കാരണഭൂതനു ശേഷം സ്തുതി ഗീതം; പിണറായിയെ വേദിയിലിരുത്തി വാഴ്ത്തുപാട്ട്
വ്യക്തി പൂജക്കെതിരെയുള്ള സിപിഎം ഇന്ന് പിണറായി വിജയന് എന്ന വിഗ്രഹത്തിനു ചുറ്റും കറങ്ങുകയാണ്. എങ്ങനെയൊക്കെ പുകഴ്ത്തിയാലാണ് കാരണഭൂതന്റെ പരാതി കിട്ടുക എന്ന് വിചാരിച്ചു അണികള് വാഴ്ത്തുപാട്ടുകളാണ്. കാരണഭൂതന് മെഗാതിരുവാതിരയ്ക്കു ശേഷം പിണറായി സ്തുതി ഗീതം കളം നിറയുകയാണ്.
തിരുവനന്തപുരത്ത് സിപിഎം അനുഭാവികളായ കേരള സെക്രട്ടേറിയറ്റ് എംപ്ലോയീസ് അസോസിയേഷന് (കെ.എസ്.ഇ.എ) സംഘടിപ്പിച്ച ചടങ്ങില് വാഴ്ത്തുപാട്ട് പാടി. മുഖ്യമന്ത്രിയുടെ സാന്നിധ്യത്തിലായിരുന്നു പാട്ട് പാടിയത്. മുഖ്യമന്ത്രി വേദിയിലേക്ക് എത്തുന്നതിന് മുന്പ് പാട്ട് തീര്ക്കുമെന്നായിരുന്നു തീരുമാനം. എന്നാല് പാട്ടിനിടയില് മുഖ്യമന്ത്രി വേദിയിലേക്ക് കടന്ന് വരികയായിരുന്നു.
അതേസമയം നേരത്തെ മുഖ്യമന്ത്രി പിണറായി വിജയനെ പ്രകീര്ത്തിച്ചെഴുതിയ വാഴ്ത്തുപാട്ട് ഒഴിവാക്കാന് ആലോചനയുണ്ടായിരുന്നു. മുഖ്യമന്ത്രിയുടെ സാന്നിധ്യത്തില് പാടുന്നത്
More »
സെയ്ഫിനെ കുത്തിയ അക്രമിയുടെ ചിത്രം പുറത്തുവിട്ട് പോലീസ്, മുഖം പതിഞ്ഞത് ഗോവണിയിലെ കാമറയില്
മുംബൈ : ബോളിവുഡ് നടന് സെയ്ഫ് അലിഖാന്റെ വീട്ടില് കടന്നുകയറി താരത്തെ കുത്തിപ്പരിക്കേല്പ്പിച്ച പ്രതിയുടെ ചിത്രം പുറത്തുവിട്ട് മുംബൈ പോലീസ്. ഫയര് എസ്കേപ്പ് ഗോവണിയിലെ സി.സിടിവിയില് പതിഞ്ഞ ചിത്രമാണ് പോലീസ് പുറത്തുവിട്ടിരിക്കുന്നത്. ഇയാളെ ഇതുവരെ പിടികൂടിയിട്ടില്ല. തിരച്ചിലിനായി പത്തംഗ സംഘത്തെ നിയോഗിച്ചിട്ടുണ്ട്.
ബാന്ദ്രയിലുള്ള സെയ്ഫ് അലിഖാന്റെ വീട്ടിലെ ഫയര് എസ്കേപ്പ് ഗോവണിയിലൂടെയാണ് പ്രതി നടന്റെ മുറിയില് കയറിപ്പറ്റിയതെന്നാണ് പോലീസിന്റെ അനുമാനം. സംഭവത്തില് സെയ്ഫ് അലി ഖാന്റെ ജോലിക്കാരെ ചോദ്യം ചെയ്തുവരികയാണ്.
വ്യാഴം പുലര്ച്ചെ രണ്ടരയോടെയാണ് സംഭവം. കുട്ടികളുടെ മുറിയില് കള്ളന് കയറിയെന്ന് സഹായികളില് ഒരാള് അറിയിച്ചതിനെ തുടര്ന്നാണ് സെയ്ഫ് മുറിയിലെത്തിയത്. തുടര്ന്ന് നടന്ന ഏറ്റുമുട്ടലിലാണ് പ്രതി സെയ്ഫ് അലി ഖാനെ കുത്തിപ്പരിക്കേല്പ്പിച്ചത്. ശരീരത്തില് ആറ് തവണയാണ് കുത്തേറ്റത്.
More »
സര്ക്കാര് ചില്ഡ്രന്സ് ഹോമില് 17കാരനെ 15കാരന് ചുറ്റിക ഉപയോഗിച്ച് തലയ്ക്കടിച്ചു കൊന്നു
തൃശൂര് സര്ക്കാര് ചില്ഡ്രന്സ് ഹോമില് ഉറങ്ങിക്കിടന്ന 17കാരനെ 15കാരന് ചുറ്റിക ഉപയോഗിച്ച് തലയ്ക്കടിച്ചു കൊലപ്പെടുത്തി.ഇരിങ്ങാലക്കുട സ്വദേശി അങ്കിത് ആണ് കൊല്ലപ്പെട്ടത്.
ഉറങ്ങിക്കിടക്കുന്ന കുട്ടിയെ അന്തേവാസിയായ 15കാരന് ചുറ്റിക ഉപയോഗിച്ച് തലയ്ക്കടിച്ചു കൊലപ്പെടുത്തുകയായിരുന്നു. രാവിലെ ആറരയോട് കൂടിയാണ് ദാരുണമായ കൊലപാതകമുണ്ടായത്. കുട്ടികള് തമ്മില് തര്ക്കങ്ങള് ഉണ്ടായിരുന്നതായി വിവരം. ഇതാണ് കൊലപാതകത്തിലേക്ക് എത്തിയതെന്നാണ് പ്രാഥമിക നിഗമനം. 25 ഓളം അനാഥരായ കുട്ടികളെയാണ് ഇവിടെ പാര്പ്പിച്ചിരിക്കുന്നത്. വിയ്യൂര് പൊലീസ് സ്ഥലത്തെത്തി. മൃതദേഹം ആശുപത്രിയിലേക്ക് മാറ്റി.
More »
ദ്വയാര്ത്ഥ പ്രയോഗം; റിപ്പോര്ട്ടര് ചാനലിനെതിരെ പോക്സോ കേസ്, അരുണ് കുമാര് ഒന്നാം പ്രതി
റിപ്പോര്ട്ടര് വാര്ത്താ ചാനലിനെതിരെ പോക്സോ കേസ്. കലോത്സവ റിപ്പോര്ട്ടിങ്ങിലെ ദ്വയാര്ത്ഥ പ്രയോഗത്തിലാണ് നടപടി. റിപ്പോര്ട്ടര് ചാനല് കണ്സള്ട്ടിങ്ങ് എഡിറ്റര് അരുണ് കുമാറാണ് ഒന്നാം പ്രതി. റിപ്പോര്ട്ടര് ഷഹബസാണ് രണ്ടാം പ്രതി. കണ്ടാലറിയാവുന്ന ഒരാളെ മൂന്നാം പ്രതിയായും ചേര്ത്തിട്ടുണ്ട്.
കലോത്സവത്തിനിടെ പെണ്കുട്ടിയോട് ദ്വയാര്ഥ പ്രയോഗം നടത്തിയെന്ന കേസിലാണ് റിപ്പോര്ട്ടര് ചാനലിനെതിരെ പോക്സോ കേസെടുത്തത്. തിരുവനന്തപുരം ജില്ല ശിശു ക്ഷേമ സമിതി ഡിജിപിക്ക് നല്കിയ പരാതിയുടെ അടിസ്ഥാനത്തിലാണ് കേസ്. നേരത്തെ ബാലാവകാശ കമീഷനും കേസെടുത്തിരുന്നു. കേസില് മൂന്ന് പ്രതികളാണ് ഉള്ളത്.
കലോത്സവത്തില് പങ്കെടുത്ത ഒപ്പന ടീമില് മണവാട്ടിയായി വേഷമിട്ട പെണ്കുട്ടിയോട് റിപ്പോര്ട്ടര് ചാനലിലെ റിപ്പോര്ട്ടര് ഷഹബാസ് നടത്തുന്ന സംഭാഷണത്തിന്മേലാണ് ദ്വയാര്ത്ഥ പ്രയോഗം. ഇതു സംബന്ധിച്ച് ചാനല്
More »
വാളോങ്ങി ഹൈക്കോടതി; ഗോപന്റെ 'സമാധി കല്ലറ' തുറന്ന് പരിശോധിക്കാന് പൊലീസിന് അധികാരമുണ്ടെന്ന്
തിരുവനന്തപുരം നെയ്യാറ്റിന്കരയില് ഗോപനെ സമാധിയിരുത്തിയെന്ന മക്കളുടെ വാദത്തിനെതിരെ ഹൈക്കോടതി. ഗോപന്റെ 'സമാധി കല്ലറ' തുറക്കുന്നത് പൊലീസ് അന്വേഷണത്തിന്റെ ഭാഗമാണെന്നും ഗോപന്റെ മരണം എങ്ങനെ ആണെന്ന് അറിയേണ്ടതുണ്ടെന്നും ഹൈക്കോടതി വ്യക്തമാക്കി. ഗോപന്റെ കല്ലറ പൊളിക്കുന്നതിനെതിരെ മക്കളും ഭാര്യയും സമര്പ്പിച്ച ഹര്ജിയിലാണ് ഹൈക്കോടതി നിലപാട് വ്യക്തമാക്കിയത്.
ഗോപന്റെ കല്ലറ തുറക്കണമെന്ന ആര്ഡിഒയുടെ ഉത്തരവ് സ്റ്റേ ചെയ്യണമെന്ന് ആവശ്യപ്പെട്ടാണ് നെയ്യാറ്റിന്കര ആറാലുംമൂട് കാവുവിളാകം സിദ്ധന് ഭവനില് ഗോപന്റെ ഭാര്യയും രണ്ട് ആണ്മക്കളും ഹര്ജി സമര്പ്പിച്ചത്. ജസ്റ്റിസ് സിഎസ് ഡയസിന്റെതാണ് വിധി. ഹര്ജി പരിഗണിച്ച കോടതി ഗോപന്റെ മരണ സര്ട്ടിഫിക്കറ്റ് എവിടെയെന്ന് കുടുംബത്തോട് ചോദിച്ചു.
ഗോപന്റെ മരണം എങ്ങനെയെന്ന് കുടുംബത്തോട് ചോദിച്ച കോടതി മരണ സര്ട്ടിഫിക്കറ്റ് ഇല്ലെങ്കില് അസ്വാഭാവിക മരണമായി
More »
നിറത്തിന്റെ പേരില് ഭര്ത്താവ് പരിഹസിച്ചു, ഭര്തൃവീട്ടില് 19 കാരിയായ നവവധു ജീവനൊടുക്കി
മലപ്പുറത്ത് നവവധുവിനെ ജീവനൊടുക്കിയ നിലയില് കണ്ടെത്തി. കൊണ്ടോട്ടി സ്വദേശിനി ശഹാന മുംതാസിനെയാണ് (19) ആത്മഹത്യ ചെയ്ത നിലയില് കണ്ടെത്തിയത്. രാവിലെ പത്ത് മണിയോടെയാണ് ശഹാനയെ വീട്ടില് തൂങ്ങിമരിച്ച നിലയില് കണ്ടെത്തിയത്. എന്നാല് ശഹാനയുടെ ആത്മഹത്യ മാനസിക പീഡനം മൂലമെന്ന ആരോപണവുമായി കുടുംബം രംഗത്തെത്തിയിട്ടുണ്ട്.
നിറത്തിന്റെ പേരില് ഭര്ത്താവ് നിരന്തരം മാനസികമായി ഉപദ്രവിച്ചുവെന്നാണ് കുടുംബത്തിന്റെ ആരോപണം. ഇതേ കാരണത്താല് വിവാഹ ബന്ധം വേര്പ്പെടുത്താന് ഇയാള് പെണ്കുട്ടിയെ നിര്ബന്ധിച്ചുവെന്നാണ് കുടുംബത്തിന്റെ ആരോപണം.
ഇംഗ്ലീഷ് ഭാഷയില് സംസാരിക്കാന് കഴിയില്ലെന്ന് പറഞ്ഞും കുറ്റപ്പെടുത്തിയതായും കുടുംബം അറിയിച്ചു. ഭര്ത്താവ് മൊറയൂര് സ്വദേശി അബ്ദുല് വാഹിദിനും മാതാപിതാക്കള്ക്കും എതിരെയാണ് പെണ്കുട്ടിയുടെ കുടുംബം ആരോപണം ഉയര്ത്തിയിരിക്കുന്നത്. 2024 മെയ് 27 ന് ആയിരുന്നു ശഹാനയുടെ വിവാഹം.
More »
കൊല്ലത്ത് യുവതിയെ മരിച്ച നിലയില് കണ്ടെത്തിയ സംഭവം കൊലപാതകം; ഭര്ത്താവ് അറസ്റ്റില്
കൊല്ലം മൈനാഗപ്പള്ളിയില് യുവതിയെ മരിച്ചനിലയില് കണ്ടെത്തിയ സംഭവം കൊലപാതകമെന്ന് കണ്ടെത്തല്. മൈനാഗപ്പള്ളി സ്വദേശിനി ശ്യാമ (26)യെ കുടുംബ പ്രശ്നത്തെ തുടര്ന്ന് ഭര്ത്താവ് കൊലപ്പെടുത്തുകയായിരുന്നു. യുവതിയുടെ മരണത്തില് നാട്ടുകാര് സംശയം ഉയര്ത്തിയിരുന്നു. ഇതേതുടര്ന്ന് ഭര്ത്താവ് രാജീവിനെ ശാസ്താംകോട്ട പൊലീസ് കസ്റ്റഡിയിലെടുത്ത് ചോദ്യം ചെയ്തതോടെയാണ് സംഭവം കൊലപാതകമാണെന്ന് തെളിഞ്ഞത്.
ഭാര്യയെ ആശുപത്രിയിലെത്തിക്കാന് വാഹനം വിളിച്ചു തരണമെന്ന് ആവശ്യപ്പെട്ട് രാജീവ് നാട്ടുകാരെ സമീപിച്ചതോടെയാണ് വിവരം പുറത്തറിയുന്നത്. ആശുപത്രിയില് എത്തിക്കുമ്പോഴേയ്ക്കും ശ്യാമയുടെ മരണം സംഭവിച്ചിരുന്നു. തന്റെ ഭാര്യ നിലത്തു വീണു എന്നും ആശുപത്രിയില് എത്തിക്കാന് ഒരു വാഹനം വിളിച്ചു നല്കണമെന്നും ആവശ്യപ്പെട്ടാണ് രാജീവ് നാട്ടുകാരെ സമീപിച്ചത്.
സമീപത്തെ ക്ഷേത്രോത്സവം നടക്കുന്ന ഇടത്തേക്ക് ഓടിയെത്തിയ രാജീവിനെയുംകൂട്ടി
More »
സൂര്യനെല്ലിയെയും മറികടന്നു പത്തനംതിട്ട പീഡനക്കേസ്; പ്രതികള് 58
പത്തനംതിട്ടയില് കായിക താരമായ ദളിത് വിദ്യാര്ത്ഥിനി പീഡനത്തിന് ഇരയായ സംഭവം സമാനതകളില്ലാത്തതെന്ന് പൊലീസ്. പെണ്കുട്ടിയെ 13 വയസ് മുതല് പീഡിപ്പിച്ച സംഭവത്തില് ആകെ 58 പ്രതികളെന്ന് ജില്ലാ പൊലീസ് മേധാവി വിജി വിനോദ് കുമാര് അറിയിച്ചു. സൂര്യനെല്ലി പീഡന കേസ് ആയിരുന്നു സംസ്ഥാനത്ത് ഏറ്റവും കൂടുതല് പേര് പ്രതികളുണ്ടായിരുന്ന പീഡനകേസ്.
42 പേരായിരുന്നു സൂര്യനെല്ലി പീഡന കേസില് പ്രതികളായിരുന്നത്. പത്തനംതിട്ട, ഇലവുംതിട്ട, മലയാലപ്പുഴ, പന്തളം എന്നീ പൊലീസ് സ്റ്റേഷനുകളിലായി 29 കേസുകളാണ് ഇതുവരെ രജിസ്റ്റര് ചെയ്തത്. പീഡനക്കേസില് ഇതുവരെ 43 പ്രതികളാണ് ആകെ അറസ്റ്റിലായത്. കേസിലെ പ്രതികളിലൊരാള് വിദേശത്താണ്.
ഇയാളെ നാട്ടിലെത്തിക്കാനുള്ള നടപടികള് സ്വീകരിച്ച് വരികയാണ്. ഇയാള്ക്കെതിരെ ലുക്കൗട്ട് നോട്ടീസ് പുറപ്പെടുവിക്കാനാണ് പൊലീസിന്റെ തീരുമാനം. പെണ്കുട്ടി അഞ്ചുതവണ കൂട്ടബലാത്സംഗത്തിന് ഇരയായതായും പൊലീസ് കണ്ടെത്തി. ശനിയാഴ്ച
More »
പത്തനംതിട്ട പീഡനം; കാറിനുള്ളിലും ജനറല് ആശുപത്രിയിലും പെണ്കുട്ടിയെ കൂട്ടബലാത്സംഗത്തിന് ഇരയാക്കി
അഞ്ചു വര്ഷത്തിനിടെ അറുപതോളം പേര് പീഡിപ്പിച്ചെന്ന പത്തനംതിട്ടയിലെ ദളിത് പെണ്കുട്ടിയുടെ വെളിപ്പെടുത്തലിലെ കൂടുതല് വിവരങ്ങള് പുറത്ത്. പത്തനംതിട്ട ജനറല് ആശുപത്രിയില് വെച്ചും കൂട്ടബലാത്സംഗത്തിന് ഇരയാക്കിയെന്ന് പെണ്കുട്ടി പറയുന്നു. കഴിഞ്ഞ വര്ഷം ജനുവരിയില് നടന്ന സംഭവത്തില് നാലു പ്രതികളാണുള്ളത്.
ഇതുവരെ 28 പേരുടെ അറസ്റ്റ് രേഖപ്പെടുത്തിയിട്ടുണ്ട്. ഇതില് നാല് പേര് പ്രായപൂര്ത്തിയാകാത്തവരാണ്. പത്തനംതിട്ടയ്ക്കും ഇലവുംതിട്ടയ്ക്കും പുറമേ മറ്റ് സ്റ്റേഷനുകളിലും കേസ് രജിസ്റ്റര് ചെയ്തിട്ടുണ്ട്. പന്തളം സ്റ്റേഷനില് ഒരു കേസ് രജിസ്റ്റര് ചെയ്തു. മലയാലപ്പുഴ സ്റ്റേഷനിലും ഒരു കേസ് രജിസ്റ്റര് ചെയ്തിട്ടുണ്ട്. എഫ്ഐആറുകളുടെ എണ്ണം 29 ആയി.
പ്രതികളില് ചിലര് വിദേശത്താണെന്ന് പൊലീസ് കണ്ടെത്തി. വിദേശത്തുള്ള പ്രതികളെ നാട്ടിലെത്തിക്കാന് പൊലീസ് ശ്രമം തുടങ്ങി. കുട്ടിയുടെ വെളിപ്പെടുത്തലുകളില് അന്വേഷണത്തിന്
More »
