റഷ്യയുമായി കച്ചോടം വേണ്ട; ഇന്ത്യക്ക് നാറ്റോയുടെ തിട്ടൂരം
റഷ്യയുമായി വ്യാപാരം തുടര്‍ന്നാല്‍ കടുത്ത ഉപരോധം നേരിടേണ്ടി വരുമെന്ന് ഇന്ത്യക്കും ചൈനയ്ക്കും ബ്രസീലിനും നാറ്റോയുടെ മുന്നറിയിപ്പ്. റഷ്യന്‍ പ്രസിഡന്റ് വ്ളാഡിമിര്‍ പുടിനോട് റഷ്യ-യുക്രൈന്‍ സമാധാന ചര്‍ച്ചകളെക്കുറിച്ച് ഗൗരവമായി ചിന്തിക്കാന്‍ പറയണമെന്നും നോര്‍ത്ത് അറ്റ്‌ലാന്റിക് ട്രീറ്റി ഓര്‍ഗനൈസേഷന്‍ മേധാവി മാര്‍ക്ക് റൂട്ടെ ഈ മൂന്ന് രാജ്യങ്ങളോടും ആവശ്യപ്പെട്ടിട്ടുണ്ട്. യുഎസ് സെനറ്റര്‍മാരുമായി നടത്തിയ കൂടിക്കാഴ്ചയ്ക്ക് ശേഷമാണ്
നാറ്റോ സെക്രട്ടറി ജനറല്‍ മാര്‍ക്ക് റുട്ടെ ഇന്ത്യ അടക്കം രാജ്യങ്ങള്‍ക്ക് റഷ്യന്‍ ബന്ധത്തില്‍ മുന്നറിയിപ്പ് നല്‍കിയത്. ഇന്ത്യയ്ക്ക് വലിയ വിലക്കുറവില്‍ റഷ്യ എണ്ണ നല്‍കി വരുന്നുണ്ട്. കൂടാതെ ഇന്ത്യ- റഷ്യ പ്രതിരോധ സഹകരണവും ശക്തമാണ്.
യുക്രെയ്നിനെതിരായ യുദ്ധത്തിനിടയില്‍ റഷ്യയുമായി വ്യാപാരം തുടര്‍ന്നാല്‍ ഇന്ത്യ, ചൈന, ബ്രസീല്‍ തുടങ്ങിയ രാജ്യങ്ങളെ ദ്വിതീയ ഉപരോധങ്ങള്‍
More »
ശശി തരൂര്‍ ബിജെപിയുടെ മുഖ്യമന്ത്രി സ്‌ഥാനാര്‍ഥി?
ഒന്‍പതു മാസത്തിനപ്പുറം നടക്കാനുള്ള നിയമസഭാ തെരഞ്ഞെടുപ്പില്‍ കോണ്‍ഗ്രസിനെതിരെ പൂഴിക്കടകന്‍ പ്രയോഗിക്കാന്‍ ബിജെപി നേതൃത്വം. അധികാരം പിടിക്കാമെന്ന യുഡിഎഫിന്റെ മോഹങ്ങള്‍ക്ക് വെല്ലുവിളിയായി ശശി തരൂര്‍ എംപി മാറുകയാണ്. തുടരെയുള്ള മോദി സ്തുതിയും നെഹ്‌റു കുടുംബത്തിനെതിരായ പ്രസ്താവനകളും മൂലം ശശി തരൂര്‍ പുറത്തേയ്ക്കുള്ള വഴിയിലാണ്. അതുകൊണ്ടുതന്നെ തരൂരിനെ മുന്നില്‍ നിര്‍ത്തി ബിജെപി നിയമസഭാ തെരഞ്ഞെടുപ്പിനെ നേരിട്ടാലും അത്ഭുതമില്ലെന്നാണ് അണിയറ സംസാരം. നിയമസഭാ തെരഞ്ഞെടുപ്പ് പാളിയാലും തിരുവന്തപുരത്തു ഉപതിരഞ്ഞെടുപ്പ് നടത്തി തരൂരിനെ കേന്ദ്ര മന്ത്രിസഭയിലെത്തിക്കാനും ആലോചനയുണ്ട്.
കഴിഞ്ഞ നിയമസഭാ തിരഞ്ഞെടുപ്പില്‍ ഇ ശ്രീധരനെ മുന്നില്‍ നിര്‍ത്തിയായിരുന്നു ബിജെപിയുടെ നീക്കം. ഇത്തവണ കോണ്‍ഗ്രസിലെ ഒരു വിഭാഗത്തെയും ക്രൈസ്തവ വോട്ടുകളെയും ലക്ഷ്യമിട്ടാണ് നീക്കം. അതിനനുസരിച്ചു കേരള ബിജെപിയില്‍ സംഘടനാ പുനഃസംഘടന വന്നു
More »
'ആരോഗ്യ കേരളം' വിവാദ കൊടുങ്കാറ്റില്‍; പിണറായി ആരോഗ്യരക്ഷതേടി യുഎസിലും
ശസ്ത്രക്രിയ ഉപകരണങ്ങളുടെ കുറവ്, കെടുകാര്യസ്ഥത, മരുന്നുകളുടെ ക്ഷാമം, പഴകിയ കെടിടങ്ങള്‍ പൊളിക്കാതെ നിര്‍ത്തി തകര്‍ന്നു വീഴുന്ന അവസ്ഥ.... ബിന്ദു എന്ന സ്ത്രീയുടെ രാക്ഷസാക്ഷിത്വം... ആരോഗ്യമന്ത്രിയുടെ രാജിയ്ക്കായി നാടെങ്ങും പ്രക്ഷോഭം... സര്‍ക്കാരിനെതിരെ വിമര്‍ശന ശരങ്ങള്‍... അതിനിടെ സ്വന്തം ആരോഗ്യരക്ഷതേടി മുഖ്യമന്ത്രി പിണറായി വിജയന്‍ രായ്ക്കുരാമാനം അമേരിക്കയ്ക്ക് പറക്കുന്നു. കേരളത്തിലെ നമ്പര്‍ വണ്‍ ആരോഗ്യ രംഗം വിട്ടിട്ടാണ് അദ്ദേഹത്തിന്റെ തന്നെ വിശേഷണം നേടിയ 'തെമ്മാടി രാഷ്ട്രത്തിലേക്ക് പറക്കുന്നത്. പണക്കാര്‍ കേരളത്തിലെ സര്‍ക്കാര്‍ ആശുപത്രിയില്‍ എത്താത്തത് പിശുക്കര്‍ എന്ന വിളി ഓര്‍ത്തു മാത്രമാണ് എന്നാണ് പിണറായി അടുത്തിടെ പറഞ്ഞത്. അത്രയ്ക്ക് മികച്ച ചികിത്സയും സൗകര്യവും ആണ് കേരളത്തില്‍.
ഏതായാലും ആരോഗ്യ വകുപ്പിനെ ചുറ്റിപ്പറ്റി വിവാദങ്ങള്‍ മുറുകവേയാണ് ചികിത്സയ്ക്കായി മുഖ്യമന്ത്രി പിണറായി വിജയന്‍
More »
തിരുവനന്തപുരത്തുള്ള എഫ്-35ബി വിമാനം പൊളിച്ച് എയര്‍ ലിഫ്റ്റ് ചെയ്യാന്‍ നീക്കം
തിരുവനന്തപുരം അന്താരാഷ്ട്ര വിമാനത്താവളത്തില്‍ മൂന്നാഴ്ചയായി 'പോസ്റ്റായി'ക്കിടക്കുന്ന ബ്രിട്ടീഷ് നാവികസേനയുടെ എഫ്-35ബി വിമാനത്തിന്റെ തകരാര്‍ പരിഹരിക്കാന്‍ കഴിയാത്ത സാഹചര്യത്തില്‍ വിമാനം പൊളിച്ച് എയര്‍ ലിഫ്റ്റ് ചെയ്യാന്‍ നീക്കം. ജെറ്റ് മാറ്റുന്നതിനായി ബ്രിട്ടീഷ് നാവികസേന ഒരു വലിയ വിമാനം കൊണ്ടുവരുമെന്നും വിമാനം ഇതുവരെ സൂക്ഷിച്ചതിനുള്ള പാര്‍ക്കിംഗ്, ഹാംഗര്‍ ചാര്‍ജുകള്‍ ഉള്‍പ്പെടെ ഇന്ത്യയ്ക്കുള്ള എല്ലാ ഫീസുകളും അവര്‍ നല്‍കുമെന്നും ഉന്നത വൃത്തങ്ങള്‍ അറിയിച്ചു. എയര്‍ലിഫ്റ്റ് ചെയ്ത് കൊണ്ടുപോകുന്നതിനായി സി.17 ഗ്ലോബ്മാസ്റ്റര്‍ എന്ന കൂറ്റന്‍ വിമാനം എത്തിക്കുമെന്നാണ് സൂചന.
ഏതൊക്കെ ഭാഗങ്ങളാണ് പൊളിച്ചുമാറ്റുന്നതെന്ന് വ്യക്തമായിട്ടില്ല. ചിറകുകള്‍ അഴിച്ചുമാറ്റാന്‍ തീരുമാനമായിട്ടുണ്ട്. ഇതിനായി യുകെയില്‍ നിന്നുള്ള ബ്രിട്ടീഷ്- അമോരിക്കന്‍ വിദഗ്ധ സംഘം തിരുവനന്തപുരത്തേക്കെത്തുന്നുണ്ട്. വിമാനത്താവളത്തിലെ
More »
'ഒരിക്കലും വിട്ടുപോകാന്‍ ആഗ്രഹിക്കാത്ത മനോഹര സ്ഥലം'; ബ്രിട്ടീഷ് യുദ്ധവിമാനം വെച്ച് പരസ്യവുമായി കേരള ടൂറിസം
തിരുവനന്തപുരം : സാങ്കേതിക തകരാറിനെത്തുടര്‍ന്ന് രണ്ടാഴ്ചയിലേറെയായി തിരുവനന്തപുരം വിമാനത്താവളത്തില്‍ കിടക്കുകയാണ് ബ്രിട്ടീഷ് നാവികസേനയുടെ അത്യാധുനിക എഫ്-35 യുദ്ധവിമാനം. ബ്രിട്ടീഷ് പാര്‍ലമെന്റിലടക്കം ചര്‍ച്ചയായ വിഷയം കേരള ടൂറിസം പ്രമോഷനായി ഫലപ്രദമായി ഉപയോഗിച്ചിരിക്കുകയാണ്. സാമൂഹിക മാധ്യമങ്ങളിലൂടെയാണ് കേരള ടൂറിസം ഇത്തരത്തിലൊരു പോസ്റ്റര്‍ പങ്കുവെച്ചിട്ടുള്ളത്.
കേരളത്തിന്റെ മനോഹാരിത ചൂണ്ടിക്കാട്ടി, ഒരിക്കലും വിട്ടുപോകാന്‍ ആഗ്രഹിക്കാത്ത സ്ഥലമാണിതെന്നാണ് എഫ്-35 വിമാനം നിര്‍ത്തിയിട്ടിരിക്കുന്നതിന്റെ ചിത്രംവെച്ചുള്ള പരസ്യ പോസ്റ്റര്‍.
കേരളം അത്രയ്ക്ക് മനോഹരമായ സ്ഥലമാണ്, എനിക്ക് വിട്ടു പോകാന്‍ താല്‍പ്പര്യമില്ല' എന്നു കുറിച്ചുകൊണ്ട് എഫ്-35 വിമാനം ഫൈവ് സ്റ്റാര്‍ നല്‍കി ശുപാര്‍ശ ചെയ്യുന്നതാണ് പരസ്യം. സോഷ്യല്‍ മീഡിയയില്‍ വൈറലായിരിക്കുകയാണ് പരസ്യം.
യുദ്ധവിമാനം നന്നാക്കാന്‍ പഠിച്ച പണി പതിനെട്ടും
More »
ഇംഗ്ലണ്ടില്‍ പുതുതായി 200 നഴ്സറികള്‍; പങ്കാളികള്‍ക്ക് ഒരേസമയം ജോലിക്ക് പോകാം
കൊച്ചു കുട്ടികളുള്ള പങ്കാളികള്‍ക്ക് ഒരേസമയം ജോലിക്ക് പോകാവുന്ന വിധം ഇംഗ്ലണ്ടില്‍ പുതുതായി 200 നഴ്സറികള്‍ വരുന്നു. ജോലിക്കാരായ മാതാപിതാക്കള്‍ക്ക് കുട്ടികളുടെ സംരക്ഷണം മെച്ചപ്പെടുത്തുന്നതിനുള്ള സര്‍ക്കാര്‍ പദ്ധതിയുടെ ഭാഗമായാണ് ഈ നടപടി. സ്കൂള്‍ പ്രായത്തിന് താഴെയുള്ള 4,000 കുട്ടികളെ ഉള്‍ക്കൊള്ളാന്‍ ഈ നഴ്സറികള്‍ സഹായിക്കുമെന്നാണ് പുറത്തുവരുന്ന റിപ്പോര്‍ട്ടുകള്‍ . ഈ സെപ്റ്റംബറില്‍ ഇംഗ്ലണ്ടില്‍ ഏകദേശം 200 സ്കൂള്‍ അധിഷ്ഠിത നഴ്സറികള്‍ ആണ് പുതുതായി തുറക്കുക.
ഈ പദ്ധതിയുടെ അടുത്തഘട്ടം ശരത്കാലത്ത് ആരംഭിക്കും എന്നാണ് അറിയാന്‍ സാധിച്ചത്. അടുത്ത ഘട്ടത്തില്‍ നഴ്സറി സ്കൂളുകളുടെ എണ്ണം 300 ആയി ഉയര്‍ത്തും. കൂടാതെ സൗജന്യമായി ഭക്ഷണം ഉള്‍പ്പെടെ മാതാപിതാക്കളെ സഹായിക്കുന്നതിന് ലക്ഷ്യമിട്ടു കൊണ്ടുള്ള ഒട്ടേറെ പദ്ധതികളും സര്‍ക്കാര്‍ നടപ്പിലാക്കും. പദ്ധതി നടപ്പിലാക്കുന്നതിലൂടെ കൂടുതല്‍ മാതാപിതാക്കള്‍ക്ക് ജോലിക്ക് പോകാന്‍
More »
നാല് പതിറ്റാണ്ടിന് ശേഷം ഒരു ഇന്ത്യക്കാരന്‍ ബഹിരാകാശത്തേക്ക്
ഇന്ത്യന്‍ വ്യോമസേനയുടെ ഗ്രൂപ്പ് ക്യാപ്റ്റന്‍ ശുഭാംശു ശുക്ലയുടെ ബഹിരാകാശ യാത്ര ഇന്ന് നടക്കും. അന്താരാഷ്ട്ര ബഹിരാകാശ നിലയത്തിലേക്കുള്ള ആക്‌സിയം 4 ദൗത്യത്തിന്റെ വിക്ഷേപണം ഇന്ത്യന്‍ സമയം ഇന്ന് ഉച്ചയ്ക്ക് 12.01 ന് നടക്കുമെന്ന് നാസ അറിയിച്ചു. നാല്‍പ്പത്തിയൊന്ന് വര്‍ഷങ്ങള്‍ക്ക് ശേഷമാണ് ഒരു ഇന്ത്യക്കാരന്‍ ബഹിരാകാശത്തേക്ക് പോകുന്നത്.
ശുഭാംശു ശുക്ലയ്ക്ക് പുറമേ മുതിര്‍ന്ന അമേരിക്കന്‍ ആസ്ട്രനോട്ട് പെഗ്ഗി വിറ്റ്‌സണ്‍, പോളണ്ട് സ്വദേശി സ്ലാവോസ് ഉസ്‌നാന്‍സ്‌കി, ഹംഗറിയില്‍ നിന്നുള്ള ടിബോര്‍ കാപു എന്നിവരടങ്ങുന്നതാണ് ദൗത്യസംഘം. അമേരിക്കയിലെ ഫ്‌ളോറിഡയിലുള്ള കെന്നഡി സ്‌പേസ് സെന്ററില്‍ നിന്ന് സ്‌പേസ് എക്‌സിന്റെ ഫാല്‍ക്കണ്‍ 9 റോക്കറ്റില്‍ ഡ്രാഗണ്‍ പേടകത്തിലാണ് യാത്ര. ജൂണ്‍ 26ന് വൈകുന്നേരം നാലരയോടെ നാലംഗ ദൗത്യ സംഘവുമായി ഡ്രാഗണ്‍ പേടകം അന്താരാഷ്ട്ര ബഹിരാകാശ നിലയത്തിലെത്തും. പതിനാല് ദിവസത്തെ ദൗത്യമാണ് ആക്‌സിയം
More »
ഭാര്യയെയും ആറ് മക്കളെയും ഉപേക്ഷിച്ച് മകന്റെ ഭാവിവധുവുമായി പിതാവ് ഒളിച്ചോടി
ഉത്തര്‍പ്രദേശില്‍ മകന്‍ വിവാഹം കഴിക്കാനിരുന്ന പെണ്‍കുട്ടിയുമായി പിതാവ് ഒളിച്ചോടി. പ്രായപൂര്‍ത്തിയാകാത്ത പതിനഞ്ചുവയസുകാരന്‍ വിവാഹം കഴിക്കാനിരുന്ന പെണ്‍കുട്ടിയുമായാണ് ഉത്തര്‍പ്രദേശിലെ റാംപൂര്‍ സ്വദേശി ഷക്കീല്‍ ഒളിച്ചോടിയത്. തന്റെ ഭര്‍ത്താവ് മകന്‍ വിവാഹം കഴിക്കാനിരുന്ന പെണ്‍കുട്ടിയുമായി ഒളിച്ചോടിയെന്ന് ചൂണ്ടിക്കാട്ടി ഭാര്യ ഷബാന പൊലീസില്‍ പരാതി നല്‍കിയതോടെയാണ് സംഭവം പുറംലോകമറിയുന്നത്.
പെണ്‍കുട്ടിയുമായി ഒളിച്ചോടിയത് തടഞ്ഞ തന്നെയും കുടുംബാംഗങ്ങളെയും ഷക്കീല്‍ മര്‍ദ്ദിച്ചെന്നും ഭാര്യ ഷബാന ആരോപിക്കുന്നു. പ്രായപൂര്‍ത്തിയാകാത്ത മകനെ ഷക്കീല്‍ നിര്‍ബന്ധപൂര്‍വ്വം ഷക്കീലിന്റെ കാമുകിയുമായി വിവാഹം ഉറപ്പിക്കുകയായിരുന്നു. തുടര്‍ന്ന് ഷക്കീലും പെണ്‍കുട്ടിയും ദിവസം മുഴുവന്‍ വീഡിയോകോള്‍ ചെയ്യുകയും ഫോണ്‍ വഴി ബന്ധം തുടരുകയും ചെയ്തു.
ഭാര്യ ഷബാനയും മകനും ഇത് കാണുകയും തുടര്‍ന്ന് പെണ്‍കുട്ടിയുമായുള്ള
More »
യുകെ രഹസ്യാന്വേഷണ ഏജന്‍സിയുടെ തലപ്പത്ത് ആദ്യമായി വനിത
ലണ്ടന്‍ : യുകെയിലെ രഹസ്യാന്വേഷണ ഏജന്‍സിയായ എംഐ6ന്റെ തലപ്പത്തേക്ക് ആദ്യമായി വനിത. 47 വയസ്സുകാരിയായ ബ്ലെയ്സ് മെട്രെവെലിയാണ് 115 വര്‍ഷത്തെ ചരിത്രമുള്ള യുകെ രഹസ്യാന്വേഷണ ഏജന്‍സിയുടെ മേധാവിയാകുന്നത്. ഉടന്‍ ചുമതലയേല്‍ക്കും. 'സി' എന്ന രഹസ്യനാമത്തിലാണ് എംഐ6 മേധാവി അറിയപ്പെടുന്നത്. ജെയിംസ് ബോണ്ട് സിനിമകളിലെ സാങ്കല്‍പ്പിക എംഐ6 ഏജന്‍സിയുടെ തലപ്പത്ത് പ്രത്യക്ഷപ്പെടുന്ന മേധാവിക്ക് 'എം' എന്ന കോഡ് നാമമാണ് നല്‍കിയിരുന്നതെങ്കില്‍ യഥാര്‍ഥത്തില്‍ അത് 'സി' എന്നാണ്. വര്‍ഷങ്ങളായി ജെയിംസ് ബോണ്ട് സിനിമകളില്‍ 'എം' ആയി വനിതയാണ് എത്താറുള്ളതെങ്കിലും എംഐ6 തലപ്പത്തേക്ക് യഥാര്‍ഥത്തില്‍ ഒരു വനിത നിയോഗിക്കപ്പെടുന്നത് ഇപ്പോള്‍ മാത്രമാണ്.
നിലവില്‍ എംഐ6ല്‍ സാങ്കേതികവിദ്യയുടെ മേല്‍നോട്ടം വഹിക്കുന്ന ഡയറക്ടര്‍ ജനറല്‍ ആയി സേവനമനുഷ്ഠിക്കുകയാണ് ബ്ലെയ്സ്. 'ക്യു' എന്ന രഹസ്യനാമത്തിലാണ് സാങ്കേതികവിദ്യയുടെ മേല്‍നോട്ടം വഹിക്കുന്ന ഡയറക്ടര്‍ ജനറല്‍
More »
