രാഹുലിനെതിരായ തുറന്ന് പറച്ചിലിന് പിന്നാലെ സൈബര് ആക്രമണം; മുഖ്യമന്ത്രിക്ക് പരാതി നല്കി ഹണി ഭാസ്കരന്
മുന് യൂത്ത് കോണ്ഗ്രസ് അധ്യക്ഷന് രാഹുല് മാങ്കൂട്ടത്തില് എംഎല്എയ്ക്കെതിരെ തുറന്ന് പറച്ചില് നടത്തിയതിന് പിന്നാലെ സൈബര് ആക്രമണം നേരിടുന്നുവെന്ന് എഴുത്തുകാരി ഹണി ഭാസ്കരന്. സൈബര് ആക്രമണത്തിന് എതിരെ മുഖ്യമന്ത്രിക്ക് പരാതി നല്കിയെന്ന് ഹണി വ്യക്തമാക്കി. ഏറ്റവും ഭീകരമായ സൈബര് ആക്രമണം നേരിടുന്നുവെന്നും പക്ഷേ, നിങ്ങള് എഴുതുന്നത് വായിച്ച് നിങ്ങളും നിങ്ങളുടെ വേണ്ടപ്പെട്ടവരും നാണിച്ചാല് മതിയെന്നും ഹണി ഫേസ്ബുക്കില് കുറിച്ചു.
'നിങ്ങളെ ജനിപ്പിച്ചത് ഓര്ത്ത് അവര് തലയില് കൈ വെച്ചാല് മതി. എന്നെ തീര്ത്തു കളയാന് പറ്റില്ല. സ്ത്രീകള് ഏതെങ്കിലും രീതിയില് തനിക്ക് ചുറ്റും നടക്കുന്ന പല തരത്തിലുള്ള അബ്യൂസുകളെ കുറിച്ച് വെളിപ്പെടുത്തലുകള് നടത്തിയാല് ഉടന് സൈബര് അറ്റാക് നടത്തി ചാണകപ്പുഴുക്കളെ പോലെ പുളയ്ക്കുന്ന പെര്വേര്റ്റുകളുടെ ആഘോഷം കണ്ടു', ഹണി ഭാസ്കരന് പറഞ്ഞു. എനിക്ക് നിങ്ങള്ക്ക്
More »
'ലൈംഗിക ഉദ്ദേശ്യത്തോടെ സമീപിച്ചു; വിവാഹാഭ്യര്ഥന നടത്തി'; രാഹുല് മാങ്കൂട്ടത്തിലിനെതിരെ ആരോപണവുമായി യുവതി
രാഹുല് മാങ്കൂട്ടത്തിലിനെതിരെ ഗുരുതര ആരോപണവുമായി മറ്റൊരു യുവതി കൂടി രംഗത്ത്. ലൈംഗിക ഉദ്ദേശത്തോടെ പലതവണ രാഹുല് മാങ്കൂട്ടത്തില് സമീപിച്ചുവെന്ന് ഇപ്പോള് കേരളത്തിന് പുറത്തുള്ള യുവതി ആരോപിച്ചു. ആദ്യം വിവാഹാഭ്യര്ഥന നടത്തിയ രാഹുല് പിന്നീട് അതില് നിന്ന് പിന്മാറി. സമ്മര്ദം ചെലുത്തിയാല് ആത്മഹത്യ ചെയ്യുമെന്നായിരുന്നു രാഹുല് മാങ്കൂട്ടത്തിലിന്റെ മറുപടിയെന്ന് യുവതി പറഞ്ഞു. പരാതിപ്പെടുമെന്ന് അറിയിച്ചപ്പോള് I DON'T CARE.. WHO CARE'S എന്നായിരുന്നു മറുപടിയെന്നും യുവതി വെളിപ്പെടുത്തി.
2023 ലാണ് എനിക്ക് മെസേജ് അയക്കുന്നത്. ആദ്യം ഇന്സ്റ്റഗ്രാം വഴി മെസേജ് അയച്ചു. ശേഷം നമ്പര് വാങ്ങി. പിന്നാലെ ടെലഗ്രാമിലൂടെ മെസേജ് അയക്കാന് തുടങ്ങി. ടൈമര് സെറ്റ് ചെയ്തായിരുന്നു മെസേജ് അയച്ചിരുന്നത്. എല്ലാ ദിവസവും മെസേജ് ചെയ്യുമായിരുന്നു. പിന്നീട് എനിക്ക് നിന്നോട് ആദ്യം മുതലേ ഇഷ്ടമായിരുന്നു എന്ന് പറഞ്ഞു തുടങ്ങി. താല്പര്യമില്ലെന്ന് പറഞ്ഞപ്പോള്
More »
രാഹുല് മാങ്കൂട്ടത്തില് എംഎല്എ സ്ഥാനം രാജിവയ്ക്കേണ്ടതില്ലെന്ന് കോണ്ഗ്രസ്
കൊച്ചി : സ്ത്രീകളോട് അപമര്യാദയായി പെരുമാറിയെന്ന ആരോപണങ്ങളില് രാഹുല് മാങ്കൂട്ടത്തില് എംഎല്എ നിയമസഭാംഗത്വം രാജി വയ്ക്കേണ്ടതില്ലെന്ന് കോണ്ഗ്രസ് നിലപാട്. പരാതികള് ഉയര്ന്നതിന് പിന്നാലെ യൂത്ത് കോണ്ഗ്രസ് സംസ്ഥാന അധ്യക്ഷസ്ഥാനത്ത് നിന്നും രാഹുല് മാങ്കൂട്ടത്തിലിനെ നീക്കിയിരുന്നു. എന്നാല് പാലക്കാട് എംഎല്എ ആയ രാഹുല് സ്ഥാനം രാജിവയ്ക്കേണ്ടതില്ലെന്നാണ് പാര്ട്ടിയിലെ ധാരണ.
ലൈംഗിക പീഡന ആരോപണങ്ങള് ഉള്പ്പെടെ നേരിടുന്ന എം മുകേഷ് ഉള്പ്പെടെ എംഎല്എ സ്ഥാനത്ത് തുടരുന്ന സാഹചര്യമാണ് കോണ്ഗ്രസ് ചൂണ്ടിക്കാട്ടുന്നത്. സംഘടനാ പരമായി നടപടി എടുത്തു എന്ന വാദം ഉയര്ത്തി പ്രതിരോധിക്കാനാണ് കോണ്ഗ്രസ് നീക്കം. അതേസമയം, രാഹുല് മാങ്കൂട്ടത്തിലിന് എതിരെ ഉയര്ന്ന ആക്ഷേപങ്ങള് പരിശോധിക്കാന് കോണ്ഗ്രസ് സമിതിയെ നിയോഗിച്ചേക്കും എന്നാണ് റിപ്പോര്ട്ട്.
നടി റിനി ആന് ജോര്ജ് ബുധനാഴ്ച വൈകീട്ട് രാഹുലിന്റെ
More »
ഗര്ഭച്ഛിദ്ര പരാതിയും: രാഹുല് വിവാദക്കുരുക്കില്
കൊച്ചി : ഗര്ഭച്ഛിദ്രത്തിന് നിര്ബന്ധിച്ചെന്നാരോപിച്ച് രാഹുല് മാങ്കൂട്ടത്തില് എംഎല്എയ്ക്ക് എതിരെ പരാതി. ഷിന്റോ സെബാസ്റ്റ്യന് എന്ന അഭിഭാഷകനാണ് എറണാകുളം സെന്ട്രല് പൊലീസ് സ്റ്റേഷനില് പരാതി നല്കിയത്. റിപ്പോര്ട്ടര് ടിവി പുറത്തുവിട്ട ഫോണ് സംഭാഷണം കേസെടുക്കാന് പര്യാപ്തമാണെന്നും ഷിന്റോ പരാതിയില് പറയുന്നു. ഗുരുതര വകുപ്പുകള് ചുമത്തേണ്ട കുറ്റകൃത്യമാണ് രാഹുല് നടത്തിയത് എന്നും പരാതിയില് ചൂണ്ടിക്കാട്ടി.
രാഹുലിനെതിരെ എഫ്ഐആര് രജിസ്റ്റര് ചെയ്ത് അന്വേഷണം ആരംഭിക്കണമെന്നും ഷിന്റോ സെബാസ്റ്റ്യന് ആവശ്യപ്പെടുന്നു. രാഹുല് മാങ്കൂട്ടത്തിലും പെണ്കുട്ടിയുമായി നടന്നതെന്നു പറയുന്ന റിപ്പോര്ട്ടര് ടിവി പുറത്തുവിട്ട ശബ്ദരേഖയിലൂടെയാണ് വിവരം പുറത്തറിയുന്നത്.
തുടര്ച്ചയായി ആരോപണങ്ങള് പുറത്തുവന്നതോടെ രാഹുല് മാങ്കൂട്ടത്തില് യൂത്ത് കോണ്ഗ്രസ് അധ്യക്ഷ സ്ഥാനം രാജിവച്ചു. യൂത്ത് കോണ്ഗ്രസ്
More »
പീരുമേട് എംഎല്എ വാഴൂര് സോമന് പരിപാടിക്കിടെ കുഴഞ്ഞുവീണു മരിച്ചു
തിരുവനന്തപുരം : പീരുമേട് എംഎല്എ വാഴൂര് സോമന്(72) അന്തരിച്ചു. ഹൃദയാഘാതത്തെ തുടര്ന്നായിരുന്നു അന്ത്യം. തിരുവനന്തപുരത്ത് റവന്യൂ അസംബ്ലിയില് പങ്കെടുക്കുന്നതിനിടെ കുഴഞ്ഞ് വീഴുകയായിരുന്നു. തുടര്ന്ന് ആശുപത്രിയില് പ്രവേശിപ്പിച്ചെങ്കിലും ജീവന് രക്ഷിക്കാനായില്ല. 2021-ലെ തെരഞ്ഞെടുപ്പില് കോണ്ഗ്രസിലെ സിറിയക് തോമസിനെ 1,835 വോട്ടുകള്ക്ക് പരാജയപ്പെടുത്തിയാണ് സിപിഐ നേതാവ് വാഴൂന് സോമര് നിയമസഭയിലേക്ക് എത്തിയത്.
കോട്ടയത്തെ വാഴൂരില് കുഞ്ഞുപാപ്പന്റെയും പാര്വതിയുടെയും മകനായി 1952 സെപ്റ്റംബര് 14-നാണ് വാഴൂര് സോമന്റെ ജനനം. എഐഎസ്എഫിലൂടെ രാഷ്ട്രീയ രംഗത്തെത്തി. ട്രേഡ് യൂണിയന് പ്രവര്ത്തനങ്ങളിലൂടെ പൊതുരംഗത്ത് സജീവമായി. ഇടുക്കി ജില്ലാ പഞ്ചായത്ത് ക്ഷേമകാര്യ സമിതി അധ്യക്ഷന്, സംസ്ഥാന വെയര് ഹൗസിങ് കോര്പറേഷന് അധ്യക്ഷന് എന്നീ നിലകളിലും പ്രവര്ത്തിച്ചു.
നാല് പതിറ്റാണ്ടിലേറെ പീരുമേട്ടിലെ തോട്ടം
More »
നേതാവിനെതിരായ വെളിപ്പെടുത്തലില് ഉറച്ച് നില്ക്കുന്നു, പലര്ക്കും ദുരനുഭവമുണ്ടായിട്ടുണ്ടെന്നും നടി റിനി ആന് ജോര്ജ്
യുവരാഷ്ട്രീയ നേതാവിനെതിരായ വെളിപ്പെടുത്തലില് ഉറച്ച് നില്ക്കുന്നതായി നടി റിനി ആന് ജോര്ജ്. ഇപ്പോള് പേര് വെളിപ്പെടുത്താന് തയാറല്ലെന്നും ആ നേതാവ് ക്രിമിനല് ബുദ്ധിയുള്ളയാളാണെന്നും റിനി പറഞ്ഞു. സൈബര് ആക്രമണം നേരിടുന്നുണ്ട്. ആ നേതാവിന്റെ ഭാഗത്ത് നിന്നടക്കമാണ് സൈബര് ആക്രമണം ഉണ്ടാകുന്നത്. അത് അദ്ദേഹത്തെ കൂടുതല് പ്രതിരോധത്തിലാക്കുകയെ ഉള്ളൂവെന്ന് റിനി ആന് ജോര്ജ് വ്യക്തമാക്കി.
തന്റെ ഭാഗത്ത് സത്യമുണ്ടെന്നും താന് ഈ ആരോപണം ഉന്നയിച്ച ശേഷം ഒരുപാട് സ്ത്രീകള് തന്നെ വിളിച്ചിരുന്നതായും റിനി മാധ്യമങ്ങളോട് പറഞ്ഞു. പലര്ക്കും ഇയാളില് നിന്നും ദുരനുഭവം നേരിട്ടിട്ടുണ്ട്. ഒരു രാഷ്ട്രീയ നേതാവ് ഇങ്ങനെയാകാമോയെന്നും സംഘടനാപരമായ നടപടി ആ നേതാവിനെതിരെ എടുക്കുന്ന കാര്യത്തില് ആ പാര്ട്ടിയാണ് തീരുമാനമെടുക്കേണ്ടതെന്നും റിനി പറഞ്ഞു.
എല്ലാം ഞാന് അനുഭവിച്ചത് മാത്രം. ദേഷ്യപ്പെട്ടിട്ടും പിന്നെയും തുടര്ന്നു.
More »
അശ്ളീല വിവാദം: രാഹുല് മാങ്കൂട്ടത്തില് യൂത്ത് കോണ്ഗ്രസ് അധ്യക്ഷ സ്ഥാനം രാജിവെച്ചു
പത്തനംതിട്ട : യുവനടിക്ക് അശ്ലീല സന്ദേശമയച്ച വിഷയത്തില് ഉയര്ന്ന വിവാദങ്ങളെ തുടര്ന്ന് യൂത്ത് കോണ്ഗ്രസ് അധ്യക്ഷസ്ഥാനം രാഹുല് മാങ്കൂട്ടത്തില് രാജിവെച്ചു. രാജിക്കത്ത് യൂത്ത് കോണ്ഗ്രസ് നേതൃത്തിന് കൈമാറി. വിഷയത്തില് ധാര്മികതയുടെ പുറത്താണ് രാജിവെക്കുന്നതെന്ന് രാഹുല് വ്യക്തമാക്കി. അടൂരിലെ വീട്ടില് നടത്തിയ വാര്ത്താ സമ്മേളനത്തിലാണ് രാജി പ്രഖ്യാപിച്ചത്. രാഹുല് മാങ്കൂട്ടത്തിലിനെതിരെ ഉയര്ന്ന ആരോപണങ്ങളില് അദ്ദേഹം മറുപടി പറയണമെന്ന് പാര്ട്ടിയില് ആവശ്യം ഉയര്ന്നിരുന്നു. രാഹുല് മാങ്കൂട്ടത്തില് യൂത്ത് കോണ്ഗ്രസ് അധ്യക്ഷസ്ഥാനം രാജിവെച്ചു.
ആരോപണങ്ങളുടെ പശ്ചാത്തലത്തില് രാഹുല് യൂത്ത് കോണ്ഗ്രസ് സംസ്ഥാന അധ്യക്ഷ സ്ഥാനത്തുനിന്ന് മാറിനില്ക്കണമെന്ന ആവശ്യവും ശക്തമായിരുന്നു.
യുവ നേതാവിനെതിരെ നടി നടത്തിയ വെളിപ്പെടുത്തല് വ്യാപക ചര്ച്ചയ്ക്കാണ് വഴിവെച്ചിരിക്കുന്നത്. മാധ്യമപ്രവര്ത്തക
More »
അശ്ലീല സന്ദേശം, മോശം സമീപനം; യുവ നേതാവിനെതിരെ യുവനടി
കൊച്ചി : പ്രമുഖ യുവ രാഷ്ട്രീയ നേതാവിനെതിരെ വെളിപ്പെടുത്തലുമായി യുവ നടി. യുവ രാഷ്ട്രീയ നേതാവില് നിന്നും മോശം അനുഭവം ഉണ്ടായെന്നാണ് മാധ്യമ പ്രവര്ത്തകയും അഭിനേതാവുമായ റിനി ആന് ജോര്ജാണ് വെളിപ്പെടുത്തല് നടത്തിയത്. അശ്ലീല സന്ദേശങ്ങളയച്ചെന്നും മോശം സമീപനം ഉണ്ടായെന്നുമാണ് വെളിപ്പെടുത്തല്. നേതാവിനെ സമൂഹ മാധ്യമത്തിലൂടെ പരിചയപ്പെട്ട ഉടനെ തന്നെ മോശം പെരുമാറ്റം ഉണ്ടായി. ഫൈവ് സ്റ്റാര് ഹോട്ടലില് മുറിയെടുക്കാം, വരണമെന്ന് ചാനല് ചര്ച്ചകളിലും സമരമുഖങ്ങളിലുമെല്ലാം സജീവമായി നില്ക്കുന്ന യുവനേതാവ് ആവശ്യപ്പെട്ടെന്നും മാധ്യമ പ്രവര്ത്തക വെളിപ്പെടുത്തി. അപ്പോള് തന്നെ പ്രതികരിച്ചുവെന്നും റിനി ആന് ജോര്ജ് പറഞ്ഞു.
ഇതിന് ശേഷം കുറച്ച് നാളത്തേയ്ക്ക് കുഴപ്പമൊന്നും ഉണ്ടായില്ലെന്നും എന്നാല് പിന്നീട് അശ്ലീല സന്ദേശം അയക്കുന്നത് തുടര്ന്നുമെന്നുമാണ് റിനി വെളിപ്പെടുത്തുന്നത്.
അശ്ലീല മെസേജ് അയച്ചപ്പോള്
More »
ജന സമ്പര്ക്ക പരിപാടിയ്ക്കിടെ ഡല്ഹി മുഖ്യമന്ത്രി രേഖ ഗുപ്തയ്ക്ക് നേരെ ആക്രമണം- അക്രമി പിടിയില്
ഡല്ഹി മുഖ്യമന്ത്രി രേഖ ഗുപ്തയ്ക്ക് നേരെ ആക്രമണം. ഔദ്യോഗിക വസതിയില് നടത്തിയ ജന സമ്പര്ക്ക പരിപാടിയ്ക്കിടെയാണ് ആക്രമണ ശ്രമം. പരുക്കേറ്റ മുഖ്യമന്ത്രിയെ ആശുപത്രിയില് പ്രവേശിപ്പിച്ചു. അക്രമിയെ പൊലീസ് പിടികൂടി.
എല്ലാ ആഴ്ചയിലും മുഖ്യമന്ത്രിയുടെ വസതിയില് വച്ചു നടക്കുന്ന ജന് സുല്വായ് എന്ന സമ്പര്ക്ക പരിപാടിക്കിടെയാണ് ആക്രമണം. രേഖ ഗുപ്ത അധികാരത്തിലേറിയതിന് ശേഷം എല്ലാ ബുധനാഴ്ചയും രാവിലെ ഏഴ് മണിക്കും ഒന്പത് മണിക്കും ഇടയില് ഈ പരിപാടി നടക്കാറുണ്ട്. ഈ സമയത്ത് മുഖ്യമന്ത്രിയെ കാണാനും പരാതി ബോധിപ്പിക്കാന് ആളുകള് എത്തുന്നത് പതിവാണ്. ഇതിനിടെയായിരുന്നു ആക്രമണം. ഭാരമുള്ള വസ്തു ഉപയോഗിച്ച് മുഖത്തടിച്ചു എന്നാണ് ലഭിക്കുന്ന വിവരം.
35 വയസുകാരനാണ് സംഭവത്തില് പിടിയിലായത്. പ്രാഥമിക അന്വേഷം നടന്നു വരികയാണ്. ഇയാള്ക്ക് മറ്റ് രാഷ്ട്രീയ പാര്ട്ടികളുമായി ബന്ധമുണ്ടോയെന്ന് വ്യക്തമല്ല.
ദില്ലി മുഖ്യമന്ത്രിക്ക് നേരെ ഉണ്ടായ
More »
