യുകെയില് അടുത്ത ആഴ്ച മുതല് ഡ്രൈവറില്ലാത്ത ബസുകള് നിരത്തിലിറങ്ങും. ആയിരക്കണക്കിന് യാത്രക്കാര്ക്ക് ഈ ബസുകളില് യാത്ര ചെയ്യാന് അവസരം ലഭിക്കും. സെന്ഡ്രല് മില്ട്ടണ് കെയിന്സിലാണ് സ്വയം ഓടുന്ന ബസുകള് ഇടംപിടിക്കുന്നത്.
സ്ട്രീറ്റ് സിഎവി ബസുകളാണ് നഗരത്തില് പരീക്ഷണ ഓട്ടം ആരംഭിക്കുന്നത്. സാധാരണ ബസുകളെ പോലുള്ള ഉള്വശമാണെങ്കിലും ഇതില് ഡ്രൈവര് സീറ്റില്ലെന്നതാണ് സവിശേഷത. അതിനാല് തന്നെ ഏതാണ് മുന്വശവും, പിന്വശവുമെന്ന് തിരിച്ചറിയാന് ബുദ്ധിമുട്ടുണ്ട്.
പച്ചക്കൊടി വീശുന്നതിന് മുന്നോടിയായാണ് നഗരത്തില് ബസുകള് പരീക്ഷണാടിസ്ഥാനത്തില് പരിപാടി ആരംഭിക്കുന്നത്. പരീക്ഷണം വിജയകരമായാല് 2025-ല് യാത്രക്കാര്ക്കായി വാഹനം സുസജ്ജമാകും.
