ലണ്ടന് : മുഹമ്മദ് നബിയുടെ ജന്മം കൊണ്ടനുഗ്രഹീതമായ റബീഉല് അവ്വല് മാസത്തില് യുകെ മലയാളി മുസ്ലിങ്ങള് നടത്തുന്ന ഒരു മാസക്കാലത്തെ മീലാദ് കാമ്പയിനുകളുടെ ഉല്ഘടനം ലണ്ടന് വില്സ്ടെന് ഗ്രീനില് നവംബര് 1 നു നടന്നു.
ഒരു പതിറ്റാണ്ടിലേറെയായി യുകെ മലയാളി മുസ്ലിങ്ങള്ക്കു ആത്മീയ സാംസ്കാരിക വൈജ്ഞാനിക രംഗത്തു ദിശാ ബോധം നല്കിക്കൊണ്ടിരിക്കുന്ന അല് ഇഹ്സാന് ആണ് കാമ്പയിനുകള്ക്കു ചുക്കാന് പിടിക്കുന്നത്. ഉദ്ഘടന സംഗമത്തില് ഖാരി അബ്ദുല് അസീസ് ഉസ്താദ് നേതൃത്വം നല്കിയ ബുര്ദാസ്വാദന വരികള് സദസ്സ് ആവേശത്തോടെ ഏറ്റു ചൊല്ലി. മുനീബ് നൂറാനി മുഖ്യ പ്രഭാഷണം നടത്തി.
വ്യത്യസ്ത ദിവസങ്ങളിലായി യുകെയുടെ വിവിധ ഭാഗങ്ങളില് മീലാദ് കാമ്പയിനുകള് നടക്കും. കാമ്പയിനുകളുടെ സമാപന മഹാ സമ്മേളനം 23 നു ഉച്ചക്ക് 1 മണിമുതല് ലണ്ടന് വൈറ്റ് സിറ്റിയിലെ ഫീനിക്സ് അക്കാദമി ഓഡിറ്റോറിയത്തില് നടക്കും. നൂറു കണക്കിന് വിദ്യാര്ഥികളുടെ വിവിധ കലാ പരിപാടികളും നാനാ തുറകളില് നിന്നുള്ള പ്രമുഖര് സംബന്ധിക്കുന്ന സാംസ്കാരിക സമ്മേളനവും അന്ന് നടക്കും. സമാപന മഹാ സമ്മേളനത്തിലേക്കുള്ള എല്ലാ ഒരുക്കങ്ങളും പൂര്ത്തിയായി വരുന്നതായും എല്ലാ യുകെ മലയാളി സഹോദരങ്ങളെയും നവംബര് 23 ന്റെ പരിപാടിയിലേക്ക് ക്ഷണിക്കുന്നതായും അല് ഇഹ്സാന് ഭാരവാഹികള് അറീച്ചു.
