ലണ്ടന് : ബ്രക്സിറ്റ് ബില്ലിനു പാര്ലമെന്റ് അംഗീകാരം നല്കിയതിനു പിന്നാലെ ഇടിഞ്ഞ പൗണ്ട് മൂല്യം ബ്രക്സിറ്റ് നടപടി തുടങ്ങിയതോടെ മെച്ചപ്പെട്ടു വരുന്നു. തെരേസ മേയുടെ ഉറച്ച നിലപാടും യൂറോപ്പുമായുള്ള തുറന്ന ചര്ച്ചകളും ആണ് പൗണ്ട് മൂല്യത്തില് പ്രതിഫലിച്ചു കാണുന്നത്. ബ്രക്സിറ്റ് നടപടി തുടങ്ങുന്നതോടെ രൂപക്കെതിരെ എഴുപതിലെത്തുമെന്നു പ്രചാരണം ഉണ്ടായിരുന്നു. പൗണ്ടിന്റെ മൂല്യം 78 ലേക്ക് വീഴുകയും ചെയ്തിരുന്നു.
എന്നാല് മാര്ച്ച് 29 നു ശേഷം പൗണ്ട് മെല്ലെ മെച്ചപ്പെടുകയായിരുന്നു. ബുധനാഴ്ച 81 പിന്നിടുകയും ചെയ്തു. ഡോളറിനെതിരെ 1.21 , യൂറോക്കെതിരെ 1.14എന്നിങ്ങനെയായിരുന്നത് യഥാക്രമം 1.24 , 1.16 എന്നീ നിരക്കിലും എത്തി. യൂറോപ്യന് യൂണിയനിലെ പൗരന്മാരുടെ കാര്യത്തില് കടുത്ത നടപടി ഉണ്ടാവില്ലെന്നത് പൗണ്ടിന് ഗുണമുണ്ടാക്കി.
ഒരു പൗണ്ടിന് 25 രൂപയിലേറെ നഷ്ടമാണ് യുകെയിലെ ഇന്ത്യന് സമൂഹത്തിനുണ്ടായത്. 104 -105 രൂപ ലഭിച്ചിരുന്ന സ്ഥാനത്താണ് 78 ലേക്ക്പോയത്. പ്രവാസി നിക്ഷേപത്തെയും നാട്ടിലേക്കുള്ള പണമയക്കലിനെയും ഇത് പ്രതികൂലമായി ബാധിച്ചു.
അതേസമയം പ്രമുഖ കമ്പനികള് യുകെ വിടാനുള്ള നീക്കത്തിലാണ്. ഇതുവഴി ആയിരക്കണക്കിന് തൊഴില് നഷ്ടം ഉണ്ടാകാനുള്ള സാഹചര്യമാണ് മുന്നിലുള്ളത്.
