ചര്ച്ചയില് പുരോഗതി: നിമിഷ പ്രിയയുടെ വധശിക്ഷ നീട്ടിവെച്ചു
യമന് ജയിലുള്ള മലയാളി നഴ്സ് നിമിഷ പ്രിയയുടെ വധശിക്ഷ നീട്ടിവെച്ചു. നാളെ(ജൂലൈ 16ന്) വധശിക്ഷ നടപ്പാക്കും എന്നായിരുന്നു അറിയിച്ചിരുന്നത്. ശിക്ഷ നടപ്പാക്കുന്നത് നീട്ടിവെക്കാന് കൊല്ലപ്പെട്ട തലാലിന്റെ കുടുംബം അനുമതി നല്കുകയായിരുന്നു. ഇന്ത്യന് ഗ്രാന്ഡ് മുഫ്തി കാന്തപുരം എ.പി അബൂബക്കര് മുസ്ലിയാരുടെ ഇടപെടലില് സൂഫി പണ്ഡിതന്മാര് കുടുംബവുമായി നടത്തിയ ചര്ച്ചയാണ് ഫലം കണ്ടത്.
നേരത്തെ, ദിയാധനം സ്വീകരിക്കാന് സാധിക്കില്ലെന്നും നിമിഷപ്രിയയുടെ വധശിക്ഷ നടപ്പാക്കണമെന്നുമുള്ള നിലപാടില് ഉറച്ചുനില്ക്കുകയായിരുന്നു കുടുംബം. സൂഫി പണ്ഡിതരുടെ ഇടപെടലില് അവര് വഴങ്ങുകയായിരുന്നു. ദിയാധനം സ്വീകരിച്ച് നിമിഷപ്രിയയ്ക്ക് മാപ്പു നല്കാന് തലാലിന്റെ കുടുംബം തയ്യാറാണെന്നാണ് സൂചന. ഈ തീരുമാനം സനാ കോടതിയെ അറിയിക്കും. സേവ് നിമിഷപ്രിയ ആക്ഷന് കൗണ്സില് അംഗങ്ങളാണ് വധശിക്ഷ നീട്ടിവെച്ച കാര്യം അറിയിച്ചത്. തലാലിന്റെ
More »
ജയലളിതയുടെയും എംജിആറിന്റെയും മകളാണെന്ന അവകാശവാദവുമായി തൃശൂര് സ്വദേശിനി സുപ്രീംകോടതിയില്
തമിഴ്നാട് മുന്മുഖ്യമന്ത്രിമാരായ ജയലളിതയുടെയും എംജിആറിന്റെയും മകളാണെന്ന അവകാശവാദമുന്നയിച്ച തൃശൂര് സ്വദേശിനി സുപ്രീംകോടതിയെ സമീപിച്ചു. തൃശൂര് ജില്ലയിലെ കാട്ടൂര് സ്വദേശി സുനിത കെ എം ആണ് തിങ്കളാഴ്ച അവകാശവാദവുമായി സുപ്രീംകോടതിയില് എത്തിയത്.
ജയലളിതയുടെ മരണത്തില് പുനരന്വേഷണം ആവശ്യപ്പെട്ട് ചീഫ് ജസ്റ്റിസിന് സ്വകാര്യമായ കത്തും ഇവര് നല്കിയിട്ടുണ്ട്. ജയലളിതയുടെ മരണം സംബന്ധിച്ച് പല ദുരൂഹതകളും ഇന്നും ബാക്കിയുണ്ട്. ഇത് സംബന്ധിച്ച പല വെളിപ്പെടുത്തലുകളും കത്തിലുണ്ടെന്നാണ് സൂചന.
'ശശികലയും മണ്ണാര്കുടി മാഫിയയും ചേര്ന്ന് തന്റെ അമ്മയെ കൊന്നതാണ് സുനിത പറയുന്നത്. കൊലപാതകത്തിന് സാക്ഷിയാണ്. 2016 സെപ്തംബര് 22 -ആം തിയതി പോയസ്ഗാര്ഡന് വീട്ടിലെത്തുമ്പോള് അമ്മ അനക്കമില്ലാതെ കിടക്കുകയായിരുന്നു. അവര്ക്ക് ചുറ്റും ടി.ടി.വി. ദിനകരന്, ഇളവരസി, സുധാകരന് വി.കെ, ശശികല എന്നിവരും ഉണ്ടായിരുന്നു. അലറിക്കരയാന്
More »
ശ്രീചിത്ര കെയര്ഹോമില് മൂന്ന് പെണ്കുട്ടികള് ജീവനൊടുക്കാന് ശ്രമിച്ചു
തിരുവനന്തപുരം : ശ്രീചിത്ര പുവര് ഹോമില് മൂന്ന് പെണ്കുട്ടികള് ജീവനൊടുക്കാന് ശ്രമിച്ചു. ആറിലും ഒമ്പതിലും പത്തിലും പഠിക്കുന്ന കുട്ടികളാണ് ജീവനൊടുക്കാന് ശ്രമിച്ചത്. അമിതമായി വൈറ്റമിന് ഗുളികകളും പാരസെറ്റമൊളുകളും കഴിച്ചാണ് ആത്മഹത്യാശ്രമം നടത്തിയത്. ഉടന് തന്നെ കുട്ടികളെ മെഡിക്കല് കോളേജ് ആശുപത്രിയില് എത്തിച്ചു. നിലവില് കുട്ടികളുടെ ആരോഗ്യനില തൃപ്തികരമാണെന്ന് ആരോഗ്യ വിദഗ്ദര് അറിയിച്ചു.
ഒരു മാസം മുന്പാണ് കുട്ടികള് ശ്രീചിത്ര ഹോമില് എത്തിയത്. അതേസമയം, സംഭവത്തില് ശ്രീചിത്രാ പൂവര് ഹോം സൂപ്രണ്ട് വി ബിന്ദു പറഞ്ഞത് പെണ്കുട്ടികളുടേത് ആത്മഹത്യ ശ്രമമായിരുന്നില്ല എന്നും വീട്ടില് പോകുന്നതിന് വേണ്ടി പേടിപ്പിക്കാനാണ് ഗുളിക കഴിച്ചത് എന്നുമാണ്.
കുട്ടികള്ക്ക് ആരോഗ്യ പ്രശ്നങ്ങളൊന്നുമില്ലെന്നും റാഗിംഗ് നടന്നുവെന്ന് പറയുന്നത് കള്ളമാണെന്നും സൂപ്രണ്ട് പറയുന്നു. ഗുളിക കഴിച്ച ഇളയ കുട്ടി മൂത്ത രണ്ട്
More »
അഹമ്മദാബാദ് വിമാന ദുരന്തം; പൈലറ്റുമാരുടെ സംഘടന കോടതിയിലേക്ക്, അന്വേഷണസംഘത്തില് പൈലറ്റുമാര് വേണം
അഹമ്മദാബാദ് വിമാന ദുരന്തവുമായി ബന്ധപ്പെട്ട അന്വേഷണത്തില് പൈലറ്റുമാരുടെ സംഘടന കോടതിയിലേക്ക്. അന്വേഷണ സംഘത്തില് സംഘടനയിലെ വിദഗ്ധ പൈലറ്റുമാരെ ഉള്പ്പെടുത്തണമെന്നാണ് പൈലറ്റുമാരുടെ സംഘടനയുടെ പ്രധാന ആവശ്യം. തുടരന്വേഷണത്തിലും സുതാര്യതയുണ്ടാകില്ലെന്ന് സംഘടന ആവശ്യപ്പെടുന്നു.
അതേസമയം, ഡിജിസിഎ ഉദ്യോഗസ്ഥരുമായി എയര്ലൈന് പൈലറ്റ്സ് അസോസിയേഷന് ഇന്ന് കൂടിക്കാഴ്ച നടത്തും. സംഘടനയുടെ ആശങ്കയറിയിക്കും.
അഹമ്മദാബാദ് വിമാന ദുരന്തത്തിലെ പ്രാഥമിക റിപ്പോര്ട്ടിനെതിരെ പ്രതിഷേധം ശക്തമാവുകയാണ്. പൈലറ്റുമാരെ കേന്ദ്രീകരിച്ചുള്ള ചര്ച്ചകള് ബാലിശമാണെന്നും ഫ്യുവല് സ്വിച്ച് ഓഫായതിന് പിന്നില് യന്ത്രതകരാര് സംഭവിച്ചോയെന്നത് വിശദമായ അന്വേഷണത്തില് പരിശോധിക്കണമെന്നും എയര് ക്രാഫ്റ്റ് ആക്സിഡന്റ് ഇന്വെസ്റ്റിഗേഷന് ബ്യൂറോ മുന് തലവന് ആവശ്യപ്പെട്ടു. എഞ്ചിനിലേക്കുള്ള ഇന്ധന പ്രവാഹത്തെ നിയന്ത്രിക്കുന്ന രണ്ട്
More »
ഷാര്ജയില് വിപഞ്ചികയുടെയും കുഞ്ഞിന്റെയും മരണം; ഭര്ത്താവിനും വീട്ടുകാര്ക്കുമെതിരെ കേസെടുത്ത് പൊലീസ്
ഷാര്ജയില് ആത്മഹത്യ ചെയ്ത കൊല്ലം സ്വദേശി വിപഞ്ചികയുടെയും കുഞ്ഞിന്റെയും മരണത്തില് ദുരൂഹത സംശയിക്കുന്ന സാഹചര്യത്തില് വിപഞ്ചികയുടെ ഭര്ത്താവിനും വീട്ടുകാര്ക്കുമെതിരെ കേസെടുത്ത് പൊലീസ്. കുണ്ടറ പൊലീസാണ് കേസ് എടുത്തത്. വിപഞ്ചികയുടെ അമ്മ ഷൈലജയുടെ പരാതിയിലാണ് കേസെടുത്തത്.
കേസില് ഭര്ത്താവ് നിതീഷാണ് ഒന്നാം പ്രതി. സഹോദരി നീതുവിനെ രണ്ടാം പ്രതിയും നിതീഷിന്റെ അച്ഛനെ മൂന്നാം പ്രതിയുമാക്കിയാണ് കേസെടുത്തിരിക്കുന്നത്. ആത്മഹത്യ പ്രേരണ, സ്ത്രീധന പീഡനം തുടങ്ങിയ വകുപ്പുകള് പ്രകാരമാണ് കേസെടുത്തിരിക്കുന്നത്. അതേസമയം വിപഞ്ചികയുടെ മരണത്തില് അന്വേഷണം വേണമെന്ന് കുടുംബം ആവശ്യപ്പെട്ടിരുന്നു. നാട്ടില് കേസെടുത്ത് അന്വേഷണം നടത്തണമെന്ന ആവശ്യവുമായി മുഖ്യമന്ത്രിക്കും ഡിജിപിക്കും കുടുംബം പരാതി നല്കിയിരുന്നു.
വിവാഹം കഴിഞ്ഞ നാള് മുതല് ഭര്ത്താവ് നിതീഷില് നിന്നും വിപഞ്ചിക പീഡനം നേരിട്ടിരുന്നതായി ആരോപണമുണ്ട്.
More »
എമിറേറ്റ്സില് വന്നിറങ്ങിയ ബ്രസീലിയന് ദമ്പതിമാരുടെ വയറിളക്കി പുറത്തെടുത്തത് നൂറിലേറെ മയക്കുമരുന്ന് കാപ്സ്യൂള്; യുവതി ഗര്ഭിണിയും
കൊച്ചി : എമിറേറ്റ്സില് നെടുമ്പാശേരിയില് വന്നിറങ്ങിയ ബ്രസീലിയന് ദമ്പതിമാരുടെ വയറിളക്കി പുറത്തെടുത്തത് നൂറിലേറെ മയക്കുമരുന്ന് ഗുളികകള്. ഗുളികകള് മൊത്തം പുറത്തെടുക്കാന് ഇവരെ അങ്കമാലിയിലെ സ്വകാര്യ ആശുപത്രിയില് നിരീക്ഷണത്തില് പാര്പ്പിച്ചിരിക്കുകയാണ്. വയറിളക്കി മയക്കുമരുന്ന് ഗുളികകള് സ്വാഭാവികമായി പുറത്തെടുക്കാനുള്ള ശ്രമമാണ് നടക്കുന്നത്. തിങ്കളാഴ്ച വരെ ശ്രമം തുടരും.
തിങ്കളാഴ്ച വീണ്ടും രണ്ടുപേരുടെയും എക്സ്റേ എടുക്കും. വയറ്റില് ഗുളികകള് ഇല്ലെന്ന് കണ്ടാല് ഡയറക്ടറേറ്റ് ഓഫ് റവന്യൂ ഇന്റലിജന്റ്സ് (ഡിആര്ഐ) തുടര് നടപടി സ്വീകരിക്കും. ഗുളികകള് മൊത്തം പുറത്തെടുത്ത ശേഷമേ ഇത് പരിശോധിക്കൂ. ഡിആര്ഐ സ്വന്തം നിലയില് പരിശോധന നടത്തി ഇത് ഏതുതരം മയക്കുമരുന്നാണെന്ന നിഗമനത്തിലെത്തിയ ശേഷം വിശദമായ പരിശോധനയ്ക്കായി ലാബിലേക്ക് അയക്കും.
കഴിഞ്ഞ ദിവസം എമിറേറ്റ്സ് എയര്ലൈന്സ് വിമാനത്തില്
More »
നെടുമ്പാശ്ശേരിയില് വിദേശ ദമ്പതിമാരുടെ വയറ്റില് 50 ലേറെ ലഹരി ക്യാപ്സ്യൂളുകള് കണ്ടെത്തി
കൊച്ചി : മയക്കുമരുന്ന് ക്യാപ്സ്യൂള് രൂപത്തിലാക്കി വിഴുങ്ങി നെടുമ്പാശ്ശേരിയിലെത്തിയ വിദേശ ദമ്പതിമാര് കസ്റ്റഡിയില്. ബ്രസീല് സ്വദേശികളെയാണ് കൊച്ചി ഡിആര്ഐ യൂണിറ്റ് കസ്റ്റഡിയിലെടുത്തത്. സ്കാനിങ്ങിലാണ് ഇവര് ലഹരിമരുന്ന് ക്യാപ്സ്യൂള് രൂപത്തിലാക്കി ശരീരത്തില് ഒളിപ്പിച്ചു കൊണ്ടുവന്നതായി കണ്ടെത്തിയത്. ഇതില് ഒരാള് മാത്രം 50-ഓളം ക്യാപ്സ്യൂളുകള് വിഴുങ്ങിയെന്നാണ് വിവരം.
നെടുമ്പാശ്ശേരിയില് വിമാനമിറങ്ങിയ ദമ്പതിമാരെ ലഹരിക്കടത്ത് സംശയത്തെത്തുടര്ന്ന് വിശദമായി പരിശോധിച്ചിരുന്നു. എന്നാല്, ഇവരുടെ ബാഗുകളില്നിന്ന് ഒന്നും കണ്ടെത്താനായില്ല. തുടര്ന്ന് സംശയം തോന്നി സ്കാനിങ്ങിന് വിധേയമാക്കിയതോടെയാണ് ശരീരത്തിനുള്ളില് ലഹരി ക്യാപ്സ്യൂളുകള് കണ്ടെത്തിയത്. ഇത് പുറത്തെടുക്കാനായി കസ്റ്റഡിയിലെടുത്ത രണ്ടുപേരെയും അങ്കമാലിയിലെ സ്വകാര്യ ആശുപത്രിയില് പ്രവേശിപ്പിച്ചിരിക്കുകയാണ്.
More »
യുപി മെഡി. കോളജിലെ ഹോസ്റ്റല് മുറിയില് മലയാളി ഡോക്ടര് മരിച്ച നിലയില്
ലക്നൗ : ഉത്തര്പ്രദേശില് മലയാളി ഡോക്ടറെ മരിച്ച നിലയില് കണ്ടെത്തി. ബി.ആര്.ഡി മെഡിക്കല് കോളജിലെ ഹോസ്റ്റല് മുറിയിലാണ് മലയാളി ഡോക്ടര് അബിഷോ ഡേവിഡിനെ മരിച്ച നിലയില് കണ്ടെത്തിയത്. അബിഷോ ഡേവിഡ് പിജി വിദ്യാര്ത്ഥിയും അനസ്തേഷ്യ വിഭാഗത്തില് ജൂനിയര് റസിഡന്റ് ഡോക്ടറുമായിരുന്നു.
വെള്ളിയാഴ്ച ഡോ. ഡേവിഡ് കൃത്യസമയത്ത് എത്താതിരുന്നതിനെ തുടര്ന്ന് അനസ്തേഷ്യ വിഭാഗം മേധാവി ഡോ. സതീഷ് കുമാര് ഒരു സ്റ്റാഫിനെ അന്വേഷിക്കാന് അയച്ചപ്പോഴാണ് സംഭവം പുറത്തറിഞ്ഞത്. ഗുല്റിഹ പോലീസ് സ്ഥലത്തെത്തി മൃതദേഹം പോസ്റ്റ്മോര്ട്ടത്തിന് അയച്ചു.
മുറിയില് നിന്ന് തെളിവുകള് ശേഖരിക്കാന് ഫോറന്സിക് സംഘമെത്തി. ആത്മഹത്യാക്കുറിപ്പൊന്നും കണ്ടെത്തിയിട്ടില്ലെന്ന് പോലീസ് പറഞ്ഞു. മൃതദേഹം പോസ്റ്റുമോര്ട്ടത്തിനായി മാറ്റി.
More »
പാലക്കാട് കാര് പൊട്ടിത്തെറിച്ച് രണ്ട് കുട്ടികള് മരിച്ചു, അമ്മ ഗുരുതരാവസ്ഥയില്
പാലക്കാട് പൊല്പ്പുളളിയില് കാറിന് തീപിടിച്ചുണ്ടായ അപകടത്തില് ഗുരുതരമായി പൊള്ളലേറ്റ് ചികിത്സയിലായിരുന്ന കുട്ടികള് മരിച്ചു. നാലുവയസുള്ള എമിലീന, ആറ് വയസുകാരന് ആല്ഫ്രഡ് എന്നിവരാണ് മരിച്ചത്. കുഞ്ഞിന്റെ അമ്മ എല്സി ഗുരുതരാവസ്ഥയില് ചികിത്സയിലാണ്.
വെള്ളിയാഴ്ച വൈകിട്ട് അഞ്ച് മണിയോടെയാണ് അപകടം നടന്നത്. രാത്രി ഒമ്പത് മണിയോടെ ഗുരുതരമായി പരിക്കേറ്റ നിലയില് അമ്മയെയും മക്കളെയും കൊച്ചി മെഡിക്കല് സെന്റര് ആശുപത്രിയില് പ്രവേശിപ്പിക്കുകയായിരുന്നു.
സ്വകാര്യ ആശുപത്രിയില് നഴ്സായ എല്സി മക്കളുമായി പുറത്ത് പോകാന് കാര് സ്റ്റാര്ട്ട് ചെയ്ത ഉടന് തീപിടിക്കുകയായിരുന്നു. എല്സിയുടെ മൂത്തമകള് പത്ത് വയസുകാരി അലീനയ്ക്കും, എല്സിയുടെ അമ്മ ഡെയ്സിക്കും അപകടത്തില് പരിക്കേറ്റിരുന്നു. ഇരുവരും പാലക്കാട്ടെ സ്വകാര്യ ആശുപത്രിയില്
More »
