40 വര്ഷത്തിനുള്ളില് യുകെയില് വെള്ളക്കാര് ന്യൂനപക്ഷമായി മാറുമെന്ന് റിപ്പോര്ട്ട് പുറത്ത്
കുടിയേറ്റം ബ്രിട്ടനില് വലിയ രാഷ്ട്രീയ പ്രചാരണ വിഷയമാണ്. കടുത്ത നിയന്ത്രണങ്ങള് കൊടുവരുമ്പോഴും രാജ്യത്തേക്ക് അനധികൃതമായി കടന്നുവരുന്നവര് നിരവധിയാണ്. സമീപഭാവയില് ബ്രിട്ടനില് വെള്ളക്കാര് ന്യൂനപക്ഷമായി മാറുന്ന അവസ്ഥ വരുമെന്നാണ് മുന്നറിയിപ്പ്.
വെള്ളക്കാരായ ബ്രിട്ടീഷുകാര് യുകെയില് ന്യൂനപക്ഷമായി മാറാന് ഇനി 40 വര്ഷം പോലും വേണ്ടിവരില്ലെന്നാണ് ജനസംഖ്യാ പഠനത്തില് മുന്നറിയിപ്പ് നല്കുന്നത്. നിലവിലെ ജനസംഖ്യയില് 73 ശതമാനമുള്ള വെള്ളക്കാര് 2050 എത്തുമ്പോള് 57 ശതമാനമായി ചുരുങ്ങുമെന്നും മൈഗ്രേഷന് റിപ്പോര്ട്ട് പ്രവചിക്കുന്നു. 2063 എത്തുമ്പോഴാണ് വെള്ളക്കാര് ന്യൂനപക്ഷമായി മാറുക.
നൂറ്റാണ്ടിന്റെ അവസാനത്തോടെ യുകെ ജനസംഖ്യയില് കേവലം 33.7 ശതമാനം പേര്ക്ക് മാത്രമാകും കുടിയേറ്റക്കാരായ മാതാപിതാക്കള് ഇല്ലാതിരിക്കുക. ഇതില് തന്നെ 40 വയസ്സില് താഴെയുള്ള 28 ശതമാനം പേര്ക്കാണ് ഈ അവസ്ഥയെന്ന് പ്രൊഫ. മാറ്റ് ഗുഡ്വിന് പറഞ്ഞു.
ഔദ്യോഗിക ജനസംഖ്യാ വിവരങ്ങള് പ്രകാരമുള്ള ഗവേഷണത്തില് ഇമിഗ്രേഷന് പശ്ചാത്തലമുള്ളവരുടെ എണ്ണത്തില് വന് വര്ദ്ധനവാണ് പ്രവചിക്കുന്നത്. നിലവില് 20 ശതമാനത്തില് താഴെയുള്ള ഈ സ്ഥിതി 2100 ആകുന്നതോടെ 60.6 ശതമാനത്തിലേക്കാണ് വര്ദ്ധിക്കുക.
