ആളുകളുടെ ശ്വാസകോശത്തില് കയറികൂടി അപകടം സൃഷ്ടിക്കുന്ന കൊറോണ വൈറസുകളെ 99.9 ശതമാനം തുരുത്താനുള്ള ആന്റിവൈറല് തെറാപ്പിയുമായി ഗവേഷകര്. 'ഹീറ്റ് സീക്കിംഗ് മിസൈല്' മാതൃകയില് പദാര്ത്ഥങ്ങളെ കണ്ടെത്തി, അക്രമിക്കുന്ന അടുത്ത തലമുറ ടെക്നോളജിയാണ് ഓസ്ട്രേലിയയിലെ ഗ്രിഫിത് യൂണിവേഴ്സിറ്റിയിലെ മെന്സീസ് ഹെല്ത്ത് ഇന്സ്റ്റിറ്റ്യൂട്ട് ക്യൂന്സ്ലാന്ഡിലെ അന്താരാഷ്ട്ര ശാസ്ത്രജ്ഞരുടെ സംഘം വികസിപ്പിച്ചിരിക്കുന്നത്.
സുപ്രധാനമായ ഈ ചികിത്സ വഴി വൈറസ് ശ്വാസകോശത്തില് ഇരട്ടിക്കുന്നത് തടയുന്നതായി കോ-ലീഡ് റിസേര്ച്ചര് പ്രൊഫസര് നിഗല് മക്മില്ലണ് പറഞ്ഞു. കോവിഡ് ബാധിച്ചുള്ള മരണങ്ങള് അവസാനിപ്പിക്കാനും ഇതുവഴി സാധിച്ചേക്കുമെന്നും അദ്ദേഹം കൂട്ടിച്ചേര്ത്തു. ശ്വാസകോശത്തില് വളരുന്ന വൈറസിനെ കണ്ടെത്തി ഇല്ലാതാക്കുന്ന തരത്തിലാണ് ഇത് പ്രവര്ത്തിക്കുന്നത്.
1990-കളില് ഓസ്ട്രേലിയയില് കണ്ടെത്തിയ മെഡിക്കല് ടെക്നോളജി ജീന് സൈലന്സിംഗ് വഴിയാണ് ഇതിന്റെ പ്രവര്ത്തനം. ആര്എന്എയാണ് ജീന് സൈലന്സിംഗ് പ്രയോജനപ്പെടുത്തുന്നത്. വൈറസിന്റെ ജനിതകഘടനയിലേക്ക് ബൈന്ഡ് ചെയ്യുന്ന ആര്എന്എയുടെ ചെറിയ ഭാഗങ്ങള്ക്കൊപ്പം ടെക്നോളജി പ്രവര്ത്തിക്കും. ഇതുവഴി ജീനോമിന്റെ ബാക്കിയുള്ള പ്രവര്ത്തനം തടയാന് കഴിയും, പ്രൊഫസര് നിഗല് വിശദമാക്കി.
സാനാമിവിര്, റെംഡെസിവിര് തുടങ്ങിയ മറ്റ് ആന്റിവൈറല് ചികിത്സകള് ലക്ഷണങ്ങള് കുറയ്ക്കാനും, കൊറോണാവൈറസ് രോഗികളുടെ രോഗമുക്തി എളുപ്പത്തിലാക്കാനും അവസരം നല്കുന്നു. എന്നാല് പുതിയ ചികിത്സാ രീതി വൈറസുടെ നേരിട്ട് തടയുന്ന ആദ്യ ട്രീറ്റ്മെന്റാണ്. മരുന്നിനെ കുത്തിവെയ്പ്പ് വഴി രക്തത്തില് ചേര്ത്താണ് പ്രതിരോധം തീര്ക്കുന്നത്.
