റോം: ഗ്രേറ്റ് ബ്രിട്ടണ് സീറോ മലബാര് രൂപതാധ്യക്ഷന് മാര് ജോസഫ് സ്രാമ്പിക്കല് പരിശുദ്ധ ഫ്രാന്സിസ് മാര്പാപ്പയുമായി കൂടിക്കാഴ്ച നടത്തി. റോമില് വച്ച് നടന്ന, യൂറോപ്പിലുള്ള പൗരസ്ത്യ മെത്രാന്മാരുടെ സമ്മേളനത്തിലാണ് മാര് സ്രാമ്പിക്കല് കത്തോലിക്കാസഭയുടെ പരമാധ്യക്ഷനായ ഫ്രാന്സിസ് മാര്പാപ്പയെ കണ്ടത്. രൂപതയെക്കുറിച്ചു പരിശുദ്ധ പിതാവിനോട് സംസാരിച്ചെന്നും അദ്ദേഹത്തിന്റെ പ്രത്യേക ആശീര്വാദം ഗ്രേറ്റ് ബ്രിട്ടണ് രൂപതയ്ക്ക് ലഭിച്ചെന്നും മാര് സ്രാമ്പിക്കല് അറിയിച്ചു.
യൂറോപ്പിന്റെ വിവിധ ഭാഗങ്ങളില് ശുശ്രുഷചെയ്യുന്ന മെത്രാന്മാരെ പരിചയപ്പെടാനും സംസാരിക്കാനും അവസരം ലഭിച്ചതും ഏറെ അനുഗ്രഹപ്രദമായിരുന്നെന്നു മാര് സ്രാമ്പിക്കല് പറഞ്ഞു.
