വാല്താംസ്റ്റോ: ലണ്ടനിലെ മരിയന് തീര്ഥാടന കേന്ദ്രമായ വാല്താംസ്റ്റോയിലെ ഔവര് ലേഡി ആന്ഡ് സെന്റ് ജോര്ജ് പള്ളിയില് സെപ്റ്റംബര് ഒന്നാം തീയതി മുതല് എട്ടാം തീയതി വരെ എട്ടു നോമ്പ് ആചരണം.
പരിശുദ്ധ അമ്മയുടെ പിറവി തിരുനാളിന്റെ ഒരുക്കമായുള്ള എട്ടു നോമ്പിന്റെ ഭാഗമായി എല്ലാ ദിവസവും വൈകുന്നേരം 6.30ന് ജപമാല, തുടര്ന്ന് വിശുദ്ധ കുര്ബ്ബാന, നോവേന, ലദീഞ്ഞും ഉണ്ടായിരിക്കുന്നതാണ്.
സമാപന ദിനവും മാതാവിന്റെ പിറവിതിരുനാള് ദിനവുമായ സെപ്റ്റംബര് എട്ടിന് ഉച്ചകഴിഞ്ഞ് 2.30 ന് ആഘോഷമായ വി.കുര്ബ്ബാന, നോവേന, ലദീഞ്ഞ് തുടര്ന്ന് പാച്ചോര് നേര്ച്ചയും ഉണ്ടായിരിക്കുന്നതാണ്.
പരിശുദ്ധ അമ്മയോടുള്ള സ്നേഹ ബഹുമാനങ്ങള് പ്രകടിപ്പിക്കുന്നതിനും അതുപോലെ അമ്മയുടെ മാദ്ധ്യസ്ഥം തേടുന്നതിനും എട്ട് നോമ്പ് ആചരണം വഴി അവസരം ഒരുങ്ങുന്നു.
തിരുക്കര്മ്മങ്ങളില് പങ്കെടുത്ത് ആത്മീയവും, ഭൗതീകവും, ശാരീരികവുമായ അനുഗ്രഹങ്ങള് പ്രാപിക്കുന്നതിനായി ഈ ശുശ്രുഷകളിലേക്ക് ഏവരെയും സ്വാഗതം ചെയ്യുന്നതായി സെ.മേരീസ് & ബ്ലസ്സഡ് കുഞ്ഞച്ചന് മിഷന്റെ പ്രീസ്റ്റ് ഇന്ചാര്ജ് ഫാ.ജോസ് അന്ത്യാംകുളം MCBS അറിയിച്ചു.
