കൊറോണ വ്യാപനം രൂക്ഷമാകുന്നത് പരിഗണിച്ചു യൂറോപ്പ് വീണ്ടും അടച്ചു പൂട്ടലിലേയ്ക്ക്. ഫ്രാന്സ് രണ്ടാം ദേശീയ ലോക്ക്ഡൗണ് പ്രഖ്യാപിച്ച് കഴിഞ്ഞു. ആദ്യ ലോക്ക്ഡൗണിന് ശേഷം അനുവദിച്ച സ്വാതന്ത്ര്യം ജനങ്ങള് ദുരുപയോഗം ചെയ്തതിന്റെ ഫലമാണ് ഇപ്പോഴത്തെ അവസ്ഥയ്ക്ക് കാരണം. രണ്ടാം ദേശീയ ലോക്ക്ഡൗണ് തന്നെ നടപ്പാക്കുന്നതായാണ് ഫ്രഞ്ച് പ്രസിഡന്റ് ഇമ്മാനുവല് മാക്രോണ് വ്യക്തമാക്കിയത്. രണ്ടാംഘട്ട വ്യാപനം നിയന്ത്രിക്കാന് ഒന്നും ചെയ്യാതെ നോക്കിയിരുന്നാല് 4 ലക്ഷം പേരെങ്കിലും കൊവിഡ് ബാധിച്ച് മരിക്കുമെന്നാണ് പ്രസിഡന്റ് മുന്നറിയിപ്പ് നല്കുന്നത്. ആദ്യ ഘട്ടത്തേക്കാള് ശക്തമാണ് രണ്ടാം ഘട്ടമെന്നും മാക്രോണ് പറഞ്ഞു.
വെള്ളിയാഴ്ച പ്രാബല്യത്തില് വരുന്ന ലോക്ക്ഡൗണ് ഡിസംബര് 1 വരെയാണ് നിശ്ചയിച്ചിരിക്കുന്നത്. ആദ്യ ലോക്ക്ഡൗണിലും ഫ്ളെക്സിബിളാണ് വിലക്കുകളെന്നാണ് കരുതുന്നത്. പബ്ലിക് സര്വ്വീസുകളും, സ്കൂളുകളും, അവശ്യ തൊഴിലിടങ്ങളും തുറന്ന് പ്രവര്ത്തിക്കും. എന്നാല് വീട്ടില് നിന്ന് പുറത്തിറങ്ങുന്നവര് അതിനുള്ള കാരണം വ്യക്തമാക്കുന്ന രേഖകള് കൈവശം സൂക്ഷിക്കണം. ഇത് പോലീസ് പരിശോധനയ്ക്ക് വിധേയമാക്കും. ബാറും റെസ്റ്റൊറന്റും അടച്ചിടും. അവശ്യ വസ്തുക്കള് വാങ്ങാനും, മെഡിക്കല് ആവശ്യങ്ങള്ക്കും, ദിവസേന ഒരു മണിക്കൂര് വ്യായാമത്തിനും പുറത്തിറങ്ങാന് അനുമതിയുണ്ട്.
ജര്മ്മനിയില് ബാറും, റെസ്റ്റൊറന്റും ഉള്പ്പെടെയുള്ളവ തിങ്കളാഴ്ച മുതല് അടച്ചിടും. വിനോദ സൗകര്യങ്ങള് നടപ്പാക്കുന്ന എല്ലാ സേവനങ്ങളും നവംബര് മുഴുവന് അടച്ചിടും. അതേസമയം സ്കൂളും, ഷോപ്പും പ്രവര്ത്തിക്കാന് അനുവദിക്കും. ടേക്ക്എവെ സര്വ്വീസും തടസ്സമില്ലാതെ തുടരും. റീജ്യണല് ഗവര്ണര്മാരുമായുള്ള ചര്ച്ചയില് അന്തിമതീരുമാനം കൈക്കൊണ്ട ശേഷമാണ് ദേശീയ ആരോഗ്യ അടിയന്തരാവസ്ഥ ഒഴിവാക്കാന് നടപടി പ്രഖ്യാപിച്ച് ആഞ്ചെല മെര്ക്കല് രംഗത്ത് വന്നത്.
അതേസമയം, സ്പെയിനിലും, ഇറ്റലിയിലും ലോക്ക്ഡൗണ് വിരുദ്ധ പ്രതിഷേധങ്ങള് ശക്തമായി . യൂറോപ്യന് വിപണികളും തിരിച്ചടി നേരിടുന്നുണ്ട്.
