ലൈംഗികാരോപണവുമായി യുവതി. 10 വര്ഷത്തോളമായി വിവാഹ വാഗ്ദാനം നല്കി അസം പീഡിപ്പിക്കുകയായിരുന്നുവെന്നാണ് യുവതിയുടെ ആരോപണം. ഗര്ഭിണിയാക്കുകയും ചെയ്തു. യുവതി വിളിച്ചുചേര്ത്ത വാര്ത്താ സമ്മേളനത്തിലാണ് വെളിപ്പെടുത്തല്. സ്കൂളില് ബാബര് അസമിന്റെ സഹപാഠിയായിരുന്നു എന്നും കഴിഞ്ഞ 10 വര്ഷത്തോളമായി വിവാഹ വാഗ്ദാനം നല്കി ബാബര് അസം പീഡിപ്പിക്കുകയായിരുന്നുവെന്നാണ് യുവതിയുടെ ആരോപണം.
എന്നാല്, ക്രിക്കറ്റിലെ സൂപ്പര്താരമായി വളര്ന്നതോടെ അസം വാക്കു മാറ്റിയെന്ന് യുവതി പറയുന്നു. പരാതിയുമായി പൊലീസിനെ സമീപിക്കാന് ഒരുങ്ങിയപ്പോള് ബാബര് അസം തന്നെ ഭീഷണിപ്പെടുത്തുകയും ശാരീരികമായി ഉപദ്രവിക്കുകയും ചെയ്തെന്നും യുവതി പറഞ്ഞു. ബന്ധത്തെ കുറിച്ച് ഇരുവരുടെയും വീട്ടുകാര്ക്കും അറിവുണ്ടായിരുന്നതായും യുവതി വാര്ത്താസമ്മേളനത്തില് പറഞ്ഞു. കരിയറിന്റെ തുടക്കത്തില് താന് സാമ്പത്തികമായും ബാബറിനെ പിന്തുണച്ചിരുന്നതായും യുവതി ചൂണ്ടിക്കാട്ടി.
അതേസമയം, യുവതിയുടെ ആരോപണങ്ങളോട് പാക് ക്രിക്കറ്റ് ബോര്ഡോ ബാബര് അസമോ ഇതുവരെ പ്രതികരിച്ചിട്ടില്ല. ന്യൂസീലന്ഡ് പരമ്പരയ്ക്കായി എത്തിയ പാകിസ്താന് ടീമിനൊപ്പമുള്ള ബാബര് ഇപ്പോള് 14 ദിവസത്തെ ക്വാറന്റൈനിലാണ്. നിലവില് എല്ലാ ഫോര്മാറ്റിലും പാകിസ്താനെ നയിക്കുന്നത് ബാബറാണ്.
