ടെഹ്റാന്: ഗള്ഫ് രാജ്യങ്ങള്ക്കെതിരായ ആക്രമണം അവസാനിപ്പിക്കാന് തീരുമാനിച്ച് ഇറാന്. ഇറാന്റെ ഇടക്കാല നേതൃ കൗണ്സിലിലാണ് തീരുമാനം. ഇതുവരെ നടത്തിയ ആക്രമണങ്ങള്ക്ക് അയല്രാജ്യങ്ങളോട് മാപ്പ് ചോദിക്കുന്നതായും ഇറാന് വ്യക്തമാക്കി.
ഇറാന് പ്രസിഡന്റ് മസൂദ് പെസഷ്കിയാന് ആണ് ഗള്ഫ് രാജ്യങ്ങളോട് മാപ്പ് ചോദിക്കുകയും ആക്രമണം അവസാനിപ്പിക്കുകയാണ് എന്ന് പ്രഖ്യാപിക്കുകയും ചെയ്തത്. തങ്ങള്ക്ക് ഒരു രാജ്യത്തേക്കും കടന്നുകയറാന് പദ്ധതിയില്ലായിരുന്നു എന്നും ഗള്ഫ് മേഖലയില് സംഘര്ഷം മൂര്ച്ഛിക്കാതിരിക്കാനാണ് ഇത്തരത്തില് തീരുമാനം എടുക്കുന്നതെന്നും പെസഷ്കിയാന് പറഞ്ഞു. ഇനിമുതല് തങ്ങളെ ആക്രമിക്കുന്ന രാജ്യങ്ങളെ മാത്രമേ തിരിച്ച് അക്രമിക്കുകയുള്ളൂ എന്നും പെസഷ്കിയാന് വ്യക്തമാക്കി. അതേസമയം, ഇസ്രയേലിനും യുഎസിനുമെതിരെയുള്ള ആക്രമണം ഉടന് നിര്ത്തില്ല എന്നും പെസഷ്കിയാന് സൂചന നല്കി.
അതേസമയം, പശ്ചിമേഷ്യയില് സംഘര്ഷം മുറുകുന്നതിനിടെ ഇറാന് സമ്പൂര്ണമായി കീഴടങ്ങണമെന്ന് ആവശ്യപ്പെട്ട് യുഎസ് പ്രസിഡന്റ് ഡോണള്ഡ് ട്രംപ് രംഗത്തെത്തി. ഇറാനില് പുതിയ നേതൃത്വം വന്നാല് ആ രാജ്യത്തെ മാറ്റിയെടുക്കാനുള്ള നടപടികള് ആരംഭിക്കുമെന്നും ട്രംപ് പറഞ്ഞു. ഇറാനില് പുതിയ നേതൃത്വം വന്നാല് സാമ്പത്തികമായി ഇറാന് വലിയ മുന്നേറ്റം കൈവരിക്കാനാകും. ഇറാന് മികച്ച ഭാവിയുണ്ടാകുമെന്നും ഇറാന് കൂടുതല് ശക്തമാകുമെന്നും ട്രംപ് വ്യക്തമാക്കി.
