സ്റ്റീവനേജ്: ഗ്രേറ്റ് ബ്രിട്ടണ് സീറോ മലബാര് രൂപതയിലെ ലണ്ടന് റീജണല് കുര്ബാന കേന്ദ്രമായ സ്റ്റീവനേജില് അമലോത്ഭവ മാതാവിന്റെ തിരുന്നാള് ഭക്തി പുരസ്സരം കൊണ്ടാടുന്നു. പരിശുദ്ധ അമ്മയുടെ ജനനത്തിരുന്നാളും, അതിനൊരുക്കമായി പൗരസ്ത്യസഭകള് ആചരിക്കുന്ന എട്ടുനോമ്പും വന്നു ചേരുന്ന സെപ്റ്റംബര് മാസത്തിലെ മൂന്നാം ശനിയാഴ്ചയിലെ പതിവ് മലയാളം കുര്ബ്ബാന പരിശുദ്ധ അമ്മയുടെ ദിനവും, തിരുന്നാളുമായി വിപുലവും, ഭക്തിനിര്ഭരവുമായിട്ടാവും ആഘോഷിക്കുക.
പരിശുദ്ധ കത്തോലിക്കാ സഭ ക്രിസ്തു ശിഷ്യനും, സുവിശേഷ പ്രവര്ത്തകനുമായ വി. മത്തായിയുടെ തിരുന്നാള് ദിനവുമായി ആചരിക്കുന്ന സെപ്തംബര് 21 നു ശനിയാഴ്ച ഉച്ചക്ക് ഒരു മണിക്ക് സ്റ്റീവനേജിലെ സെന്റ് ജോസഫ് ദേവാലയത്തില് പരിശുദ്ധ ജപമാല സമര്പ്പണത്തോടെ തിരുന്നാള് തിരുക്കര്മ്മങ്ങള് ആരംഭിക്കും. കൊടിയേറ്റ് കര്മ്മത്തോടെ തിരുന്നാളിന് തുടക്കമാവും.
സമൂഹ പ്രസുദേന്തി വാഴ്ച, മാതാവിന്റെ രൂപം വെഞ്ചരിക്കല്, ആഘോഷമായ സമൂഹ ബലി, വാഴ്വ്, പ്രദക്ഷിണം, നേര്ച്ച വെഞ്ചിരിപ്പ്, സമാപന ആശീര്വാദം തുടങ്ങിയ തിരുന്നാള് തിരുക്കര്മ്മങ്ങള്ക്ക് ശേഷം നേര്ച്ച ഭക്ഷണം വിതരണവും ഉണ്ടായിരിക്കുന്നതാണ്.
തുടര്ന്ന് ബെഡ്വെല് കമ്മ്യുണിറ്റി സെന്ററില് വെച്ച് വൈകുന്നേരം 5:00 ന് പാരീഷ് ദിനാഘോഷം നടത്തപ്പെടും. ചാമക്കാല അച്ചന് ഉദ്ഘാടനം ചെയ്തു സന്ദേശം നല്കും. മുതിര്ന്നവരും കുട്ടികളും നടത്തുന്ന സ്കിറ്റുകള്, ഡാന്സുകള്, പാട്ട് തുടങ്ങിയ കലാ പരിപാടികളും ഉണ്ടായിരിക്കുന്നതാണ്. തുടര്ന്ന് ബൈബിള് ക്വിസ്സ് കോമ്പിറ്റെഷനും സ്നേഹ വിരുന്നും ഉണ്ടായിരിക്കുന്നതാണ്.
ഏവരെയും സ്നേഹ പൂര്വ്വം സ്വാഗതം ചെയ്യുന്നതായി പള്ളിക്കമ്മിറ്റി അറിയിച്ചു.
St.Josephs R C Church, Bedwell Crecent, SG1 1NJ.
