വാഷിങ്ടണ് : യുഎസിന്റെ പ്രഥമ വനിതാ വൈസ് പ്രസിഡന്റ് ആണ് ഇന്ത്യന് വംശജയായ കമല ഹാരിസ്. ഇതിനു പിന്നാലെ കമലാ ഹാരിസിന്റെ ഫേസ്ബുക്ക് പോസ്റ്റ് വൈറലാവുകയാണ്. യുഎസിലെ പ്രഥമ വനിതാ വൈസ് പ്രസിഡന്റ് താനായിരിക്കാം എന്നാല് ഇതൊരിക്കലും അവസാനത്തേതായിരിക്കില്ലായെന്നാണ് കമലാ ഹാരിസിന്റെ പ്രതികരണം.
'ഈ ഓഫീസിലെ ആദ്യത്തെ വനിത ഞാനായിക്കാം. എന്നാല് ഞാന് അവസാനത്തേത് ആയിരിക്കില്ല. കാരണം ഇന്ന് രാത്രി കാണുന്ന ഓരോ കൊച്ചുപെണ്കുട്ടിയും ഇത് സാധ്യതകളുടെ രാജ്യമാണെന്ന് കാണുന്നു.' എന്നായിരുന്നു കമലാഹാരിസിന്റെ പ്രതികരണം.
ഏറെ നിര്ണായകമായ പെന്സില്വാനിയയില് കൂടി വിജയം ഉറപ്പിച്ചതോടെയാണ് റിപ്പബ്ലിക്കന് പാര്ട്ടി സ്ഥാനാര്ത്ഥി ഡൊണാള്ഡ് ട്രംപിനെതിരെ ഡെമോക്രാറ്റിക് പാര്ട്ടി സ്ഥാനാര്ത്ഥി ജോ ബൈഡന് തെരഞ്ഞെടുപ്പില് വിജയക്കൊടി പാറിച്ചത്. ഇതോടെ ജോ ബൈഡന് യുഎസിന്റെ 46 ാംമത് പ്രസിഡന്റ് ആയി തെരഞ്ഞെടുക്കപ്പെട്ടു.
തെരഞ്ഞെടുപ്പ് ഫലം വന്നതിന് പിന്നാലെ പ്രധാനമന്ത്രി നരേന്ദ്രമോദി, ന്യൂസിലാന്റ് പ്രധാനമന്ത്രി ജസീന്ത ആര്ഡന്, ഫ്രഞ്ച് പ്രസിഡണ്ട് ഇമ്മാനുവല് മാക്രോണ്, ബ്രിട്ടീഷ് പ്രധാന മന്ത്രി ബോറിസ് ജോണ്സണ് അടക്കം ഇരുവരേയും അഭിനന്ദിച്ച് രംഗത്തെത്തി.
