ബ്രക്സിറ്റിന് ശേഷമുള്ള പുതിയ ഇമിഗ്രേഷന് സംവിധാനം അടുത്തയാഴ്ച മുതല്
ലണ്ടന് : ബ്രക്സിറ്റിന് ശേഷമുള്ള യുകെയുടെ പുതിയ ഇമിഗ്രേഷന് സിസ്റ്റം ജനുവരി 1 മുതല് നിലവില് വരും. ഓസ്ട്രേലിയന് മോഡലില് പോയിന്റ് അടിസ്ഥാനമാക്കിയ സിസ്റ്റം പ്രാബല്യത്തില് വരുന്നതോടെ യൂറോപ്പിലും പുറത്തുമുള്ള എല്ലാവര്ക്കും യുകെ പ്രവേശനം ഒരേ രീതിയിലാവും. സ്കില്, ഇംഗ്ലീഷ് സ്പീക്കിംഗ് എബിളിറ്റി, ശമ്പളം എന്നിവ അടിസ്ഥാനമാക്കിയാണ് പോയിന്റ് തീരുമാനിക്കുന്നത്. മലയാളികള്ക്ക് ഇത് നേട്ടമാകുമെന്നു കരുതുന്നു.
സ്വതന്ത്ര യാത്രാ സംവിധാനം അവസാനിക്കുന്നതോടെ യുകെ പൗരന്മാരുടെ ഇയു യാത്രക്ക് പരിധികള് നിശ്ചയിക്കപ്പെടുും.യുകെയും, യൂറോപ്യന് യൂണിയനും തമ്മില് മാസങ്ങളോളം നീണ്ട ചര്ച്ചകള്ക്കൊടുവില് ബ്രക്സിറ്റ് വ്യാപാര കരാര് ആയതോടെയാണ് ഈ നടപടിക്രമങ്ങളും പ്രാവര്ത്തികമാകുന്നത്.
ജനുവരി മുതല് ലോകത്തിലെ ഏറ്റവും മികച്ച ആളുകളെ സ്വാഗതം ചെയ്യാനാണ് പുതിയ സിസ്റ്റം ഉപകരിക്കുകയെന്ന് സര്ക്കാര് വാര്ത്താക്കുറിപ്പില് വ്യക്തമാക്കി. യുകെയിലേക്ക് ബിസിനസ് ആവശ്യങ്ങള്ക്കായി ലോകത്തിലെ മികച്ച ആളുകളെ എത്തിക്കാനുള്ള പുതിയ ഇമിഗ്രേഷന് പോളിസിയാണ് ഇതോടെ നടപ്പില് വരുന്നത്.
ജനുവരി 1 മുതല് ഇയു സ്വതന്ത്ര യാത്രയും അവസാനിക്കുന്നതോടെ ബ്രിട്ടീഷ് പൗരന്മാര്ക്ക് ഇയുവിലെ വിസാ രഹിത യാത്ര പരമാവധി 90 ദിവസത്തിലേക്ക് പരിമിതപ്പെടുത്തും. ബ്രിട്ടന് ഔദ്യോഗികമായി 12 മാസം മുന്പ് തന്നെ ഇയു വിട്ടിറങ്ങിയിരുന്നെങ്കിലും ട്രാന്സിഷന് പിരീഡ് ഈ വര്ഷം മാത്രമാണ് അവസാനിക്കുന്നത്.ഇതോടെയാണ് ഇമിഗ്രേഷന് നിയമങ്ങളും, സ്വതന്ത്ര യാത്രയും പഴയ രീതിയില് തന്നെ തുടര്ന്നത്. ഇപ്പോള് ബ്രക്സിറ്റ് കരാര് എത്തിച്ചേര്ന്നതോടെയാണ് സര്ക്കാരിന് പോയിന്റ് ബേസ്ഡ് ഇമിഗ്രേഷന് സിസ്റ്റം നടപ്പാക്കാന് വഴിയൊരുങ്ങുന്നത്.
