ജയില്‍മോചിതരാകുന്നത് കൊടുംക്രിമിനലുകള്‍; വിഷയത്തില്‍ വിഷയത്തില്‍ ഇടപെട്ട് പ്രധാനമന്ത്രി
യുകെയിലെ ജയിലുകളിലെ തിക്കും തിരക്കും പരിഗണിച്ച് കുറ്റവാളികളെ ശിക്ഷ പൂര്‍ത്തിയാകുന്നതിന് മുന്‍പ് മോചിപ്പിക്കാനുള്ള സ്‌കീം പ്രതിസന്ധിയില്‍. സ്‌കീം റിവ്യൂ ചെയ്യാന്‍ പ്രധാനമന്ത്രി ആന്‍ഡി ബേണ്‍ഹാം ഉത്തരവ് നല്‍കിയെങ്കിലും പദ്ധതിയുമായി മുന്നോട്ട് പോകുമെന്നാണ് നിലവിലെ സൂചന.
പോലീസുകാരന്‍ ആന്‍ഡ്രൂ ഹാര്‍പ്പറുടെ കൊലയാളികളും ശിക്ഷാ കാലാവധി പൂര്‍ത്തിയാകുന്നതിന് മുന്‍പ് പുറത്തുവരുമെന്ന് വ്യക്തമായതോടെ വിഷയം പരിശോധിക്കുമെന്ന് പ്രധാനമന്ത്രി പ്രഖ്യാപിച്ചിരുന്നു. 13 വര്‍ഷത്തെ ശിക്ഷ കിട്ടിയ കൊലയാളികള്‍ പകുതി ശിക്ഷ പോലും പൂര്‍ത്തിയാക്കും മുന്‍പ് പുറത്തിറങ്ങുന്നതിനെ ഹാര്‍പ്പറുടെ വിധവ ലിസി ഹാര്‍പ്പര്‍ രൂക്ഷമായി വിമര്‍ശിച്ചിരുന്നു.
സെപ്റ്റംബറിലാണ് പുതിയ സെന്റന്‍സിംഗ് ആക്ട് നിലവില്‍ വരുന്നത്. കുറ്റവാളികളെ മുന്‍കൂര്‍ മോചിപ്പിക്കുന്ന ഈ സ്‌കീം പ്രകാരം 6000 ക്രിമിനലുകളെങ്കിലും പുറത്തിറങ്ങുമെന്നാണ് കണക്ക്.
More »
പിപിഇ കിറ്റിന്റെ പേരില്‍ വന്‍ തട്ടിപ്പ്; ഇന്ത്യന്‍ ദമ്പതികള്‍ കുറ്റക്കാരെന്ന് യുകെ കോടതി
കോവിഡ് കാലത്ത് യുകെയില്‍ പിപിഇ കിറ്റിന്റെ പേരില്‍ വന്‍ തട്ടിപ്പ് നടത്തിയ ഇന്ത്യന്‍ വംശജരായ ദമ്പതിമാര്‍ കുറ്റക്കാരെന്ന് കണ്ടെത്തി. ഇന്ത്യന്‍ വംശജരായ ജോഗേഷ് ഭണ്ഡാരി(59) ഭാര്യ മീനാക്ഷി ഭണ്ഡാരി(58) എന്നിവരാണ് തട്ടിപ്പ് കേസില്‍ കുറ്റക്കാരെന്ന് കണ്ടെത്തിയത്. ഇവരുടെ കമ്പനിയില്‍ ജീവനക്കാരനായ ക്രെയ്ഗ് മോറിസും(43) കേസില്‍ കുറ്റക്കാരനാണ്. ഓഗസ്റ്റ് 21-ന് പ്രതികള്‍ക്കുള്ള ശിക്ഷ വിധിക്കും.
ലോകമാകെ കോവിഡ് വ്യാപനമുണ്ടായ 2020-21 കാലത്താണ് ദമ്പതിമാര്‍ തട്ടിപ്പ് നടത്തിയത്. കോവിഡ് വ്യാപനം രൂക്ഷമായ സമയത്ത് പേഴ്‌സണല്‍ പ്രൊട്ടക്റ്റീവ് എക്വിപ്‌മെന്റി(പിപിഇ)ന് വലിയ ക്ഷാമം നേരിട്ടിരുന്നു. ഈ അവസരം മുതലെടുത്താണ് ദമ്പതിമാര്‍ പണം തട്ടിയത്.
പിപിഇ കിറ്റിന്റെ ഭാഗമായ നെട്രൈല്‍ ഗ്ലൗസുകള്‍ വിതരണം ചെയ്യാമെന്ന് വാഗ്ദാനംചെയ്താണ് ജോഗേഷ് ഭണ്ഡാരി വന്‍തോതില്‍ പണം കൈക്കലാക്കിയത്. ഇതിനായി 2020-ല്‍ കമ്പനി സ്ഥാപിച്ച ഇയാള്‍, വിശ്വാസം നേടാനായി കമ്പനിയുടെ
More »
യുകെയില്‍ ജോബ് വേക്കന്‍സികള്‍ വെട്ടിക്കുറച്ച് സ്ഥാപനങ്ങള്‍; തൊഴിലില്ലായ്മ 4.9 ശതമാനത്തില്‍
യുകെയില്‍ തൊഴില്‍ മേഖല കടുത്ത വെല്ലുവിളികളിലൂടെ കടന്നുപോകുന്നു. രാജ്യത്തെ ജോബ് വേക്കന്‍സികള്‍ വെട്ടിക്കുറച്ചിരിക്കുകയാണ് എംപ്ലോയേഴ്‌സ്. ജൂണ്‍ മാസത്തിലെ ഔദ്യോഗിക കണക്കുകള്‍ പുറത്തുവന്നതോടെയാണ് രാജ്യത്തെ തൊഴില്‍ മേഖല ഏത് ഭാഗത്തേക്കാണ് ചായുന്നതെന്ന് വ്യക്തമായത്.
ജോബ് വേക്കന്‍സികള്‍ 712,000 ആയാണ് കുറഞ്ഞിരിക്കുന്നത്. മേയ് വരെയുള്ള മൂന്ന് മാസങ്ങളില്‍ എംപ്ലോയേഴ്‌സ് പുതിയ ജീവനക്കാരെ എടുക്കുന്നത് നിര്‍ത്തിവെച്ചതാണ് ഇതിന് കാരണമെന്ന് നാഷണല്‍ സ്റ്റാറ്റിസ്റ്റിക്‌സ് ഓഫീസ് പറഞ്ഞു.
മേയ് മാസത്തിലെ തൊഴിലില്ലായ്മ നിരക്ക് 4.9 ശതമാനത്തില്‍ മാറ്റമില്ലാതെ തുടരുന്നതായും കണക്കുകള്‍ വ്യക്തമാക്കി. സമ്പദ് വ്യവസ്ഥയ്ക്ക് പുതിയ ഊര്‍ജ്ജം കണ്ടെത്താനുള്ള ദൗത്യവുമായി ആന്‍ഡി ബേണ്‍ഹാം പ്രധാനമന്ത്രി പദം ഏറ്റെടുത്തതിന് പിന്നാലെയാണ് തൊഴിലുകളുടെ എണ്ണം ചുരുങ്ങുന്നതായി വ്യക്തമായത്.
തന്റെ 10 വര്‍ഷത്തെ ഇക്കണോമിക്
More »
തേംസ് വാട്ടറും ഹോസ് പൈപ് നിരോധനം പ്രഖ്യാപിച്ചു; ചൂട് തുടര്‍ന്നാല്‍ ഭക്ഷ്യ ക്ഷാമവും
ചൂടേറിയ കാലാവസ്ഥ തുടരുന്നതിനിടയില്‍ പത്ത് ദശലക്ഷത്തോളം ഉപഭോക്താക്കള്‍ക്ക് ഹോസ്‌പൈപ്പ് നിരോധനം പ്രഖ്യാപിച്ച് തേംസ് വാട്ടര്‍ രംഗത്തെത്തി. വ്യാഴാഴ്ച്ച അതിരാവിലെ 12.01 മുതലായിരിക്കും നിരോധനം നിലവില്‍ വരിക. എന്നിരുന്നാലും, നിയന്ത്രണങ്ങള്‍ ഇപ്പോള്‍ മുതല്‍ തന്നെ പിന്തുടരുവാനാണ് കമ്പനി ഉപഭോക്താക്കളോട് നിര്‍ദ്ദേശിച്ചിരിക്കുന്നത്. ലണ്ടനിലെയും, തേംസ് വാലിയിലെയും ഹോം കൗണ്ടികളിലെയും ഏകദേശം 10.1 മില്യണ്‍ ഉപഭോക്താക്കളെയും ഈ നിരോധനം ബാധിക്കും. എന്നാല്‍, മലിനജലം മാത്രം കൈകാര്യം ചെയ്യുന്ന ഉപഭോക്താക്കള്‍ക്ക് ഈ നിയന്ത്രണം ബാധകമാവില്ല.
നിരോധനം നിലവില്‍ വരുന്നതോടെ ചെടികള്‍ക്ക് വെള്ളം നനയ്ക്കുക, കാര്‍ കഴുകുക, പാഡ്‌ലിംഗ് പൂളുകളും ഹോട്ട് ടബ്ബുകളും നിറയ്ക്കുക തുടങ്ങിയ അത്യാവശ്യമല്ലാത്ത കാര്യങ്ങള്‍ക്ക് ഹോസ്‌പൈപ്പ് ഉപയോഗിക്കാന്‍ കഴിയില്ല. താപനിലയില്‍ റെക്കോര്‍ഡിട്ട് കടന്നുപോയ മൂന്ന് ഉഷ്ണതരംഗങ്ങള്‍ ഇംഗ്ലണ്ടിലെയും
More »
സിജെപി സമരത്തിന് പിന്തുണയുമായി ലണ്ടനിലും ന്യൂയോര്‍ക്കിലും പ്രതിഷേധം
നീറ്റ് പരീക്ഷാ ക്രമക്കേടില്‍ കോക്‌റോച്ച് ജനത പാര്‍ട്ടി (സിജെപി) പ്രവര്‍ത്തകര്‍ ഡല്‍ഹിയില്‍ നടത്തുന്ന പ്രതിഷേധത്തിന് ഐക്യദാര്‍ഢ്യം അറിയിച്ച് വിദേശ രാജ്യങ്ങളിലും ഇന്ത്യക്കാരുടെ പ്രതിഷേധം. ന്യൂയോര്‍ക്കിലും ലണ്ടനിലും ഇന്ത്യന്‍ സമൂഹത്തിന്റെ നേതൃത്വത്തില്‍ പ്രതിഷേധം സംഘടിപ്പിച്ചു.
ന്യൂയോര്‍ക്ക് സിറ്റിയിലെ യൂണിയന്‍ സ്‌ക്വയറിലുള്ള മഹാത്മ ഗാന്ധിയുടെ പ്രതിമയ്ക്ക് സമീപം ഒത്തുകൂടിയ പ്രതിഷേധക്കാര്‍, സിജെപി പ്രവര്‍ത്തകരുടെ സമരത്തിന് പിന്തുണ അറിയിച്ചു. 'ഞാനും ഒരു പാറ്റയാണ്' എന്ന വാചകത്തോട് കൂടിയ പ്ലക്കാര്‍ഡുകള്‍ അടക്കം പിടിച്ചായിരുന്നു പ്രതിഷേധം.
ലണ്ടനില്‍ ഇന്ത്യന്‍ ഹൈക്കമ്മീഷന്റെ പുറത്തായിരുന്നു പ്രതിഷേധം നടന്നത്. പ്ലക്കാര്‍ഡുകള്‍ ഏന്തിയും മുദ്രാവാക്യങ്ങള്‍ വിളിച്ചും പ്രകടനക്കാര്‍ തങ്ങളുടെ പിന്തുണ അറിയിക്കുകയും രാജ്യത്തെ പരീക്ഷാ - വിദ്യാഭ്യാസ സമ്പ്രദായത്തില്‍ കൂടുതല്‍ സുതാര്യതയും
More »
യുകെയിലെ മലയാളി ദമ്പതികള്‍ക്ക് നേരെ സെര്‍ബിയയില്‍ അതിക്രമം
അവധിക്കാലം ആഘോഷിക്കാനായി സെര്‍ബിയയിലെത്തിയ യുകെയിലെ മലയാളി ദമ്പതികള്‍ക്ക് നേരെ അതിക്രമം. ലണ്ടനില്‍ താമസിക്കുന്ന പാലക്കാട് സ്വദേശികളായ ദമ്പതികള്‍ക്കാണ് ബെല്‍ഗ്രേഡില്‍ അപരിചിതരായ യുവാക്കളുടെ ഭാഗത്തുനിന്ന് ദുരനുഭവമുണ്ടായത്.
ജൂലൈ 17ന് വൈകിട്ട് 5.30നും 6നും ഇടയിലാണ് ദമ്പതികള്‍ സെര്‍ബിയയിലെത്തിയത്. രാജ്യത്തെത്തിയതിന് പിന്നാലെ ബെല്‍ഗ്രേഡിലൂടെ നടന്നുകൊണ്ട് ട്രാവല്‍ വ്ലോഗ് ചിത്രീകരിക്കുന്നതിനിടെയാണ് മൂന്ന് യുവാക്കള്‍ ഇവരെ പിന്തുടര്‍ന്നത്.
തുടര്‍ന്ന് സംഘത്തിലൊരാള്‍ യുവതിയുടെ സ്ലിങ് ബാഗില്‍ പിടിച്ചുവലിക്കാന്‍ ശ്രമിച്ചു. ആദ്യം ഇത് ശ്രദ്ധിക്കാതെ മുന്നോട്ട് നടന്ന ദമ്പതികള്‍, വീണ്ടും ബാഗില്‍ തൊട്ടതോടെ ജാഗ്രത പാലിച്ച് അത് മുന്നിലേക്ക് മാറ്റി. ഇതിനുശേഷം സംഘത്തിലൊരാള്‍ തന്റെ വസ്ത്രത്തില്‍ പിടിച്ച് വലിച്ചതായും യുവതി പറഞ്ഞു.
ഇതോടെ ദമ്പതികള്‍ തിരിഞ്ഞുനിന്ന് ഇവര്‍ക്കെതിരെ
More »
ലിസ നാന്‍ഡിക്ക് ഡിജിറ്റല്‍ ചുമതലയും; ബേണ്‍ഹാം മന്ത്രിസഭയില്‍ സുപ്രധാന പദവി
കൊല്‍ക്കത്തയില്‍നിന്ന് ബ്രിട്ടനിലേക്കു കുടിയേറിയ ഇന്ത്യന്‍ അക്കാദമിക്കിന്റെ മകള്‍ ലിസ നാന്‍ഡി (46) വീണ്ടും ബ്രിട്ടീഷ് മന്ത്രിസഭയിലെ പ്രധാന മുഖം. പ്രധാനമന്ത്രി ആന്‍ഡി ബേണ്‍ഹാം പ്രഖ്യാപിച്ച മന്ത്രിസഭയില്‍ ഡിജിറ്റല്‍, സാംസ്‌കാരികം, മാധ്യമം, കായികം വകുപ്പിന്റെ സെക്രട്ടറിയായാണ് ലിസയെ നിയമിച്ചത്. സ്റ്റാര്‍മര്‍ സര്‍ക്കാരില്‍ 2024 ജൂലൈ മുതല്‍ സാംസ്‌കാരികം, മാധ്യമം, കായികം വകുപ്പിന്റെ സെക്രട്ടറിയായിരുന്നു ലിസ. പുതിയ മന്ത്രിസഭയില്‍ ഡിജിറ്റല്‍ മേഖലകൂടി ഉള്‍പ്പെടുത്തി വിപുലീകരിച്ച വകുപ്പിന്റെ ചുമതലയാണ് നല്‍കിയിരിക്കുന്നത്. ജൂലൈ 20നാണ് നിയമനം പ്രാബല്യത്തില്‍ വന്നത്. ബ്രിട്ടീഷ് സര്‍ക്കാരിന്റെ ഔദ്യോഗിക അറിയിപ്പ്
1979 ഓഗസ്റ്റ് ഒന്‍പതിന് മാഞ്ചസ്റ്ററില്‍ ജനിച്ച ലിസ, 2010 മുതല്‍ ഗ്രേറ്റര്‍ മാഞ്ചസ്റ്ററിലെ വിഗന്‍ മണ്ഡലത്തെ പ്രതിനിധീകരിക്കുന്ന ലേബര്‍ എംപിയാണ്. ന്യൂകാസില്‍ സര്‍വകലാശാലയില്‍നിന്ന്
More »
ഒക്ടോബര്‍ മുതല്‍ ഇലക്ട്രിസിറ്റി ബില്ലുകളിലെ വാറ്റ് റദ്ദാക്കി ബേണ്‍ഹാം
ജീവിതച്ചെലവ് പ്രതിസന്ധി നേരിടുന്ന കുടുംബങ്ങളെ സഹായിക്കാനായി കൈസഹായവുമായി ആന്‍ഡി ബേണ്‍ഹാം. ഒക്ടോബര്‍ മുതല്‍ വൈദ്യുതി ബില്ലുകളിലെ നികുതി റദ്ദാക്കാനാണ് അധികാരം ഏറ്റതിന് പിന്നാലെ പുതിയ പ്രധാനമന്ത്രിയുടെ നീക്കം.
ഇലക്ട്രിസിറ്റി ബില്ലുകളിലെ വാറ്റ് നീക്കം ചെയ്യുന്നതോടെ വാര്‍ഷിക പ്രൈസ് ക്യാപ്പില്‍ നിന്നും 45 പൗണ്ടാണ് കുറയുക. മിഡില്‍ ഈസ്റ്റ് സംഘര്‍ഷത്തിന്റെ പശ്ചാത്തലത്തില്‍ ഈ വര്‍ഷം ഒരു തവണ കൂടി എനര്‍ജി ബില്ലുകള്‍ വര്‍ദ്ധിക്കുമെന്നാണ് കരുതുന്നത്.
വാറ്റ് വെട്ടിക്കുറയ്ക്കുന്നതോടെ വൈദ്യുതി ബില്ലുകളിലെ 5 ശതമാനം പൂജ്യത്തിലേക്ക് മാറും. ഉയര്‍ന്ന എനര്‍ജി ബില്ലുകള്‍ മൂലം ജനം വിഷമിക്കുമ്പോള്‍ ആശ്വാസമേകുമെന്നാണ് പ്രധാനമന്ത്രിയുടെ പ്രഖ്യാപനം. പണപ്പെരുപ്പം താഴ്ത്താന്‍ സഹായിക്കുമെന്നും അദ്ദേഹം പറഞ്ഞു.
കഴിഞ്ഞ ബജറ്റില്‍ എനര്‍ജി ബില്ലുകള്‍ 150 പൗണ്ട് കുറച്ചിരുന്നു. 2026/27 വര്‍ഷത്തില്‍ 850 മില്ല്യണ്‍ പൗണ്ടാണ് നയം
More »
യുകെയിലെ എഐ മന്ത്രിയായി ഇന്ത്യന്‍ വംശജനായ കനിഷ്‌ക നാരായണ്‍
പ്രധാനമന്ത്രി ആന്‍ഡി ബേണ്‍ഹാം പ്രഖ്യാപിച്ച പുതിയ മന്ത്രിസഭയില്‍ ഇന്ത്യന്‍ വംശജനായ കനിഷ്‌ക നാരായണ്‍ ആര്‍ട്ടിഫിഷ്യല്‍ ഇന്റലിജന്‍സ് ചുമതലയുള്ള സ്റ്റേറ്റ് മന്ത്രി.
ബിഹാറില്‍ ജനിച്ച കനിഷ്‌ക നാരായണ്‍ ബാല്യത്തില്‍ കുടുംബത്തോടൊപ്പം വെയില്‍സിലെ കാര്‍ഡിഫിലേക്ക് കുടിയേറിയിരുന്നു. മുന്‍ പ്രധാനമന്ത്രി കീര്‍ സ്റ്റാര്‍മറുടെ രാജിക്ക് പിന്നാലെ രൂപീകരിച്ച പുതിയ മന്ത്രിസഭയില്‍ പരിചയസമ്പന്നരായ മന്ത്രിമാരെയും വിശ്വസ്തരായ സഹപ്രവര്‍ത്തകരെയും ഉള്‍പ്പെടുത്തിയപ്പോഴാണ് കനിഷ്‌കയ്ക്കും വീണ്ടും അവസരം ലഭിച്ചത്.
നിലവില്‍ വെയില്‍ ഓഫ് ഗ്ലാമോര്‍ഗണ്‍ മണ്ഡലത്തെ പ്രതിനിധീകരിച്ച് ബ്രിട്ടീഷ് പാര്‍ലമെന്റിലെ അംഗമാണ് കനിഷ്‌ക നാരായണ്‍.
വിദ്യാഭ്യാസ രംഗത്തും ശ്രദ്ധേയമായ നേട്ടങ്ങളുള്ള അദ്ദേഹം, ഓക്‌സ്‌ഫോര്‍ഡ് സര്‍വകലാശാലയില്‍ നിന്ന് ഫിലോസഫി, പൊളിറ്റിക്‌സ് ആന്‍ഡ് ഇക്കണോമിക്‌സ് വിഷയത്തില്‍ ബിരുദവും
More »
