കൊച്ചി: ചരിത്രത്തിലാദ്യമായി സ്വര്ണ വില 30,000 രൂപ കടന്നു. തിങ്കളാഴ്ച ഒറ്റയടിക്ക് പവന് 520 രൂപ കൂടി 30,200രൂപയിലേയ്ക്കാണ് ഉയര്ന്നത്. 3775 രൂപയാണ് ഗ്രാമിന്റെ വില. യുഎസ്-ഇറാന് സംഘര്ഷത്തെതുടര്ന്ന് ആഗോള വിപണിയില് വില കുതിച്ചതാണ് ആഭ്യന്ത വിപണിയിലും പ്രതിഫലിച്ചത്. ശനിയാഴ്ച സ്വര്ണ വില പവന് 120 രൂപ ഉയര്ന്ന് 29,680 രൂപയായിരുന്നു. 29,080 രൂപയായിരുന്നു സംസ്ഥാനത്ത് ഡിസംബറിലെ ഏറ്റവും ഉയര്ന്ന സ്വര്ണ വില.സുരക്ഷിത നിക്ഷേപം എന്ന നിലയ്ക്ക് മലയാളികള് സ്വര്ണം വാങ്ങിക്കൂട്ടുന്ന രീതി തുടരുകയാണ്. എങ്കിലും കേരളത്തില് വിവാഹ സീസണ് ആയതിനാല് സ്വര്ണ വിലയുടെ കുതിപ്പ് തിരിച്ചടിയാകുന്നുണ്ട്.
28,000 രൂപയാണ് കഴിഞ്ഞ മാസത്തെ ഏറ്റവും താഴ്ന്ന വില. 20 ദിവസംകൊണ്ട് സ്വര്ണവിലയിലുണ്ടായ വര്ധന 2,200 രൂപയാണ്. എംസിഎക്സ് ഫെബ്രുവരി ഗോള്ഡ് ഫ്യൂച്ചേഴ്സില് എക്കാലത്തെയും ഉയര്ന്ന നിലവാരമായ 41,030 രൂപയിലേയ്ക്ക് വില ഉയര്ന്നു. 918 രൂപയുടെ വര്ധനവാണുണ്ടായത്. രാജ്യാന്തര വിപണിയില് ഒരു ട്രോയ് ഔണ്സ് സ്വര്ണത്തിന്റെ വില 1.5 ശതമാനം വര്ധിച്ച് 1,579.55 ഡോളറായി.
സ്വര്ണവില സമീപ ഭാവിയില് നാല്പ്പതിനായിരമെത്തുമെന്ന വാര്ത്തകള് വരുന്നുണ്ട്.
