യുകെയില്‍ വിലക്കുറവിന്റെ സൂപ്പര്‍ മാര്‍ക്കറ്റ് പദവി ലിഡില്‍ സ്വന്തമാക്കി; പിന്തള്ളിയത് ആല്‍ഡിയെ
ജീവിതച്ചെലവും ഭക്ഷ്യചെലവും കുതിച്ചുയരുന്ന കാലത്തു സൂപ്പര്‍മാര്‍ക്കറ്റ് ഭീമന്മാരുടെ നടപടി ഏറെ നിര്‍ണായകമാണ്. വിലക്കയറ്റം നിലനില്‍ക്കുന്ന സമയത്തു ഉപഭോക്താക്കളെ വലുതായി പിഴിയാത്ത സൂപ്പര്‍മാര്‍ക്കറ്റ് ലിഡില്‍ ആണ്. ഈ മാസം, ഏറ്റവും വിലക്കുറവില്‍ അവശ്യ സാധനങ്ങള്‍ ലഭിക്കുന്ന സൂപ്പര്‍മാര്‍ക്കറ്റ് എന്ന പദവിയാണ് ലിഡില്‍ നേടിയത് . കഴിഞ്ഞ രണ്ട് വര്‍ഷക്കാലമായി ഈ പദവിയില്‍ തുടരുകയായിരുന്ന ആല്‍ഡിയെ പിന്തള്ളിക്കൊണ്ടാണ് ലിഡില്‍ ഈ നേട്ടം കൈവരിച്ചത്. 76 അവശ്യ സാധനങ്ങള്‍ അടങ്ങിയ ഒരു കൂടയുടെ വില കണക്കാക്കി, ഉപഭോക്തൃ താത്പര്യ സംരക്ഷണാര്‍ത്ഥം പ്രവര്‍ത്തിക്കുന്ന സംഘടനയായ വിച്ച് ? നടത്തിയ പഠനത്തിലാണ് ഇക്കാര്യം വെളിപ്പെട്ടത്.
യുകെയിലെ എട്ട് വലിയ സൂപ്പര്‍മാര്‍ക്കറ്റുകളില്‍ എല്ലാ മാസവും വിച്ച് ? ഇത്തരത്തിലുള്ള പഠനം നടത്താറുണ്ട്. കഴിഞ്ഞ 20 മാസമായി, ഏറ്റവും വിലക്കുറവുള്ള സൂപ്പര്‍മാര്‍ക്കറ്റ് എന്ന സ്ഥാനം
More »
11 രാജ്യങ്ങള്‍ പിന്നിട്ട് റോഡ് മാര്‍ഗം ലണ്ടനിലെത്തി അഞ്ചംഗ മലയാളി സംഘം
ദുബായ് മുതല്‍ ലണ്ടന്‍ വരെ ഒരു മാസം കൊണ്ട് റോഡ് മാര്‍ഗം എത്തി അഞ്ചംഗ മലയാളി സംഘം. മലയാളീസ് എന്ന പേരിട്ട വാഹനത്തില്‍ സഞ്ചരിച്ച് പതിനൊന്ന് രാജ്യങ്ങളിലൂടെ കടന്ന് ലണ്ടനില്‍ എത്തിയ സംഘത്തിന് ലണ്ടന്‍ മലയാളികള്‍ സ്‌നേഹോഷ്മള വരവേല്‍പ്പ് നല്‍കി. ബ്രിട്ടന്‍ മലബാര്‍ അസോസിയേഷന്റെ നേതൃത്വത്തില്‍ ലണ്ടന്‍ ഈസ്റ്റ് ഹാമിലെ റെസ്റ്റോറന്റിലാണ് സ്വീകരണ പരിപാടി സംഘടിപ്പിച്ചത്. ദുബായ്, ഇറാന്‍, തുര്‍ക്കി, ബള്‍ഗേരിയ, റോമേനിയ, ഹങ്കറി, സ്ലോവാക്കിയ, ഓസ്ട്രിയ, സ്വിറ്റ്സ്വര്‍ലാന്‍ഡ്, ഫ്രാന്‍സ് എന്നി രാജ്യങ്ങള്‍ പിന്നിട്ടാണ് ഷിബിലി, ഷാഹിദ് മാണിക്കൊത്ത്, യൂനസ് ഗസല്‍, ആബിദ് ഫ്‌ലൈവീല്‍, മുഫീദ് എന്നിവര്‍ ലണ്ടനില്‍ എത്തിയത്. പാലക്കാട്, മലപ്പുറം, വയനാട് സ്വദേശികളായ ഇവര്‍ സ്വന്തം വാഹനത്തില്‍ ഒരു മാസക്കാലം എടുത്താണ് ലണ്ടനില്‍ എത്തിയത്.
കോവിഡും മറ്റു പ്രശ്‌നങ്ങളും മൂലം മുടങ്ങിപ്പോയ യാത്ര തുടങ്ങിയപ്പോള്‍ ഉണ്ടായ ഇസ്രായേല്‍ -ഇറാന്‍
More »
അയര്‍ലന്‍ഡില്‍ വീണ്ടും വംശീയാക്രമണം; ഇന്ത്യന്‍ ടാക്‌സി ഡ്രൈവറുടെ തല അടിച്ച് പൊട്ടിച്ചു
അയര്‍ലന്‍ഡില്‍ വീണ്ടും ഇന്ത്യന്‍ വംശജന് നേരെ വംശീയാക്രമണം. ഡബ്ലിനില്‍ നിന്നും ആണ് വീണ്ടും വംശീയാക്രമണം നടന്നതായി റിപ്പോര്‍ട്ട് പറയുന്നത്. കഴിഞ്ഞ ഒരു മാസത്തിനിടെ അയര്‍ലന്‍ഡില്‍ നിന്നും ഇന്ത്യന്‍ വംശജര്‍ക്ക് നേരെ നടക്കുന്ന മൂന്നാമത്തെ അക്രമണമാണ് ഇതെന്നും റിപ്പോര്‍ട്ട് ചെയ്യപ്പെടുന്നു. ലഖ്വീര്‍ സിംഗ് എന്ന ടാക്‌സി ഡ്രൈവറെ രണ്ടുപേര്‍ ചേര്‍ന്ന് കുപ്പി കൊണ്ട് തലയ്ക്ക് അടിച്ച് പരിക്കേല്‍പ്പിക്കുകയായിരുന്നെന്ന് റിപ്പോര്‍ട്ടുകള്‍ പറയുന്നു. കഴിഞ്ഞ 23 വര്‍ഷമായി ലഖ്വീര്‍ സിംഗ് അയര്‍ലണ്ടില്‍ താമസിക്കുകയാണ്. ഏതാണ്ട് 10 വര്‍ഷത്തിന് മേലെയായി അദ്ദേഹം ഒരു ക്യാബ് ഡ്രൈവര്‍ കൂടിയാണെന്നും റിപ്പോര്‍ട്ടില്‍ പറയുന്നു.
കാര്‍ വാടകയ്ക്ക് വിളിച്ച രണ്ട് പേര്‍ യാത്രയ്ക്കിടെ ലഖ്വീര്‍ സിംഗിന്റെ തലയ്ക്ക് കുപ്പി കൊണ്ട് അടിക്കുകയായിരുന്നു. അടുത്തിടെയായി അയര്‍ലന്‍ഡില്‍ ഇന്ത്യന്‍ വംശജര്‍ക്ക് നേരെ വംശീയാക്രമണങ്ങള്‍
More »
യുകെയെ പിടിച്ചുലച്ച് ഫ്ലോറിസ് കൊടുങ്കാറ്റ്; കനത്ത നാശം ; ജനജീവിതം താറുമാറായി; വൈദ്യുതി മുടങ്ങി, വ്യോമ- റോഡ് ഗതാഗതത്തെയും ബാധിച്ചു
മണിക്കൂറില്‍ 124 മൈല്‍ വേഗത്തില്‍ ആഞ്ഞുവീശിയ ഫ്ലോറിസ് കൊടുങ്കാറ്റ് വടക്കന്‍ അംഗ്ലണ്ടിലും വെയില്‍സിലും സ്‌കോട്‌ലന്‍ഡിലും നോര്‍ത്തേണ്‍ അയര്‍ലന്‍ഡിലും കനത്ത നാശം വിതച്ചു. ജനജീവിതം താറുമാറായി. ശക്തമായ കാറ്റില്‍ വൈദ്യുതി ലൈനുകള്‍ പൊട്ടി പലയിടത്തും വൈദ്യുതി തടസ്സം നേരിട്ടു.
റെയില്‍, വ്യോമ ,റോഡ് ഗതാഗതം താറുമാറായി. വലിയ മരങ്ങള്‍ വീണതു നീക്കം ചെയ്യാനുള്ള പ്രവര്‍ത്തനങ്ങള്‍ തുടരുകയാണ്. ഗതാഗതം പുനരാരംഭിക്കാനുള്ള പ്രവര്‍ത്തനങ്ങള്‍ നടക്കുകയാണ്. ന്യൂകാസില്‍ മുതല്‍ വടക്കോട്ടേക്കുള്ള എല്ലാ റെയില്‍ സര്‍വീസുകളും ഈസ്റ്റ് കോസ്റ്റ് കമ്പനി നിര്‍ത്തിവച്ചു. സ്‌കോട്‌ലന്‍ഡ്, നോര്‍ത്തേണ്‍ അയര്‍ലന്‍ഡ്, വെയില്‍സ്, വടക്കന്‍ ഇംഗ്ലണ്ട് എന്നിവിടങ്ങളില്‍ ജാഗ്രതാ നിര്‍ദ്ദേശം നിലനില്‍ക്കുകയാണ്.
ന്യൂപോര്‍ട്ട്, സൗത്ത് വെയില്‍ത്ത്, സൗത്ത് ലങ്കാഷെയര്‍ എന്നിവിടങ്ങളില്‍ ഗതാഗത തടസ്സമുണ്ടായി. കാറ്റിനൊപ്പം ശക്തമായ മഴയും
More »
എയര്‍ ഇന്ത്യ വിമാന ദുരന്തം: വെംബ്ലിയില്‍ വിപുലമായ അനുസ്‌മരണ ചടങ്ങ് നടത്തി
എയര്‍ ഇന്ത്യ വിമാന ദുരന്തത്തില്‍ ജീവന് നഷ്ടമായത് ഇന്ത്യന്‍ വംശജരടക്കം 53 ബ്രിട്ടീഷ് പൗരന്മാര്‍ക്കാണ്.
ദുരന്തത്തില്‍ ജീവന് നഷ്ടമായവരെ അനുസ്മരിക്കാന്‍ കഴിഞ്ഞ ദിവസം വെംബ്ലിയില്‍ ഒരു അനുസ്‌മരണ ചടങ്ങ് നടത്തപ്പെട്ടു. 130-ലധികം പേര്‍ ചടങ്ങില്‍ പങ്കെടുത്തു. തങ്ങളുടെ പ്രിയപ്പെട്ടവരുടെ വേര്‍പാടില്‍ ദുഃഖിക്കുന്ന കുടുംബാംഗങ്ങളെയും സുഹൃത്തുക്കളെയും ഒരുമിച്ച് കൊണ്ടുവരുക എന്ന ലക്ഷ്യത്തോടെയാണ് ചടങ്ങുകള്‍ നടത്തപ്പെട്ടത്. അപകടത്തില്‍ മരിച്ച തന്റെ മാതാപിതാക്കളായ അശോകിനെയും ശോഭന പട്ടേലിനെയും ആദരിക്കുന്നതിനായി മിതന്‍ പട്ടേല്‍ സത്താവിസ് പട്ടീദാര്‍ സെന്ററിലാണ് ചടങ്ങുകള്‍ സംഘടിപ്പിച്ചത്.
യുകെയിലും ഇന്ത്യയിലുമുള്ള നിരവധി കുടുംബങ്ങളുടെ ജീവിതത്തില്‍ എയര്‍ ഇന്ത്യ ദുരന്തം വലിയൊരു ശൂന്യതായാണ് കൊണ്ടുവന്നിരിക്കുന്നത്. തങ്ങളുടെ പ്രിയപെട്ടവരെ നഷ്‌ടമായ വേദനയില്‍ നിന്ന് പലരും
More »
നണീറ്റണില്‍ 12 വയസുകാരിയെ ബലാത്സംഗം ചെയ്തു കൊലപ്പെടുത്തി; 2 പേരെ കോടതിയില്‍ ഹാജരാക്കി
യുകെയെ ഞെട്ടിച്ചു നണീറ്റണില്‍ 12 വയസ്സുള്ള പെണ്‍കുട്ടിയെ ക്രൂരമായി ബലാത്സംഗം ചെയ്ത ചെയ്തു കൊലപ്പെടുത്തിയ കേസില്‍ രണ്ട് പുരുഷന്മാരെ കോടതിയില്‍ ഹാജരാക്കി. പ്രധാന പ്രതിയായ അഹമ്മദ് മുലഖില്‍ രണ്ട് ബലാത്സംഗ കുറ്റങ്ങള്‍ ആണ് നേരിടുന്നുത്. രണ്ടാം പ്രതിയായ മുഹമ്മദ് കബീറിന്റെ മേല്‍ 13 വയസ്സിന് താഴെയുള്ള പെണ്‍കുട്ടിയെ തട്ടിക്കൊണ്ടുപോകല്‍, കഴുത്ത് ഞെരിച്ച് കൊല്ലല്‍, ബലാത്സംഗത്തിന് സഹായിക്കല്‍ എന്നീ കുറ്റങ്ങള്‍ ആണ് ചുമത്തിയിയിരിക്കുന്നത്.
പ്രതികളായ രണ്ടുപേരും അനധികൃത കുടിയേറ്റക്കാരാണെന്ന ആരോപണം വാര്‍വിക്ഷയര്‍ കൗണ്ടി കൗണ്‍സില്‍ നേതാവ് ജോര്‍ജ് ഫിഞ്ച് ഉന്നയിച്ചിട്ടുണ്ട്. ഇതിന് ഔദ്യോഗിക സ്ഥിരീകരണം ഇതുവരെ ലഭിച്ചിട്ടില്ല . വാര്‍വിക്ഷയര്‍ പോലീസും ഹോം ഓഫീസും അവരുടെ ഇമിഗ്രേഷന്‍ സ്റ്റാറ്റസ് മറച്ചുവെച്ചതായി ആരോപണങ്ങളും ഉയര്‍ന്നുവന്നിട്ടുണ്ട്. കാരണം മറ്റൊരു കുടിയേറ്റ വിരുദ്ധ പ്രതിഷേധം ഒഴിവാക്കാനാണിത്.
സംഭവത്തെ
More »
കേംബ്രിഡ്ജില്‍ വിദേശ വിദ്യാര്‍ഥി കുത്തേറ്റ് മരിച്ചു; 2 പേര്‍ അറസ്റ്റില്‍
കേംബ്രിഡ്ജ് ട്രെയിന്‍ സ്റ്റേഷന് സമീപമുള്ള മില്‍ പാര്‍ക്കില്‍ വിദേശ വിദ്യാര്‍ഥി കുത്തേറ്റ് മരിച്ചു. സൗദി പൗരനായ മുഹമ്മദ് അല്‍ഗാസിം (20) ആണ് കൊല്ലപ്പെട്ടത്. കേസില്‍ രണ്ട് പേരെ പൊലീസ് അറസ്റ്റ് ചെയ്തിട്ടുണ്ട്.
കേംബ്രിഡ്ജ് സ്വദേശിയായ ചാസ് കോറിഗനെ(21) കൊലപാതകം, ആയുധം കൈവശം വയ്ക്കല്‍ എന്നീ കുറ്റങ്ങള്‍ ചുമത്തിയാണ് അറസ്റ്റ് ചെയ്തിരിക്കുന്നത്. ഇയാളെ പീറ്റര്‍ബറോ മജിസ്‌ട്രേറ്റ് കോടതിയില്‍ ഹാജരാക്കി. ബുധനാഴ്ച കേംബ്രിഡ്ജ് ക്രൗണ്‍ കോടതിയില്‍ വാദം കേള്‍ക്കുന്നതുവരെ ചാസിനെ പീറ്റര്‍ബറോ മജിസ്‌ട്രേറ്റ് കോടതി കസ്റ്റഡിയില്‍ വിട്ടു. ചാസിനുപുറമെ കൊലപാതകത്തിന് സഹായം ചെയ്തതായി സംശയിക്കുന്ന 50 വയസ്സുകാരനെയും പൊലീസ് അറസ്റ്റ് ചെയ്തിട്ടുണ്ട്.
വിദേശ വിദ്യാര്‍ഥികള്‍ക്ക് ഇംഗ്ലിഷ് ഭാഷാ കോഴ്സുകള്‍ വാഗ്ദാനം ചെയ്യുന്ന സ്വകാര്യ സ്കൂളായ കേംബ്രിജിലെ പത്ത് ആഴ്ചത്തെ പ്ലേസ്‌മെന്റ് പഠനത്തിനാണ് മുഹമ്മദ് അല്‍ഗാസിം യുകെയിലെത്തിയത്.
More »
അതിശക്തമായ മഴ വരുന്നു; ആംബര്‍ മുന്നറിയിപ്പിന് പിന്നാലെ ജനങ്ങളോട് ഇന്‍ഡോറില്‍ തുടരാന്‍ നിര്‍ദ്ദേശവുമായി വിദഗ്ധര്‍
യുകെയിലെ കാലാവസ്ഥ മാറ്റിമറിക്കാന്‍ ഫ്‌ളോറിസ് കൊടുങ്കാറ്റ് വരുന്നു. 85 മൈല്‍ വേഗത്തില്‍ കാറ്റ് വീശുമെന്ന് ഉറപ്പായതോടെ ആംബര്‍ കാലാവസ്ഥാ മുന്നറിയിപ്പാണ് രാജ്യത്ത് പുറപ്പെടുവിച്ചിരിക്കുന്നത്. ജനങ്ങള്‍ പരമാവധി ഇന്‍ഡോറുകളില്‍ തുടരാനാണ് നിര്‍ദ്ദേശം. വാതിലുകള്‍ അടച്ചിടണമെന്നാണ് നിര്‍ദ്ദേശം.
2024-25 വര്‍ഷത്തെ ആറാമത്തെ പേരിട്ട കൊടുങ്കാറ്റാണ് ഫ്‌ളോറിസ്. തിങ്കളാഴ്ച കൊടുങ്കാറ്റിന്റെ പ്രഭാവം രാജ്യം അറിയുമെന്നാണ് വിദഗ്ധര്‍ അറിയിക്കുന്നത്. സ്‌കോട്ട്‌ലണ്ടിലാണ് ഏറ്റവും കൂടുതല്‍ സാധ്യത. രാവിലെ 10 മുതല്‍ രാത്രി 10 വരെ ഇവരെ ജീവന് അപകടം സൃഷ്ടിക്കുന്ന അലേര്‍ട്ടാണ് നല്‍കിയിരിക്കുന്നത്.
സൗത്ത് മേഖലയില്‍ മാഞ്ചസ്റ്റര്‍ വരെയും, നോര്‍ത്ത് വെയില്‍സ് വരെയും കാറ്റിനുള്ള മഞ്ഞ ജാഗ്രതയാണ്. നോര്‍ത്തേണ്‍ അയര്‍ലണ്ടില്‍ രാവിലെ 6 മുതല്‍ അര്‍ദ്ധരാത്രി വരെയും മുന്നറിയിപ്പ് നിലവിലുണ്ട്.
തിങ്കളാഴ്ച യുകെയിലെ
More »
മാറ്റമുണ്ടാക്കിയില്ലെങ്കില്‍ അടുത്ത തെരഞ്ഞെടുപ്പില്‍ ലേബര്‍ പച്ച തൊടില്ലെന്ന് സമ്മതിച്ച് ചാന്‍സലര്‍
ലേബര്‍ പാര്‍ട്ടി അധികാരത്തിലെത്തിയിട്ട് ഒരു വര്‍ഷം തികയുമ്പോള്‍ വോട്ടര്‍മാര്‍ക്ക് കടുത്ത അതൃപ്‍തിയിലാണ്. ഗവണ്‍മെന്റിന്റെ പല നയങ്ങളും ജനവിരുദ്ധമായി മാറുന്ന കാഴ്ചയാണ്. അതിനൊപ്പം മാറ്റം കൊണ്ടുവരാന്‍ ഉദ്ദേശിച്ചുള്ള നയങ്ങളൊന്നും മുന്നോട്ട് കൊണ്ടുപോകാന്‍ അവര്‍ക്ക് സാധിക്കുന്നുമില്ല.
ഈ ഘട്ടത്തിലാണ് രാജ്യത്ത് മാറ്റം ഉണ്ടാക്കിയില്ലെങ്കില്‍ അടുത്ത തെരഞ്ഞെടുപ്പ് വിജയിക്കാന്‍ ലേബറിന് യോഗ്യതയില്ലെന്ന് റേച്ചല്‍ റീവ്‌സ് തന്നെ സമ്മതിക്കുന്നത്. ഗവണ്‍മെന്റ് രൂപീകരിച്ച ശേഷമുള്ള പല സംഭവങ്ങളും വോട്ടര്‍മാരെ നിരാശരാക്കുന്നതാണെന്നും ചാന്‍സലര്‍ സമ്മതിക്കുന്നു.
വിന്റര്‍ ഫ്യൂവല്‍ അലവന്‍സും, വെല്‍ഫെയര്‍ പരിഷ്‌കാരങ്ങളും ഉള്‍പ്പെടെ പല യു-ടേണുകളും ചില വോട്ടര്‍മാര്‍ക്ക് അസന്തുഷ്ടി സമ്മാനിക്കുന്നതാണെന്ന് മനസ്സിലാക്കുന്നതായി റീവ്‌സ് പറയുന്നു. എന്നാല്‍ കണ്‍സര്‍വേറ്റീവുകളില്‍ നിന്നും വെല്ലുവിളി നിറഞ്ഞ
More »
