പൂര്ണ്ണമായും വാക്സിനേഷന് എടുത്ത വിമാന യാത്രക്കാരനെ കൊറോണ ബാധിച്ചു സീറ്റില് മരിച്ച നിലയില് കണ്ടെത്തി. തുര്ക്കിയില് നിന്നും ജര്മന് വിമാനത്താവളത്തില് എത്തിയ യാത്രക്കാരനെയാണ് സീറ്റില് മരിച്ച നിലയില് കണ്ടെത്തിയത്. വാക്സിനേഷന് പൂര്ത്തിയാക്കിയിട്ടും കൊറോണ ബാധിതനായി മരണപ്പെട്ടത് വലിയ ആശങ്കയ്ക്ക് ഇടയാക്കി. ഒക്ടോബര് 25 ന് തുര്ക്കിയിലെ ഇസ്താംബൂളില് നിന്ന് ജര്മനിയിലെ ഹാംബര്ഗിലേക്കുള്ള പെഗാസസ് എയര്ലൈന്സിന്റെ 1043 ഫ്ലൈറ്റിലെ ജീവനക്കാര് ആണ് 51 കാരനെ സീറ്റില് മരിച്ച നിലയില് കണ്ടെത്തിയത്.
റഷ്യയില് ജനിച്ച് ജര്മന് സംസ്ഥാനമായ ഷ്ലെസ്വിഗ്-ഹോള്സ്റ്റീനില് താമസിച്ചിരുന്ന ഇയാള് എയര്ബസ് 320-ല് യാത്ര ചെയ്യവെ, ഇന്നലെ രാവിലെ പ്രാദേശിക സമയം 10മണിയോടെ മരണപ്പെടുകയായിരുന്നു. പ്രാദേശിക മാധ്യമങ്ങള് റിപ്പോര്ട്ട് ചെയ്യുന്നതനുസരിച്ച് ഉച്ചയ്ക്ക് 1 മണിക്ക് ഹാംബര്ഗില് മറ്റെല്ലാ യാത്രക്കാരും വിമാനത്തില് നിന്ന് ഇറങ്ങിയതിന് ശേഷം ഒരു ജീവനക്കാരന് ആണ് സീറ്റില് മരിച്ചിരിക്കുന്ന ആളെ കണ്ടെത്തിയത്.
പരിശോധനയില് കൊറോണ പോസിറ്റിവ് ആണെന്ന് കണ്ടെത്തി. എന്നാല് ഇത് മാത്രമാണോ മരണ കാരണം എന്ന് സ്ഥിരീകരിച്ചിട്ടില്ല. കൊറോണ മരണം ഒപ്പം യാത്ര ചെയ്ത ആളുകളെയും ജീവനക്കാരെയും ആശങ്കയിലാക്കിയിരിക്കുകയാണ്. വകഭേദം ഉള്ള കോവിഡ് ആണോയെന്നും പരിധോധിക്കും. ഇയാള്ക്ക് മറ്റു അസുഖങ്ങളും ഉണ്ടായിരുന്നതായി പ്രാദേശിക മാധ്യമങ്ങള് റിപ്പോര്ട്ട് ചെയ്തിട്ടുണ്ട്.
കൊറോണ വൈറസിനെതിരെ പൂര്ണമായും വാക്സിനേഷന് എടുത്തിട്ടുണ്ടെന്ന് തെളിയിച്ചതിനാലാണ് ഇയാളെ വിമാനത്തില് കയറാന് അനുവദിച്ചത്. പൂര്ണമായും വാക്സിനേഷന് ഉള്ളതിനാല് നെഗേറ്റവ് റിസള്ട്ട് നിര്ബന്ധമായിരുന്നില്ല
ഇസ്താംബൂളിലെ ഉയര്ന്ന വാക്സിനേഷന് നിരക്ക് വിനോദസഞ്ചാരികള്ക്ക് ആത്മവിശ്വാസം നല്കുന്നതായിരുന്നു. തിങ്കളാഴ്ച, തുര്ക്കിയില് 28,678 പുതിയ കോവിഡ് കേസുകള് രേഖപ്പെടുത്തി, ഒക്ടോബര് 19 മുതല് നവംബര് 1 വരെ രാജ്യത്തെ മൊത്തം കേസുകളുടെ എണ്ണം 378,149 ആയി. ഔദ്യോഗിക കണക്കുകള് പ്രകാരം തുര്ക്കിയില് തിങ്കളാഴ്ച 217 പുതിയ മരണങ്ങള് രേഖപ്പെടുത്തി.
