ലോകത്താകമാനം കൊറോണ ബാധിച്ച് മരിച്ചവരുടെ എണ്ണം 37,638 ആയി. 7.84ലക്ഷം പേര്ക്കാണ് ഇതുവരെ കൊറോണ സ്ഥിരീകരിച്ചത്. ഇതില് 1.65 ലക്ഷം പേരുടെ രോഗം ഭേദമായി. 5.82ലക്ഷം പേര് രോഗബാധിതരായി ചികിത്സയിലാണ്. ഇതില് 29488 പേരുടെ നില അതീവ ഗുരുതരമാണ്. ഇത് മരണ നിരക്ക് ഇനിയും ഉയര്ത്തുമെന്ന ആശങ്കയ്ക്കിടയാക്കുന്നുണ്ട്. നിലവില് 178 രാജ്യങ്ങളിലേക്കാണ് രോഗം കാര്യമായി പടര്ന്നിട്ടുള്ളത്.
ഇറ്റലിയിലാണ് ഏറ്റവും കൂടുതല് പേര് മരിച്ചത്-11,591.രോഗ ബാധിതര് ഒരു ലക്ഷം കടന്നു.സ്പെയിനില് 7716 പേരും അമേരിക്കയില് 3008 പേരും മരണപ്പെട്ടു. ഇറ്റലിയില് ഇന്നലെ മാത്രം 812 പേര് മരിച്ചു. സ്പെയിനില് ഇന്നലെ മാത്രം മരിച്ചത് 913 പേരാണ്.
നിലവില് യുഎസ്സിലാണ് ഏറ്റവും കൂടുതല് പേര് രോഗബാധിതരായുള്ളത്. 1.64 ലക്ഷം പേര്. ഇറ്റലി-1,01,739, സ്പെയിന് -87,956, ചൈന-82,223, ജര്മനി-66,885, ഫ്രാന്സ്-45,170, ഇറാന്-41,495, യു.കെ-22,453 എന്നിങ്ങനെയാണ് രാജ്യം തിരിച്ചുള്ള കോവിഡ് ബാധിതരുടെ കണക്ക്.
ആഫ്രിക്കന് വന്കരയിലും കോവിഡ് വൈറസ് ബാധ പടരുകയാണ്. ഇതുവരെ 4600 പേരില് രോഗം സ്ഥിരീകരിച്ചു. രോഗം പിടിപ്പെട്ട 146 പേര് മരിച്ചു. 335 പേര് സുഖം പ്രാപിച്ചു. 46 ആഫ്രിക്കന് രാജ്യങ്ങളില് രോഗം സ്ഥിരീകരിച്ചിട്ടുണ്ട്.
