ബര്മിങ്ഹാം : നാളെയുടെ വാഗ്ദാനങ്ങളെ യേശുവില് ഐക്യപ്പെടുത്തുവാന്,അവര് അനുദിനം വിശുദ്ധിയില് വളരാന്, വിശുദ്ധ ജീവിതങ്ങളെ പരിചയപ്പെടുത്തിക്കൊണ്ട് അഭിഷേകാഗ്നി കാത്തലിക് ചില്ഡ്രന്സ് മിനിസ്ട്രിയുടെയും ലിറ്റില് ഇവാഞ്ചലിസ്റ്റിന്റെയും നേതൃത്വത്തില് 'ഹോളിവീന് ' ആഘോഷങ്ങള് സകല വിശുദ്ധരുടെയും തിരുനാളിന്റെ തലേന്ന് (All Saints Day Eve) ഒക്ടോബര് 31 ന് നടക്കുന്നു . ക്രൈസ്തവ മാഹാത്മ്യത്തിന്റെ വളര്ച്ചയ്ക്കായി ദൈവികേതരസങ്കല്പങ്ങളുടെ പ്രതിരൂപമായ ഹാലോവീന് ആഘോഷങ്ങള്ക്ക് പകരം വിശുദ്ധരുടെയും മാലാഖമാരുടെയും വേഷവിധാനങ്ങളോടെ,ക്രിസ്തുവിന്റെ പടയാളികളാകുവാന് കുട്ടികളെയും മാതാപിതാക്കളെയും ഉദ്ബോധിപ്പിച്ചുകൊണ്ട് നടക്കുന്ന ഹോളിവീന് ആഘോഷങ്ങളിലേക്ക്
6 മുതല് 12 വയസ്സുവരെയുള്ള എല്ലാ കുട്ടികളും വിശുദ്ധരുടെയോ മാലാഖമാരുടെയോ ക്രിസ്തീയതയ്ക്കു പ്രാമുഖ്യം നല്കുന്ന മറ്റെന്തെങ്കിലും വേഷവിധാനങ്ങളോടെയോ ഓണ്ലൈനില് സൂം ( ZOOM ) ആപ്പ് വഴി പങ്കെടുക്കണമെന്ന് യേശുനാമത്തില് അഭ്യര്ത്ഥിക്കുന്നു . .കുട്ടികളുടെ അഭിരുചിക്കിണങ്ങിയ ആത്മീയ തലത്തിലുള്ള വിവിധ പ്രോഗ്രാമുകള് ഉള്പ്പെടുന്ന ഈ ശുശ്രൂഷയിലേക്ക് യുകെ സമയം രാവിലെ 11 മണിക്ക് 87466737421 എന്ന ZOOM ID വഴിയാണ് പങ്കെടുക്കേണ്ടത് .
കൂടുതല് വിവരങ്ങള്ക്ക്
തോമസ് 07877 508926.
