ചൊവ്വാഴ്ച നടന്ന യൂറോ മില്യണ്സ് ലോട്ടറി നറുക്കെടുപ്പില് യുകെയില് വിറ്റുപോയ ടിക്കറ്റിന് 177 മില്യണ് പൗണ്ട് സമ്മാനം ലഭിച്ചതായി യുകെ നാഷണല് ലോട്ടറി അധികൃതര് അറിയിച്ചു. ഏതദേശം 1893 കോടി ഇന്ത്യന് രൂപയ്ക്ക് തുല്യമാണ് സമ്മാനം. എന്നാല് സമ്മാനം ആര്ക്കെന്ന വിവരം ലോട്ടറി വകുപ്പിന് ഇനിയും ലഭ്യമായിട്ടില്ല. ലഭ്യമായാലും രഹസ്യമായി സൂക്ഷിക്കാന് വിജയ്ക്ക് നിര്ദ്ദേശിക്കാം.
യൂറോ മില്യണ്സ് ജാക്ക്പോട്ടില് നൂറു മില്യണിലധികം നേടുന്ന പത്തൊമ്പതാമത്തെ ആളാണ് കഴിഞ്ഞ ദിവസം നറുക്കെടുപ്പിലൂടെ വിജയിച്ചത്.
ലക്കി സ്റ്റാര്സ് 9ഉം 12ഉം ഉള്ള 7, 11, 25,31,40 തുടങ്ങിയ നമ്പറുകള്ക്കാണ് ജാക്ക്പോട്ട് നേടാനായത്. ടിക്കറ്റ് പരിശോധിച്ച് വിജയിച്ചതായി കരുന്നുണ്ടെങ്കില് നാഷണല് ലോട്ടറി വകുപ്പിനെ ബന്ധപ്പെടണം.
എല്ലാ ആഴ്ചകളിലും ചൊവ്വ, വെള്ളി ദിവസങ്ങളിലാണ് നറുക്കെടുപ്പ്. രണ്ടര പൗണ്ടാണ് ഒരു ടിക്കറ്റിന്റെ വില. എല്ലാ തവണയും ഇത്രത്തോളം ഉയര്ന്ന തുക ലഭ്യമാകില്ല. 2022 ജൂലൈയില് ലഭിച്ച 195 മില്യണ് പൗണ്ട്, 2022 മേയില് ലഭിച്ച 184 മില്യണ് പൗണ്ട് എന്നിവയ്ക്ക് ശേഷം യുകെ വിജയിക്ക് ലഭിക്കുന്ന ഏറ്റവും വലിയ തുകയാണ് ഇത്തവണത്തേത്.
ജാക്ക്പോട്ടില് പങ്കെടുത്തവര് ഉടന് തന്നെ അവരവരുടെ ടിക്കറ്റ് നമ്പര് പരിശോധിച്ച് വിജയം ഉറപ്പാക്കുകയും അധികൃതരെ വിവരമറിയിക്കാനും അഭ്യര്ത്ഥിക്കുന്നതായി നാഷണല് ലോട്ടറി അറിയിച്ചു.
