കൊറോണ ലോകത്തു പിടിമുറുക്കിയപ്പോള് അതിന്റെ ഭീകരത ഏറ്റവും കൂടുതല് അനുഭവിച്ചത് ഇറ്റലിക്കാരായിരുന്നു. ആയിരക്കണക്കിന് പേരാണ് ദിവസവും മരിച്ചു വീണത്. ആശുപത്രിയില് പോലും പരിതാപകരമായിരുന്നു അവസ്ഥ. ഇറ്റലിയിലെ കുതിച്ചുയരുന്ന കോവിഡ് കേസുകളും, മരണങ്ങളും ആശങ്ക വിതയ്ക്കവേ പുറത്തുവന്ന വീഡിയോ മനസാക്ഷിയെ ഞെട്ടിക്കുന്നതാണ്. കൊറോണാബാധിച്ച് മരിച്ച വ്യക്തിയുടെ മൃതദേഹം ടോയ്ലറ്റില് ഉപേക്ഷിച്ച നിലയില് കിടക്കുന്ന വീഡിയോ ദൃശ്യങ്ങള് ആണത്. മറ്റു രോഗികളെ മലമൂത്ര വിസര്ജനത്തില് തള്ളിയിരിക്കുകയാണ്.
ആശുപത്രി വാര്ഡുകള് കോവിഡ് രോഗികളെ കൊണ്ട് തിങ്ങിനിറയുന്ന അവസ്ഥയില് ഇറ്റലിയിലെ കാഴ്ചകളാണിത്. നേപ്പിള്സിലെ കാര്ഡാറെലി ഹോസ്പിറ്റലിലെ വൃത്തികേടായ എ&ഇ വെയ്റ്റിംഗ് റൂമില് കൊറോണ ടെസ്റ്റിനായി കാത്തുനിന്ന വ്യക്തിയാണ് ഈ ദൃശ്യങ്ങള് ചിത്രീകരിച്ച് പുറത്തുവിട്ടത്.
'ഈ മനുഷ്യന് മരിച്ച് കിടക്കുകയാണ്. ഇത് കാര്ഡാറെലി ഹോസ്പിറ്റലാണ്. ഇതാണ് എമര്ജന്സി ഡിപ്പാര്ട്ട്മെന്റ്. ഈ സ്ത്രീ അവരുടെ മലമൂത്ര വിസര്ജ്ജനത്തില് കിടക്കുകയാണ്, ഇവര് മരിച്ചോ ജീവനോടെ ഉണ്ടോയെന്ന് വ്യക്തമല്ല', ദൃശ്യങ്ങള് ചിത്രീകരിച്ച ആള് പറയുന്നു. കാഴ്ചകള് പുറത്തുവന്നതോടെ നേപ്പിള്സിലും, മറ്റ് പല സ്ഥലങ്ങളിലും സ്ഥിതി കൈവിട്ട അവസ്ഥയിലാണെന്ന് ഫോറിന് മിനിസ്റ്റര് ലൂഗി ഡി മയോ സമ്മതിച്ചു.
സിസിലി ദ്വീപില് ഇന്ഫെക്ഷനുകള് കുതിച്ചതോടെ മേഖല ഒരു കൂട്ടക്കൊലയെ അഭിമുഖീകരിക്കുകയാണെന്ന് പലേര്മോ മേയര് പറഞ്ഞു. നോര്ത്ത് മേഖലയില് മികച്ച ആരോഗ്യ സംവിധാനങ്ങളുണ്ട്. സൗത്തിലെ സ്ഥിതി ഇതല്ല, കാര്ലോ പലേര്മോ വ്യക്തമാക്കി. മരണങ്ങള് സംബന്ധിച്ച് അന്വേഷിക്കുന്നതായാണ് ആരോഗ്യ വകുപ്പ് അധികൃതരുടെ പ്രതികരണം. ഇറ്റലിയിലെ പല ആശുപത്രികളിലും സമാനമായ അവസ്ഥയാണുള്ളത്. എന്നാല് അധികൃതര് വിഷയത്തില് പ്രത്യേകിച്ചൊന്നും ചെയ്യുന്നില്ലെന്നാണ് ആരോപണം.
ലോകത്തിലെ ഏറ്റവും ഉയര്ന്ന ആറാമത്തെ കോവിഡ് മരണസംഖ്യയുള്ള രാജ്യമാണ് ഇറ്റലി. അന്ന് പുതിയ രോഗികളെത്തുമ്പോള് പ്രായ മായ രോഗികളുടെ വെന്റിലേറ്റര് നീക്കുകയായിരുന്നു പതിവ്. മരണത്തിലേയ്ക്ക് നീങ്ങുന്ന ആ രോഗികളുടെ ദൈന്യത പല മലയാളി നഴ്സുമാരും വിവരിച്ചിട്ടുണ്ട്. ഇപ്പോഴിതാ രാണ്ടാം ഘട്ടവും ഇവിടെ മാരകമായി മാറുകയാണ്.
