പ്രണയാഭ്യര്‍ത്ഥന നിരസിച്ചു; പെണ്‍കുട്ടിയെ കടയ്ക്കുള്ളില്‍ ക്രൂരമായി കുത്തിപ്പരിക്കേല്‍പ്പിച്ച് 14കാരന്‍
പ്രണയാഭ്യര്‍ത്ഥന നിരസിച്ചതിന്റെ പേരില്‍ പ്രായപൂര്‍ത്തിയാകാത്ത പെണ്‍കുട്ടിയെ കടയ്ക്കുള്ളില്‍ വച്ച് നിരവധി തവണ കുത്തിപ്പരിക്കേല്‍പ്പിച്ച് 14കാരന്‍. യുകെയിലെ ഗ്ലോസ്റ്റര്‍ഷെയറിലെ സിറന്‍സെസ്റ്ററിലാണ് സംഭവം. കഴിഞ്ഞ ഡിസംബറിലാണ് 14കാരന്‍ പെണ്‍കുട്ടിയോട് പ്രണയാഭ്യര്‍ത്ഥന നടത്തിയത്. പെണ്‍കുട്ടി ഇത് നിരസിച്ചതോടെ വ്യാജ സോഷ്യല്‍ മീഡിയ അക്കൗണ്ടുകള്‍ വഴി നിരന്തരം ശല്യം ചെയ്യുകയും പിന്തുടരുകയും ചെയ്തിരുന്നു. പിന്നീട് ആക്രമണത്തിലേക്ക് എത്തുകയായിരുന്നു.
മാര്‍ച്ച് 15ന് സിറന്‍സെസ്റ്ററിലെ ഒരു കടയ്ക്ക് സമീപം കാത്തുനിന്ന പ്രതി പെണ്‍കുട്ടി കടയിലേക്ക് പ്രവേശിക്കുന്നത് കണ്ടതോടെ പിന്നാലെ എത്തി. ജീന്‍സിന്റെ പോക്കറ്റില്‍ ഒളിപ്പിച്ചിരുന്ന കത്തിയെടുത്ത് പെണ്‍കുട്ടിയെ കടന്നുപിടിച്ച ശേഷം നിരവധി തവണ കുത്തുകയായിരുന്നു.
രക്ഷപ്പെടാന്‍ പെണ്‍കുട്ടി ശ്രമിച്ചെങ്കിലും പ്രതി ആക്രമണം തുടര്‍ന്നു. കടയുടമ ആക്രമിയെ
More »
'മാര്‍ത്താസ് റൂള്‍' ഇനി ഇംഗ്ലണ്ടിലെ എല്ലാ എ&ഇ ഡിപ്പാര്‍ട്ട്‌മെന്റുകളിലും! ചികിത്സയില്‍ അടിയന്തര റിവ്യൂ ആവശ്യപ്പെടാം
എന്‍എച്ച്എസില്‍ എ&ഇകളിലെ തിരക്കിന്റെ കാര്യം ചിന്തിക്കുന്നതിനും അപ്പുറമാണ്. രോഗികള്‍ക്ക് പലപ്പോഴും കൃത്യമായ ചികിത്സ സമയത്ത് നല്‍കാന്‍ ജീവനക്കാര്‍ക്ക് സാധിക്കുന്നില്ല. ഇതിനിടയില്‍ ബന്ധുക്കളുടെ ആശങ്കകള്‍ പലപ്പോഴും കാര്യമായി എടുക്കാറുമില്ല. ഈ പ്രതിസന്ധി അവസാനിപ്പിക്കാന്‍ എന്‍എച്ച്എസില്‍ നടപ്പാക്കിയ 'മാര്‍ത്താസ് റൂള്‍' ഇനി ഇംഗ്ലണ്ടിലെ എല്ലാ എമര്‍ജന്‍സി ഡിപ്പാര്‍ട്ട്‌മെന്റുകളിലും ഉപയോഗപ്പെടുത്താം.
പ്രിയപ്പെട്ടവരുടെ രോഗാവസ്ഥയ്ക്ക് ആവശ്യമായ ചികിത്സ ലഭിക്കുന്നില്ലെന്ന് തോന്നിയാല്‍ അടിയന്തര റിവ്യൂ ആവശ്യപ്പെടാനുള്ള അവസരമാണ് എന്‍എച്ച്എസ് മാര്‍ത്താസ് റൂള്‍ വ്യാപിപ്പിക്കുന്നതിലൂടെ നല്‍കുന്നത്. 2021-ല്‍ 13-ാം വയസ്സില്‍ സെപ്‌സിസ് ബാധിച്ച് മരിച്ച മാര്‍ത്താ മില്‍സ് എന്ന പെണ്‍കുട്ടിയുടെ പേരിലാണ് നിയമം. ഇവരുടെ കുടുംബം ചികിത്സ സംബന്ധിച്ച് ആശങ്ക ഉന്നയിച്ചപ്പോള്‍ അത് കേള്‍ക്കാന്‍ ആരും ഉണ്ടായിരുന്നില്ല.
More »
ജോലി ചെയ്യേണ്ട പ്രായത്തിലുള്ള അഞ്ചിലൊന്ന് പേരും യൂണിവേഴ്‌സല്‍ ക്രെഡിറ്റില്‍
ജോലി ചെയ്യേണ്ട പ്രായത്തിലുള്ള അഞ്ചിലൊന്ന് മുതിര്‍ന്നവരും യൂണിവേഴ്‌സല്‍ ക്രെഡിറ്റ് നേടുന്നതായി ഔദ്യോഗിക കണക്കുകള്‍. തലമുറകളെ എഴുതിത്തള്ളുന്ന വിധത്തിലുള്ള നടപടിയാണ് അരങ്ങേറുന്നതെന്നാണ് ഇതേക്കുറിച്ച് വിമര്‍ശനം ഉയരുന്നത്.
20 മുതല്‍ 64 വയസ്സ് വരെയുള്ള 7.3 മില്ല്യണ്‍ ആളുകളാണ് ബെനഫിറ്റുകളെ പ്രധാന വരുമാന മാര്‍ഗ്ഗമാക്കി മാറ്റിയത്. ഈ വര്‍ഷം മേയ് വരെയുള്ള കണക്കുകളാണ് ഈ ഞെട്ടിക്കുന്ന അവസ്ഥ പുറത്തെത്തിച്ചത്.
ഇംഗ്ലണ്ടിലും, വെയില്‍സിലും ജോലി ചെയ്യാന്‍ പ്രായത്തിലുള്ള 20.3 ശതമാനം മുതിര്‍ന്നവരാണ് ഈ ബെനഫിറ്റ് പട്ടികയിലുള്ളതെന്ന് ടാക്‌സ്‌പെയേഴ്‌സ് അലയന്‍സ് കണ്ടെത്തി. ഇതില്‍ 3.3 മില്ല്യണ്‍ ആളുകള്‍ കരിയര്‍ ഏറ്റവും നല്ല രീതിയില്‍ എത്തുന്ന 40 വയസ്സില്‍ താഴെയുള്ളവരാണെന്നും ക്യാംപെയിന്‍ ഗ്രൂപ്പ് പറയുന്നു.
ഡസന്‍ കണക്കിന് പ്രദേശങ്ങളില്‍ ജോലി ചെയ്യാന്‍ കഴിയുന്ന മുതിര്‍ന്നവരില്‍ നാലിലൊന്ന് പേരും
More »
പെട്രോള്‍പമ്പുകളില്‍ നീണ്ട ക്യൂ; ഇന്ധന പ്രതിസന്ധിയ്ക്കു സാധ്യത
റഷ്യ - യുക്രൈന്‍ സംഘര്‍ഷത്തിലും അമേരിക്കന്‍ - ഇറാന്‍ യുദ്ധത്തിലും പെട്ട് വലയുന്നത് യുകെ. ഏതാനും ദിവസങ്ങള്‍ക്കുള്ളില്‍ തന്നെ ബ്രിട്ടനിലെ ശരാശാരി ഡീസല്‍ വില റെക്കോര്‍ഡ് ഉയരത്തിലെത്തും എന്നാണ് പ്രതീക്ഷിക്കുന്നത്. യൂറോപ്പിലും അമേരിക്കയിലും പെട്രോള്‍ പമ്പുകളിലെ വില ഇതിനോടകം തന്നെ കുത്തനെ ഉയര്‍ന്നു കഴിഞ്ഞു.
റഷ്യന്‍ റിഫൈനറികള്‍ക്ക് മേല്‍ നടക്കുന്ന യുക്രൈന്‍ ആക്രമണം ആഗോള വിപണിയില്‍ ഇന്ധന വില ഇനിയും കുത്തനെ ഉയര്‍ത്തിയേക്കാം എന്ന ആശങ്ക നിലനില്‍ക്കവെ അമേരിക്കന്‍ പ്രസിഡണ്ട് ഡൊണാള്‍ഡ് ട്രംപ് ഇന്നലെ യുക്രെയിന്‍ പ്രസിഡണ്ട് വ്‌ലോഡിമര്‍ സെലന്‍സ്‌കിയുമായി സംസാരിച്ച് റിഫൈനറികള്‍ക്ക് നേരെയുള്ള ആക്രമണം നിര്‍ത്തണമെന്ന് ആവശ്യപ്പെട്ടിട്ടുണ്ട്.
ഈ നിലയില്‍ സാഹചര്യങ്ങള്‍ തുടര്‍ന്നാല്‍ അധികം വൈകാതെ ആഗോളാടിസ്ഥാനത്തില്‍ തന്നെ വലിയ ഇന്ധനക്ഷാമം അനുഭവപ്പെടുമെന്നാണ് മുന്നറിയിപ്പ്. ക്രൂഡോയിലിന്റെ ലഭ്യതയില്‍
More »
തുടര്‍ച്ചയായ എയര്‍ ട്രാഫിക് കണ്‍ട്രോള്‍ തകരാര്‍; ബ്രിട്ടനില്‍ 200ലേറെ വിമാന സര്‍വീസുകള്‍ റദ്ദാക്കി
യുകെയുടെ എയര്‍ ട്രാഫിക് സിസ്റ്റം വീണ്ടും കുഴപ്പത്തില്‍ ചാടിയതോടെ രണ്ടാഴ്ചയ്ക്കിടെ വിമാന സര്‍വ്വീസുകള്‍ വീണ്ടും പ്രതിസന്ധിയില്‍. എയര്‍ ട്രാഫിക് കണ്‍ട്രോള്‍ സര്‍വ്വീസുകളില്‍ സാങ്കേതിക പ്രശ്‌നം ഉടലെടുത്തതോടെയാണ് വിമാന സര്‍വ്വീസുകള്‍ തടസ്സപ്പെട്ടത്.
നാഷണല്‍ എയര്‍ ട്രാഫിക് സര്‍വ്വീസസിന്റെ സൗത്ത് എയ്ഷറര്‍ പ്രസ്റ്റ്‌വിക്കിലുള്ള രണ്ടാമത്തെ കണ്‍ട്രോള്‍ സെന്ററിലാണ് പ്രതിസന്ധി. ഡസന്‍ കണക്കിന് വിമാനങ്ങള്‍ റദ്ദാക്കിയതിനൊപ്പം, നിരവധി വിമാന സര്‍വ്വീസുകള്‍ കുടുങ്ങി കിടക്കുകയും ചെയ്യുന്നു.
ഗ്ലാസ്ഗോ, മാഞ്ചസ്റ്റര്‍ ഉള്‍പ്പെടെ സ്‌കോട്ട്ലന്‍ഡിലെയും വടക്കന്‍ ഇംഗ്ലണ്ടിലെയും വിമാനത്താവളങ്ങളിലാണ് തകരാര്‍ കൂടുതല്‍ പ്രതിസന്ധി സൃഷ്ടിച്ചത്. ലണ്ടന്‍ സിറ്റി, ല്യൂട്ടണ്‍, ബെല്‍ഫാസ്റ്റ് വിമാനത്താവളങ്ങളിലും സര്‍വീസുകള്‍ തടസ്സപ്പെട്ടു.യുകെയില്‍ നിന്ന് പുറപ്പെടേണ്ട 117 വിമാനങ്ങളും രാജ്യത്തേക്ക്
More »
ഹെല്‍ത്ത് & കെയര്‍ വര്‍ക്കര്‍ വിസ ആപ്ലിക്കേഷനുകളില്‍ 65% ഇടിവ്!
ഇന്ത്യന്‍ നഴ്‌സുമാര്‍ക്ക് യുകെയില്‍ അവസരങ്ങള്‍ കുറയുന്നു; വിസാ നിയമങ്ങള്‍ കര്‍ശനമാക്കിയതോടെ പുതിയ റിക്രൂട്ട്‌മെന്റുകള്‍ മെല്ലെപ്പോക്കിലാണ്. യുകെയില്‍ പോകാന്‍ ലക്ഷ്യമിട്ട് കേരളത്തിലെ നഴ്‌സിംഗ് കോളേജുകളില്‍ ചേരുന്നവര്‍ നിരവധിയാണ്. എന്നാല്‍ ബ്രിട്ടന്‍ വിസാ നിയന്ത്രണങ്ങള്‍ കര്‍ശനമാക്കാന്‍ തുടങ്ങിയതും, സ്വദേശി നഴ്‌സുമാരെ സിസ്റ്റത്തിലേക്ക് കൂടുതലായി എടുക്കാന്‍ തുടങ്ങിയതും ഈ സ്വപ്‌നങ്ങള്‍ക്ക് വിഘാതം സൃഷ്ടിക്കുകയാണെന്നാണ് മുന്നറിയിപ്പ് .
എന്‍എച്ച്എസിലേക്ക് മുന്‍പ് നടന്നത് പോലെ ആക്ടീവായി റിക്രൂട്ട്‌മെന്റ് നടക്കുന്നില്ല. വിസാ നിയന്ത്രണങ്ങള്‍ കര്‍ശനമാക്കിയതും, ആഭ്യന്തര പരിശീലനം നേടിയവര്‍ക്ക് മുന്‍ഗണന നല്‍കാന്‍ തുടങ്ങിയതുമാണ് ഇന്ത്യന്‍ നഴ്‌സുമാര്‍ക്ക് തിരിച്ചടിയായി മാറുന്നത്. സ്വദേശികളായ നഴ്‌സുമാര്‍ കൂടുതലായി സിസ്റ്റത്തിലേക്ക് പ്രവേശിക്കുന്നതായി ഈ രംഗത്ത്
More »
നിയമ ജോലി ഉപേക്ഷിച്ച് ഫുള്‍ ടൈം ഡോഗ് വാക്കറായി; ദിവസവും 400 പൗണ്ട് വരെ വരുമാനം നേടുന്നുവെന്ന് യുവതി
നിയമ ജോലി ഉപേക്ഷിച്ച് പുതിയ കരിയര്‍ കണ്ടെത്തിയതോടെ സന്തോഷവതിയെന്ന് 30 കാരിയായ ലിസ് ഈസ്റ്റ്. ബ്രിട്ടനിലെ ക്രിമിനല്‍ ഡിഫന്‍സ് മേഖലയില്‍ നിയമ സഹായിയായി ജോലി ചെയ്തിരുന്ന അവര്‍ ആ ജോലി ഉപേക്ഷിച്ച് ഫുള്‍ ടൈം ഡോഗ് വാക്കറായി മാറുകയായിരുന്നു. ഇന്നു ദിവസവും 300 മുതല്‍ 400 പൗണ്ടുവരെ വരുമാനം നേടുന്നുണ്ട് ലിസ്. അതായത് 51400 രൂപയോളം.
നിയമ മേഖലയില്‍ നാലു വര്‍ഷത്തോളം ജോലി ചെയ്ത ലിസ് ഈസ്റ്റിന് ജോലി സമ്മര്‍ദ്ദം താങ്ങാന്‍ കഴിഞ്ഞിരുന്നില്ല. അഡ്മിനിസ്‌ട്രേറ്റീവ് ജോലികള്‍ മുതല്‍ കോടതിയിലെത്തുന്നതും ജയിലുകള്‍ സന്ദര്‍ശിക്കുന്നതും ക്ലയ്ന്റുകളുമായി സംസാരിക്കുന്നതും ഉള്‍പ്പെടെ നിരവധി ചുമതലകള്‍ കൈകാര്യം ചെയ്യേണ്ടിവന്നിരുന്നു. ലിസിന് വ്യക്തിജീവിതത്തില്‍ ശ്രദ്ധ കേന്ദ്രീകരിക്കാന്‍ സമയം കണ്ടെത്താനായില്ല. ജോലി സമ്മര്‍ദ്ദം കൂടിയതോടെയാണ് മാറി ചിന്തിക്കാന്‍ തുടങ്ങിയത്.
ഡോഗ് വാക്കിങ്ങും ഡോഗ് ബോര്‍ഡിങ്ങും ചെയ്യുന്ന ലിസിന്റെ
More »
കിടപ്പുരോഗിയെ ബലാത്സംഗത്തിന് ഇരയാക്കി; പാക് കെയറര്‍ക്ക് 12 വര്‍ഷം ജയില്‍
കിടപ്പുരോഗിയായ വൃദ്ധയെ ബലാത്സംഗത്തിന് ഇരയാക്കിയ പാകിസ്ഥാനി കെയറര്‍ക്ക് ജയില്‍. ശാരീരിക ബുദ്ധിമുട്ട് അനുഭവിച്ചിരുന്ന രോഗിയെ അക്രമിച്ച സംഭവത്തില്‍ 25-കാരന്‍ ഫസ്ലി ഖാദെറിന് 12 വര്‍ഷത്തെ ജയില്‍ശിക്ഷയാണ് കോടതി വിധിച്ചത്.
ബ്രിസ്റ്റോള് യൂണിവേഴ്‌സിറ്റിയില്‍ പഠിക്കാനെത്തിയ ഖാദര്‍ പഠനത്തിനിടെ വരുമാനം നേടാനാണ് കെയററായി സേവനം നല്‍കിയത്. സ്ത്രീയുടെ കുടുംബം അരികിലുണ്ടാകില്ലെന്ന് മനസ്സിലാക്കിയാണ് വിദ്യാര്‍ത്ഥി രോഗിയെ അക്രമിച്ചത്.
രോഗാവസ്ഥയിലുള്ള സ്ത്രീയോട് സ്‌നേഹമാണെന്നും, വിവാഹം കഴിക്കണമെന്നും പറഞ്ഞായിരുന്നു അതിക്രമം. 70-കളില്‍ പ്രായമുള്ള സ്ത്രീയാണ് അക്രമിക്കപ്പെട്ടതെന്ന് ബ്രിസ്റ്റോള് ക്രൗണ്‍ കോടതിയില്‍ വ്യക്തമാക്കി. സംഭവം റിപ്പോര്‍ട്ട് ചെയ്യപ്പെട്ടതോടെ സ്ത്രീയെ ബലാത്സംഗത്തിന് ഇരയാക്കിയെന്ന വാദം ഖാദെര്‍ നിഷേധിച്ചു.
കിടപ്പിലായ രോഗി തന്നെയാണ് ലൈംഗികമായി അക്രമിച്ചതെന്ന വാദമാണ് ഇയാള്‍
More »
യുകെയില്‍ സിക്ക് ബസ് ഡ്രൈവറെ മര്‍ദിച്ച് ബസ് തട്ടിയെടുത്തു; 20കാരന്‍ അറസ്റ്റില്‍
ലണ്ടന്‍ : ഷ്രോപ്ഷെയറിലെ ടെല്‍ഫോര്‍ഡില്‍ ഇന്ത്യന്‍ വംശജനായ സിക്ക് ബസ് ഡ്രൈവറെ ആക്രമിച്ച് ബസ് തട്ടിയെടുത്ത സംഭവത്തില്‍ 20 വയസ്സുകാരനെ പൊലീസ് അറസ്റ്റ് ചെയ്തു. ഡ്രൈവറെ മര്‍ദിച്ച് ബസില്‍നിന്ന് പുറത്തേക്ക് തള്ളിയശേഷം വാഹനം തട്ടിയെടുത്ത് പ്രതിയും സംഘവും കടന്നുകളയുകയായിരുന്നു. വെള്ളിയാഴ്ച പ്രാദേശിക സമയം വൈകുന്നേരം 6.37ഓടെ മെയ്ഡ്ലിയിലെ കോര്‍ട്ട് സ്ട്രീറ്റിലായിരുന്നു സംഭവം. ഡ്രൈവറെ ആക്രമിച്ചശേഷം തട്ടിയെടുത്ത ബസുമായി പ്രതികള്‍ രക്ഷപ്പെടുന്നതിനിടെ സമീപത്ത് നിര്‍ത്തിയിട്ടിരുന്ന നിരവധി കാറുകളില്‍ ഇടിക്കുകയായിരുന്നു. അപകടത്തില്‍ വാഹനങ്ങള്‍ക്ക് കാര്യമായ നാശനഷ്ടമുണ്ടായി.
ബസ് ഡ്രൈവര്‍ ആക്രമിക്കപ്പെട്ടെന്ന വിവരം ലഭിച്ചതിനെ തുടര്‍ന്ന് പൊലീസ് സ്ഥലത്തെത്തിയെങ്കിലും അതിനകം പ്രതികള്‍ ബസുമായി രക്ഷപ്പെട്ടിരുന്നു. തുടര്‍ന്ന് നടത്തിയ അന്വേഷണത്തിലാണ് 20 കാരനെ അറസ്റ്റ് ചെയ്തത്. സംഭവത്തിന്റെ സാഹചര്യങ്ങളും ആക്രമണത്തില്‍
More »
