വലിയ നോമ്പിനോടനുബന്ധിച്ച് വ്രതാനുഷ്ഠാനത്തിന്റെ പരിശുദ്ധിയും , പുനഃരുത്ഥാനത്തിന്റെ സുവിശേഷവും പ്രഘോഷിച്ചുകൊണ്ട് , ക്രിസ്താനുഭവത്തില് നിറഞ്ഞ് , ദൈവിക സംരക്ഷണയില് വളരുകയെന്ന ലക്ഷ്യത്തോടെ സെഹിയോന് മിനിസ്ട്രിയുടെ നേതൃത്വത്തില് മൂന്നുദിവസത്തെ നൊയമ്പുകാല ധ്യാനം മാര്ച്ച് 25,26,27 തീയതികളില് ഓണ്ലൈനില് നടക്കുന്നു . സെഹിയോന് യുകെ ഡയറക്ടറും പ്രശസ്ത ആധ്യാത്മിക ശുശ്രൂഷകനുമായ ഫാ.ഷൈജു നടുവത്താനിയില് ധ്യാനം നയിക്കും .
ലോകത്തിലെ ഏത് രാജ്യങ്ങളില്നിന്നുമുള്ളവര്ക്കും ഈ ധ്യാനത്തില് പങ്കെടുക്കാവുന്നതാണ് .
സെഹിയോന് യുകെ മിനിസ്ട്രിയുടെ മുഴുവന് സമയ ശുശ്രൂഷകരും പ്രമുഖ വചന പ്രഘോഷകരുമായ ബ്രദര് ജോസ് കുര്യാക്കോസ് , ബ്രദര് സാജു വര്ഗീസ് എന്നിവരും ഈ ശുശ്രൂഷകളില് പങ്കെടുക്കും.
സൂം ആപ്പ് വഴിയാണ് ധ്യാനം നടക്കുക.
പങ്കെടുക്കാനാഗ്രഹിക്കുന്നവര്
www.sehionuk.org/register/ എന്ന ലിങ്കില് രെജിസ്റ്റര് ചെയ്യേണ്ടതാണ്. യുകെ സമയം ഉച്ചകഴിഞ്ഞ് 3 മുതല് വൈകിട്ട് 6 വരെയായിരിക്കും ധ്യാനം . പ്രത്യേക പ്രാര്ത്ഥനയ്ക്കും സ്പിരിച്വല് ഷെയറിങിനും മുന്കൂട്ടി ബുക്ക് ചെയ്യുന്നവര്ക്ക് സൗകര്യമുണ്ടായിരിക്കും.
യുകെ സമയത്തിന് ആനുപാതികമായി വിവിധ രാജ്യങ്ങളില് ധ്യാനത്തിന്റെ സമയക്രമം വ്യത്യസ്തമായിരിക്കും.
