവ് പാര്ട്ടിയുടെ പുതിയ നേതാവിനെ തെരഞ്ഞെടുക്കാനുള്ള വോട്ടെടുപ്പ് കഴിഞ്ഞു. വെള്ളിയാഴ്ച വൈകിട്ട് അഞ്ചുവരെ ആയിരുന്നു വോട്ടെടുപ്പ്. ഫലം നാളെ (ശനിയാഴ്ച) അറിയാം. റോബര്ട്ട് ജെന്റിക്കും കെമി ബാഡ്നോക്കും ആയിരുന്നു അവസാന ഘട്ടത്തിലെത്തിയത്.
നാലുമാസം നീണ്ട മാരത്തോണ് തിരഞ്ഞെടുപ്പ് പ്രക്രിയയാണ് ഇന്നലെ അവസാനിച്ചത്. പാര്ട്ടിക്കുള്ളില് അടിത്തട്ടില് വരെ ഏറെ അനുയായികളുള്ള ബാഡ്നോക്ക് വിജയിക്കും എന്ന് ചില രാഷ്ട്രീയ നിരീക്ഷകര് വിധിയെഴുതുമ്പോഴും, റോബര്ട്ട് ജെന്റിക്കിനെ അത്ര എളുപ്പത്തില് തള്ളിക്കളയാന് ആകില്ല എന്നാണ് മറു വിഭാഗം പറയുന്നത്. രണ്ടുപേരും പാര്ട്ടിക്കുള്ളിലെ വലതു പക്ഷത്തെ പിന്തുണക്കുന്നവരാണ്. അതുകൊണ്ടു തന്നെ എതിര്പക്ഷത്തെ വോട്ടുകളാകും നിര്ണ്ണായകമാവുക.
പാര്ട്ടി സമ്മേളനങ്ങളില് ഏറെ തിളങ്ങാന് കഴിയാതെ പോയവരാണ് ജെന്റിക്കും ബേഡ്നോക്കുമെന്നതാണ് ശ്രദ്ധേയം. പാര്ട്ടി സമ്മേളനത്തിലെ പ്രസംഗത്തിന്റെ പേരില് ഏറെ അഭിനന്ദനങ്ങള് ഏറ്റുവാങ്ങിയ ക്ലെവര്ലി പുറത്തായത് അപ്രതീക്ഷിതമായിരുന്നു.
ആര് നേതൃസ്ഥാനത്തേക്ക് വന്നാലും വലിയ വെല്ലുവിളിയാണ് കാത്തിരിക്കുന്നത്. ജൂലൈ നാളൈണ് നടന്ന തിരഞ്ഞെടുപ്പില് ടോറി പാര്ട്ടി നേരിട്ടത് ചരിത്രത്തിലെ ഏറ്റവും വലിയ തോല്വിയായിരുന്നു. 24 ശതമാനത്തില് താഴെ വോട്ടുകളോടെ 121 സീറ്റുകളില് മാത്രമാണ് ടോറി പാര്ട്ടിയ്ക്ക് വിജയിക്കാനായത്.
